|
نــصـيحه من صبي عنده 16 سنــه لأي ابي - و سؤال اتمني الرد علـيه
; الســـــــلام عليكم و رحمه الله و بركاته ; ديه اول مشاركه ليا في المنتدي و بجد مش عارف ابتدي منين و بصراحه انا سجلت في المنتدي ده عشان اعرف اجابه سؤال واحد بس و احاول اوصل رساله نفسي كل الناس تعرفها , و اتمني من الله عز و جل انكم تقرأوا قصتي يمكن ابنك يتعرض لموقف مماثل . انا ولد عندي 16 سنــه اهلي مش كلموني عن الجنس خالص ولا حتي ازاي اغتسل من الجنابه بس الحاجات ديه اثرت فيه جامد بعد مفهمت تقريبا كل اللي يهمني في سني او في المرحله اللي انا فيها الان بس كنت اتمني انهم يتكلموا معايا و يفتحوا قلوبهم ليا بس هما تقريبا حاسين ان الكلام في المواضيع ديه غــلط !! المشكله اللي انا حاسس انها كبيره هي اني عرفت ممارسه الجنس في وقت بدري جدا من قبل حتي مأبلغ من غير مأعرف ان ده جنس و للاسف الشيطان كان يقولي قدام انت مش بضر حد و لا اذيت حد يبقي ايه الحرام - انا قصدي بممارسه الجنس هي الاستمناء ( العاده السريه ) . وفعلا كنت بعمل كده لحد مبلغت تقريبا في سن 13 او 14 و انا في اعدادي و المرحله ديه كان علينا تركيب الجهاز التناسلي للذكر و للأنثي و حاجات متعلقه بالموضوع ده و لما كنت بممارس العاده ديه بعد مبلغت كان الشيطان كان بيقولي ان ديه مجرد افرازات و مش فيها اي ضرر زي مأنا درست اللي اكتشفت بعد كده انها دراسه سطحيه جدا . و بصراحه انا في الوقت ده مكنتش اعرف اي حاجه عن الجنس خالص حتي اصحابي مجاش في دماغنا اي حاجه عن الموضوع سوي ان بعد الجواز الزوجين بيمارسوا الجنس - ايه هو ده ؟ يعني ايه ؟ ازاي ؟ محدش حاول يسأل خالص . لحد ما في يوم الاستاذ و ضح حاجات عمري مكنت اتصورها و اهم حاجه وضحها هي العاده السريه و ضررها الكبير و انا حرام انا اول مسمعت الحديث و عرفت ان اللي انا بعمله ده هو اللي الاستاذ بيتكلم عليه علي طول سألته و اللي مكنش يعرف حرام برده ?? - قال : لا طبعا بس قدام عرف لازم يبطلها و إلا يبقي حرام عليه - بس انا حسيت ان خلاص الوقت فات لأن من الاضرار اللي قال عليها هي انثناء القضيب بدرجه بسيطه و انا فعلا كنت لاحظت ان ده حصل ليا من فتره . مكنش قدامي الا اني ابطلها و افتكر ربنا و فعلا حاولت كتــير و في اوقات الشيطان حاول يوقعني وللأسف عملتها مرات بسيطه بعد كلام الاستاذ بس قررت من مده كبيره اني اتوقف عن كده و فعلا الحمد لله الحمد لله بقالي مده طويله اوي اوي معملتهاش حتي اني نسيت انا كنت بحس بأيه اثناء العاده ديه و دلوقتي كل ميقرب مني الشيطان او نفسي تهوي ان ارجع ليها تاني بفتكر ربنا علي طول و افتكر الحديث اللي قاله الاستاذ وافتكر ان ربنا شايفني دلوقتي و اكيد مش هيرضي عني لو فعلت كده و افتكر نعيمه و جنته و الحور العين و كفايه رضي ربنا عليه يوم القيامه و اكيد كل ده هيكون للانسان اللي منع نفسه عن الحرام في الدنيا . الســؤال اللي عندي و اتمني الرد عليه من الاعضاء اللي يعرفوا في مسأله الطب : هل عمليه انثناء القضيب هتأثر علي علاقتي بزوجتي ان شاء الله في المستقبل و هل انا ممكن اتعالج وانا في السن ده و لا ديه اصبحت عاهيه هتستمر معايا طول العمر خاصه ان كان حلم حياتي ان ادخل كليه عسكريه ؟؟ بس بصراحه عرفت ان في كشف طبي كامل و اكيد الموضوع ده يستحيل يخليني ادخل الكليه اللي انا عاوزها عشان كده و بجد بحمد ربنا اني لقيت نفسي في مجال الكمبيوتر و حاسس اني ان شاء الله ممكن ابقي حاجه في المجال ده بإذن الله . لو سمــحتم جاوبوني بكـل صراحه و ايه الحــل انا عمري في حياتي مفكرت اني اتكلم عن الموضوع ده لأي حد و فعلا ديه اول مره و عندي نصيحه لكل عضو متزوج و عنده ولد او بنت في مرحله الاعدادي او الثانوي : ( ارجوكم متخجلوش في انك تنفذ النصائح ديه لأن دينا هو اللي امرنا بكده و لو في اي غلط في كلامي اتمني التوضيح للجميع ) اول حاجه حاول تبعد ابنك / بنتك عن اي حاجه تسبـب اثارتهم جنسيا و ان جـه في يوم و سألك عن اي حاجه متعلقه بالجنـس , مش تهينه و حاول تفهمه الاشياء اللي تحس انها تفيده نوعا ما و تريحه نفسيا في المرحله اللي هو فيها و اهم حاجه انه يحث انك متجاوب معاه . تاني حاجه لو لاحظت ان ابنك / بنتك وصل سن البلوغ لازم انك تقعد معاه لو كان ولد و تقله قول: اشهد ان لا الـه الـله و ان محمد رسول الله و تفهمه انه انتقل لمرحله جديده في حياته و هي انه اصبح مسؤل عن كل فعل يعمله او اي خطأ هيرتكبه و ان من الوقت ده في علي كتفيك ملكين واحد بيكتب حساناتك واخر بيكتب سيئاتك و ان هيجي اليوم اللي تقف فيه امام الله عز وجل و تتحاسب علي كل فعل عملته لو كان خير هيكون جزاءك الجنه - والجنه بها ما لا عين رأت ولا اذنت سمعت و لا خطر علي قلب بشر - و تخبره ان الله عز و جل مطلع عليه في كل وقت يعلم ماذا يعمل و ما يدور بفكره و عقله و قلبه . و كمان حاجه مهمه جـدا جدا و هي انك تفهمه انه اصبح صبي بالغ و تعرفه ما هو المني و ما هي الجنابه و كذلك الاحتلام و تعلمه كيف يغتسل من الجنابه لأنه كان يعلم ان طهاره الجسم في الوضوء فقط اما الان يجب عليه ان تتطهر من شئ أخر و هو الجنابه كل هذا بشرح بسيط دون ان تتعمق معه في العلاقه التي تحدث بين الرجل و المرأه و تفهمه ان الله عز و جل خلق تجاذب بين الرجل و المرأه حتي تأتي اجيال تذكر اسم الله و تعبده و تعمر الارض و لهذا السبب انت جأت و انا جأت لكي نعبد الله عز وجل و لا تجعل الدنيا تنسيك سبب ما جئت اليه و لا تغرنك الدنيا فالدنيا فانيه و لن يخلد احد اما دار الخلود ستكون الجنه ان شاء الله ان اتعط الله و ممكن ان تكون نار جهنم و بئس المصير ان عصيته و اجعله يتذكر الله عز و جل في كل وقت وبذلك لن يقع في الخطأ لأن الله سيكون حفيظ له بإذن الله و تخبره بأنه اذا اراد الاستفسارعن اي شئ فلا يخجل و ان يأ تــيك و انت ان شاء الله ستخبره بما يجهل . و طبعا لو كانت بنت تحاول امها الاقتراب منها و ان تكون صديقه لها و هدايه لها بإذن الله . نصيحه اخيره : حاول و انت تتحدث مع ابك / بنتك ان تكون بسيطا في كلامك كما قلت و ان تكون واضح نوع ما و اعلم انك ان لم تجبه سيتوجه الي اصدقائه و الي طرق كثيره منتشره في عصرنا هذا التي قد تدمره و تنهي حياته بالفشل لا قدر الله . اتمني ان اكون قد وصلت حاجه و لو بسيطه و اســف علي اي خطأ قلته من غير قصد و اتمني ان حضرتكم تكونوا لسـه فاكرين سؤالي |
بصراحة كل الشكر والتقدير لك يااخي الفاضل علىنصائحك التي دخلت القلوب لانها صادرة من القلب
والحمد لله الذي انعم عليك بنعمة البحث عن طاعة الله والإستقامة وجاهدت نفسك لمافيه الخير لها وبلوغ الجنان بإذن الله وهذا من فضل الله عليك والذي نسأل الله ان يكون دليل محبته سبحانه لك نصائحك تكتب بماء الذهب ولابد منا ان نطبقها مع ابناءنا وبناتنا وبإذن الله تجد الجواب على سؤالك ممن عندهم علم عنه وجزاك الله الجنان وطاعة الرحمن |
نقل الى عالم الثقافة والتوجيهات..
|
ثانيا استشر طبيبا دون خوف أو خجل فربما يكون الإنحناء الذي ذكرت وهما
ثالثا الاستمناء باليد فهو حرام عند أكثر العلماء الذين استدلوا بقوله تعالى : { والذين هم لفروجهم حافظون ، إلا على أزواجهم أو ما ملكت أيمانهم فإنهم غير ملومين ، فمن ابتغى وراء ذلك فأولئك هم العادون } . والعادون هم الظالمون المتجاوزون ، فلم يبح الله سبحانه وتعالى الاستمتاع إلا بالزوجة والأمة ، ويحرم بغير ذلك لكن يباح لمن خشي الزنا أو الفاحشة .. رابعا نصائحك رائعة وأزيد عليها ليس علينا فقط أن نوجه النصائح بعد فوات الأوان أو عند سن البلوغ فقط بل علينا أن نبدأ باكرا بعدة طرق ووسائل كثيرة منها على سبيل المثال : أن نبعد أطفالنا عن أي صور أو مشاهد مخلة .. أن نحاول تحذير أطفالنا من رفقاء السوء دائما ... أن لا نترك الطفل عاريا عند الاستحمام لفترة طويلة ... أن لا نوبخ الطفل الصغير عندما يعبث بعضوه دون علم منه بل علينا أن نصرف إنتباه لأمور أخرى دون أن نشعره... أن نحاول ملأ فراغ أطفالنا بما ينفعهم من لعب ولهو وعلم وصحبة ورياضة وقراءة وغير ذلك .... أن نحاول مراقبة أطفالنا من وقت لآخر دون أن يشعرو بذلك ... والأهم من ذلك كله أن ندعو الله أن يحفظهم من كل سوء ...... . . . |
ابنى واخى الكريم : انت اثارت الشجون واثارت الكثير والكثير من المواضيع الحساسه والتى وبكل اسف يجل كل اب وكل ام فى التحدث فيها ،، طبعا موضوع ممارسة العاده السريه غلط فى غلط وده شىء اكيد . ولكن اذا وثقت فى نفسك وادخرت مجهودك الذى تبزله فى ممارسة العاده السريه لمسقبلك عندما تتزوج سوف يكون هذا لصالحك انت . اخى وابنى الحبيب : انا متعاطف معك فى ان الاباء مقصرون فى هذا الموضوع بالنسبه لاولادهم ولكن عليك بالتوقف عنها نهائيا لانه ادمان بطريقه سىءه جدا . اما عن سؤالك فهذا له تاثير وطبعا عندما تتزوج سيؤثر عليك فى اشياء كثيرة .منها سرعة القذف وغيرها وغيرها . اما عن كشفك للكلية العسكريه فاذا توقفت لفترة طويله وبدائت تمارس الرياضه فسوف ترجع الى سابق عهدك ولكن بالتدريج . اليك الرابط التالى حتى تستفاد : http://66n.com/forums/showthread.php?t=225 وشكرا للنصائح يا اخى الحبيب وان شاء الله راح تحقق كل امانيك واحلامك ودخولك الكلية العسكريه الى انت عاوزها بس بشط : 1 تثق فى الله اولا ثم فى نفسك ثانيا . 2 تمارس رياضة التى تناسبك باستمرار . 3 الابتعاد عن ممارسة العاده السريه . 5 الصلاة على وقتها وقراة القران الكريم . 6 توجيه النصح لزميلاك واصحابك حتى تبتعدوا عنها جميعا . فى الاخير اتمنى لك دوام التوفيق والنجاح فى حياتك اخوك الكبير احمد شوبير |
بسم الله والحمدلله والصلاة والسلام على رسول الله اخي الكريم اشكرك جدا على هذه المشاركة الطيبة منك والنصاااائح المفيدة جدا جدا وواشكر المولى عز وجل ان هداك المولى وارشدك الى طريق الخير والصلاح وهذا من فضل المولى عليك ونعمه |
يثبت موضوعك حتى تتم الفائدة منه * * * * ونسخة للميزة بعد اكتمال الردود * * * * مع خالص تحيتي وتقديري لاخي في الله |
أم جمانة : شكرا علي ردك و ان شاء الله ربنا يرزقنا الجنه جميعا
سدرةالمنتهى : شكرا علي نصائحك الاستاذ احمد شوبير : مش عارف ليه حاسس انك بتنصحني كأني ابنك و بصراحه كل الردود اللي سمعتها فعلا بتتكلم بصدق و ربنا يجزيك و يجازي كل الاعضاء الخير والهدايه و الجنه ان شاء الله و عاوز اقولك حاجه صغيره انا الحمد الله بقالي اكتر من سنه او ازيد كمان مش بممارس العاده ديه و الحمد لله انا بطلتها خالص خالص و الحمد لله انا اعرف ربنا كويس و بصلي الصلوات في وقتها و الف الف شكر علي توجيهاتك و نصائحك تقوى الله : شكرا علي مرورك و شكرا علي التثبيت |
ومشكلتك بسيطة جدا
وقع فيها كثيرمن الشباب اليوم ليس صغير السن فقط انما كبار ايضاً نسال الله الهداية للجميع قـــــــولــــــو أمـــــــيـــــــــن الله يجزاكم خير |
اقتباس:
|
| الساعة الآن 01:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©