عااااااااااااجل ابغى ردودكم قبل الليل الله لايهينكم!
 

مرحبا



انا ملكت من فتره زوجي اليوم صارت عنده مشكلة بالدوام
مشكلة كبيرة خيبت اماله كان المفروض انه يترقى وخسر الترقية
المهم انه مدري وش المشكلة بالضبط لكن اللي اعرفه انه ضايق خلقه حيييييييييل
ولما كلمني اليوم قالي انا تحطمممت :(
والله كسر بخاطري مااقدر اسمعه واهو كذا متحطم
المشكلة انه اليوم اريده يغير جو
ابغى اعمل حركة تخليه يغير جو وينسى اللي صار شوي

عطوني اقتراح !
ابغى تعطوني اقتراح او فكرة اسويها عشان تخليه شوي يفرح ويرتاح مني وينسى الشي اللي ضايقه


وش تقترحون علي اسووووووي
ساعدوني حتى لو بشي بسيط لانه ابغى يكون اليوم ضروروي لانه مرة حالته النفسية سيئة من الصدمة خاصة انه كان جدا متفائل وسعيد ولكن بعد ذلك انصدم باللي صار
لذلك الله يوفقكم عطوني حل واقتراح اسويه الليله ضرووووري مابغى تمضي الليله وينام واهو متضايق :(

وشكرا

اختى انا لو كنت مكانج بحاول ان اسويله جو و اجيب له اشياء انتى عارفه انه يحبهاااا و حاولى تقوليله اشكثر هو غالي عندج و انه كبير بعينج صدقينى انتى كل شئ بيدج الله يزيل عنه همومه و اتمنى لكم االسعاااااده يارب اختج care

عزيزتي :

قد يكون هذا الموقف أختبار لكِ لتبيني فيه مقدار حبكِ له
أرجو أن تنجحي في هذا الأختبار
دعواتي لكِ بالسعادة
وما عليكِ فعله سوى أن تضميه إلى صدركِ وقبليه وأخبريه أن الفرصة ما زالت موجودة وأن وجوده معكِ أغلى ترقية حصلتِ عليها في حياتكِ .
ولاباس بالخروج إلى مكان يرتاح فيه بصحبتكِ
والله معكِ
وتأكدي أن هذا الموقف سيدخره لكِ مدى الحياه ولن ينسى وقوفكِ بجانبه

هو الآن كالطفل الصغير الذي فقد لعبته.. مثلما قالت أختنا أمواج الحب جزاها الله خيرا.. ضميه إليك و قبليه و قولي له بأن الله أراد هذا و الخيرة فيما يختاره الله عز و جل.. و ربما كان ينتظره ماهو أفضل من هذا..
وفقنا الله و إياكم و أسعدنا في الدارين بإذنه تعالى...

أختي ملاك الورد ذكريه بقول الله عز وجل(وعسى أن تكرهو شي وهو خيرا لكم) 000000000000 أختك أم جنا

في رأي ..

ماأعتقد الضم والقبل فقط هي اللي تنفع ..في هالمواقف ..



ومع الرجال خاصة ...هذا ينفع معانا احنا النساء لكن الرجال ...






يبيلهم اشياء أخرى ...لأننا إحنا النساء عاطفين ونحب هالحركات ونحسب الرجال مثلنا ..



المهم في الموضوع الأن ..عليك بالأتي ...




خليه يجي عندكم ..


حاولي عمل جو رومانسي نوعاً ما ...




حاولي تنسيه بالكلام الحلو ..


وأهم مافي الموضوع هو(((( ذكائك))))..






اذا انتوا من النوع اللي تخرجون مع بعض ..وتقدري انت تعزميه اعزميه على مطعم يحب أكله ..


ولاتنسين الكلام عن ان هذه الترقيه ماهي أخر المطاف ...وانه الفرصة لسه قدامه ...وانكم مع بعضكم بتحققون جميع طموحاتكم ...




ومن هالكلام اللي يريح البال ...انت واسلوبك ...(الرجال يبيلهم الكلام اللي يطري قلوبهم)))





وفي رأي يفضل انك تسوينله العشاء من ايدينك ترى بينبسط أكثر ..



ترى الأكل مهم للرجال ...لا تتهاونين فيه ....




وبعدين ممكن بعض الكلام اللي قالوه الأخوات ...





((((وترى ان جيتي للحقيقة مو كل مازعل تموتي نفسك عشان تراضيه ..))))

وانا راي من راي الاخوات ، ضميه وقبلية ونسيه الدنيا ومافيها ، وشغليه بنفسك ، وطبعا هذا شطارتك ، ودائما تعودي على ان تكوني جنب زوجك بس لاتضغطين عليه بالكلام ، يعني لاتقولين له فضفض لانه ماراح يكون رايق ولان الصورة راح تكون في ذهنه وبشكل مركز ، خلي الامر عادي ولكن في نفس الوقت حسسيه بانك ايضا امشاركته بهالشي ، اختى الطريقه موصعبة ، انا اشرحلك اياها ... عشان تطلعين اي شخص من حالتها لازم كل شي يكون بالهداوة .. جيته لك معناها انتي اول شخص تبادر في ذهنه يجيلك عشان ينسى الى اهو فيه ،، حاولي تتقمصين شخصيته ،، يعني اذا كان صوته منخفض انتي ايضا اخفضي من صوتك حتى ملامح الوجه حاولي تكون قريبه يعني اهو عابس مو تعبسين مثله بس يعني قريب يدل على الاحساس حتى في الملامح ،، حاولي تجلسين حتى نفس جلسته وحاولي تكونين مواجهته ،، يعني ... ، لاتناقشينه في الموضوع ،، لانه وبمجرد احساسه بالاطمئنان راح يفضفض و بمجرد مايخلص من الكلام حتى ولو كان في حضنك ،، قوليله ان الارزاق بيد الرزاق سبحانه وتعالى ومحد راح ياخذ اكثر من نصيبه شجعيه خليه يسعى ،، بمجرد هالكلمتين قبليه ونسيه وعيشيه احلى عيشه ... وياحبذا تكون همسات في الاذن مليئة بكلماات جمميييييييييييييييييييييييييييييييييييييلة ومرييييييييييحة وتدوخ ، وبعدين تركيه ، يعني حسب ترتيبك بتجيبين الاكل اللي امسويته ، او مثلا بتطلعون ... يعني حسب الخطه. وباذن واحد احد راح تشوفينه كثير رايق ( اهم شي الثقه بالنفس انك راح تسوين شي ، المفروض تستغلين هالشي عشان انتي اللي تصيرين مستودع اسرار زوجك والحبيبه اللي يفضفض لها ، وتعودينه على كذا )

الله يوفقكم وتكونين على طول بالك على زوجك في حلول كل المشاكل اللي تواجهه ...
بالتوفيق .

اختي .من وجهة نظري .أرى انك تحاولي تتكلمي معة وتخففي عنة ...وقولي له إنك فرحانه بدرجة الحالية ماله .وإن الترقية أكيد بتيجي بيوم من الايام .ويجب أن يشكر ربة على كل النعم التي انعم لله عليه لبها .ولا ييأس ولا يتضايق .عشن صحته وعشان خاطرك .وأكيد بيحاول ينسي .وانا اقترح أن تسهروا على البحر أو على الفضى الطلق.أي في مكان فاضي بدون ربشت الشوارع والسيارات والناس.100% بيرتاح .أهم شي تحاولي تخلية يتحدث ويفضفض عن ما بداخلة في مكان هادي ولوحدكم.

اختي في الله .......
تقولين انك ملكت هل معنى كلامك انك في فترة الخطوبة؟
:confused: