|
زوجي والطلبات
السلام عليكم انا اختكم فيافي نجد :11: لدي مشكله في التوقيت المناسب لااطلب من زوجي السوق او اخبره باني معزومه او طلبات البيت انا انتظره اذا تغدى وقيل يعني قيلوله وروق اقوله بعدين يقول ااوه انت ماعندك سواليف كله طلبات :( تصدقون اني اكلم نفسي امام المراءه واستخدم احسن اسلوب قبل اقوله خصوصا اذا صرت معزومه وتعرفون حب الحريم للعزايم ولانه هو اللي يوصلني مايبغى انعزم :29: وطلبات البيت والاولاد والله حيرني وبالفراش يقولون عيب تطلبي منه شئ وش السوااااااااااااااات |
مشكلة كثير من النساء لايعرفون الوقت المناسب للتحدث الى ازواجهم عن الطلبات وانا شخصيا اعاني ذلك من زوجتي
على الزوجة ان تبحث ان الوقت الذي يكون فيها زوجها مرتاح مثلا عندما يحضر من العمل ويتغدى وينام فبعد أن يستيقظ يكون مرتاحا ويتقبل كل شىء |
انا كنت مثلك يا فيافي نجد
كنت ماأدري متى أطلب من زوجي الطلبات او الفلوس أو أو أو كنت أحيانا أطلبها بالفراش .. لانه الوقت اللي يكون فيه مروق وراضي وباله فاضي لي وصار يتضايق مني وبالأخير أنفجرررر علي وكانت ليلة منيلة !!! وبالأخير مليت وسألته ... طيب متى يناسبك أسألك ؟ لأني زوجي من النوع اللي مايعطيكي رد 100% يعني يقول مثلا : يصير خير .... بعدين ..... اذا جاء وقتها يحلها حلال ومن هالكلام ! قال اطلبي مني اللي تبين أول ماأجي من الدوام ... أفضل عندي من انك تطلبينه مني وأنا عند النت أو بالفراش أو بالسياره وصرت كذا أطلب منه اللي أبي أول مايجي ...!!! هو اللي قال .. أنتي صارحي زوجك وقولي له متى الوقت اللي يناسبك ؟ مثلا على الغداء ؟ أ\و ............. والله يعينك أختك قصيميه |
طيب هي قالت ماتطلب إلا إذا تغدى ونام وروق!!!!!!
ماعليك أختي فيافي,,ترقبي موضوعي الجديد وبتلقين الحل بإذن الله |
السلام عليك يافيافى .. :)الاهم من ذلك هل الطلبات منطقيه .. وهل العزيمه ضروريه ؟ :21: اذاكان الجواب نعم فالآنسب اختيار الوقت الذى يكون فيه مزاجه رايق يعنى مسفهل.. تحياتى لك... |
أختي ... اختاري الوقت حسب رغبته إما من خلال معرفتك لرغبته كونك زوجته من خلال أفعاله واقواله ..... وإذا ما استطعتي ذلك لأي سبب كان .. فعليك معرفة الوقت المناسب عن طريق المصارحة وسؤاله ؟؟؟؟
والأهم كما ذكر أخي الفاضل ( أنا معك ) أن تكون الطلبات منطقية .. لأن هذا أدعى لموافقته .. حين يعلم الزوج ـ من خلال التجارب والمعاشرة ـ أن زوجته لا تطلب إلا ما احتاجت إليه فعلا .. من غير إفراط أو تفريط ( لأن بعض الزوجات ما تصدق بس تبغى تلحق عزايم وخرجات بشكل زائد قليلاً عن المعقول ) أعتقد أنه سيقدر ذلك وسوف يوافق على أي طلب .. بالذات لو رأى منها الخلق والتودد في الطلب .... ما أتوقع أن هناك زوج عاقل تكون زوجته بهذه الصفات ومن ثم يرفض الطلب أو يتعذر بأعذار غريبة ... سوف تعيش كل النساء مرتاحات البال لو كانت الطلبات باعتدال ........................ وضمن المعقول ... وهذه المعقول غير محددة لأنها تختلف من رجل إلى آخر هذا رأيي وبكل صراحة ... شكرا لك أختي( فيافي نجد ) على طرح هذا الموضوع الموفق |
انا مشترك جديد بس من جد كل ماقراءت اكثر كل ماوجدت مشاكل كثيره مشتركه عند كل الازواج :)
اتوقع كل الأزواج يعانون من كثر الطلبات مو مرتاحين الا اللي عندهم سواق :( باقولك اللي يصير معي وجربيه يمكن ينفع طلبات البيت والسوق سوي لها جدول مع زوجك حددوا أيام معينه في الشهر بالساعه تقضون فيها الأغراض واذا طلع شي فجاءه ارسليه له عن طريق رساله في الجوال وانتظري الرد منه. سؤالك له بطريقه مباشره بيخليه يرد على طول لأ بدون تفكير ويعصب اكثر عليك لانك تزودين عليه الطلبات. بس اذا قراها في رساله مايحتاج يرد بسرعه بيفكر في الموضوع وبيرد عليك وهو مروق. وعلى فكره اذا مو شي ضروري (يعني عزومه او شي مثله) لاتضغطين عليه كسبيه في صفك قولي له (مابي الا راحتك اذا تقدر توديني ودني .. بس ودي اروح) كسري خاطره ... الله يسعدك معاه |
هذا عيب اغلب الازواج ، و اولهم انا
|
اقتباس:
مو قلنا اذا روق :11: يابو محمد :d |
اقتباس:
نقرب لبعض وازواجنا زي بعض :11: مثلك ردوده ماهي واضحه وانا اقوله يابيض ياسود اللون الرمادي مابحبوش :29: شكرا |
| الساعة الآن 05:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©