|
طلب لاصحاب الرومانسية والذوق الرفيع
اخواني اهل الرومانسية والذوق الرفيع السلام عليكم بصراحة عندي طلب ومتأكد اني راح احصله عندكم طبعاً انا ناوي اجدد حياتي الزوجية مع انها جديدة الي ابيه منكم طلبين مكان رومانسي جداً بعيد عن الضوضاء وزحمة الناس اجلس معاها فيه اقضي معاها احلى سهره.. ( طبعاً الاماكن نبيها في الرياض ) والشي الاهم ... ابي في هالوقت اعطيها هدية ومحتار وش اقدم لها ووش ذوق البنات خاصة ان البنت تحب الاشياء الرومانسيه وذوقها صعب ياليت القى عندكم الحل في القريب العاجل خلال هاليومين ومشكورين مقدماً يأحلى اعضاء |
اهلا فيك اخي الكريم . . اولا ادعو لك بالسعادة . . و دوام الحب و الألفة بينك و بين زوجتك . . وفقكم الله و ادام عليكم السعادة و راحة البال . . و فعلا فكرتك جميلة لكسر الروتين . . احجز لكم ليلة في فندق 5 نجوم . . او دامك من سكان الرياض فأنتم منتشرة عندكم الأستراحات . . احجز استراحة . . و قضوا الليلة بهدوء . . و اذا كانت الأتراحة بها حمام سباحة فسيكون اجمل . . مش ضروري تسبحون . . لأني لا اؤيد فكرة حمام السباحة المشترك . . و ما يسببه من نقل للأمراض و المايكروبات . . فقط منظر حمام السباحة رائع . . اجلسو قرب حمام السباحة اذا توفر . . و جيب عشا من المطعم . . و عصير . . و جميل جدا ان تنثر بعض الورود على السرير . . و ان تكتفوا بنور الشموع . . اما بالنسبة للهدية . . فأنا ما عندي فكرة الميزانية المحددة . . لكن اذا الميزانية كبيرة . . جيب لها طقم الماس . . او خاتم الماس . . او قلب الماس . . او ذهب . . او ساعة ثمينة . . او ممكن تجيب لها طقم عطور . . و طبعا تعطيها مع الهدية ورود جوري حمراء على عدد حروف اسمها . . او على عدد السنين التي فاتت على زواجكم . . و جميل ان تشتري لها بالأضافة الى الهدية قميص نوم جديد على ذوقك . . و عسى الله يسعدكم ان شاء الله ويكتب لكم السعادة و راحة البال . . و اي سؤال اخي الفاضل اسأل . . و لا تتردد ابدا . . اختك : دهن العود. |
أخي الكريم ( متيم بالهوى )
مراقبتنا الفاضلة .. ما قصرت .. وأعطتك فكرة ... وترى خذ هذي الأفكار من الحريم يفيدوك أكثر وبشكل أكبر ... هذا فضلا عن إني غير متزوج .... :d بس حبيت أبارك لك هذي الفكرة الرائعة منك :22: ... والمبادرة الأروع .. ماشاء الله عليك ... جعلها الله في ميزان حسناتك ... ورح تلاقي أثرها على زوجتك بشكل ما تتخيله .... وكل ينال حسب نيته ... وفقك الله .. وسدد خطاك .. تحياتي |
السلام عليكم ورحمة الله
والله أنا لما اقرأ مشاركة لرجال حاب يفاجأ زوجته أطير من الفرح ما ادري ليش يمكن من زود الرومانسية على العموم لو حاب تسوي فكرة الأخت دهن العود بتكون حركة وايد حلوه وان من زمان كان نفسي اسويها بس عندي إضافات وهي انك تملا حوض السباحة بالشموع الي تطفو على الماء و لو حبيت تثبت كم بالونه على حواف الحوض ولا تنسى شريط الموسيقى و بيكون الجو آخر رومانسيه ومن رايي عادي تسبحون مع بعض بالعكس بيكون الجو شاعري والميكروبات صح تنتقل بس يا ما ويا ما رحنا مع العائلة مسابح وما صار فينا شي الحين بتجي على طويلة العمر بالعكس انا من رايي تكون مجهز لبس سباحة من الي يحبه قلبك وتعطيها اياه وبالنسبة للهدية اشتر لها عطر حلو او خاتم اوي اي شي بس يكون معبر واختار كلمات حلوه للكارت تناسب الهديه مثلاً لو اشتريت لها عطر اكتب بالكرت هذه مجرد محاولة لإخبار العطر أن هناك من يفوق رائحته جمالاً وغلفها بطريقه حلوه وخذ كم بالونه منفوخه بالغاز وثبت الهديه فيها وحطها في صندوق بحيث لما تفتحها تطير الهديه واتمنى لك حياة سعيدة مليانة بالرومانسية ولو حبيت افكار ثانية أنا جاهزه |
تصدق يا أخوي لما قريت الموضوع تمنيت كل الرجال نفسك جعله الله في ميزان حسناتك والله يهني زوجتك بك
|
الثمامة اراه مكان هادئ وكله تفحيط ورومانسية هههههههههه
يا شيخ ولا احلى من البيت ربي يوفقك |
السلام عليكم ورحمة الله وبركاته
ياليت كل الرجال يسون مثلك يا اخوي ويفكرون يسعدون زوجاتهم على العموم بالنيبة للهدية على حد ميزانيتك انا عن نفسي والله خاطري زوجي يقدم لي طقم ذهب على حد ميزانيته |
الاخت الكريمة دهن العود السلام عليكم اولاً : اشكرك على مشاركتك الطيبة وعلى دعواتك الأطيب أفكارك حلوه ومن ناحية المسبح وما يحمل من أمراض فأنا أوافقك الرأي كفنا الله وإياكم شر الأمراض . وبخصوص الهدية وميزانيتها .. طبعاً الميزانية متوسطه مع اني ما اعتقد انه لازم الانسان يشتري شي غالي علشان يرضي زوجته والمرأة الي تفكر بالماديات وقيمة الهدية بالدرجة الاولى اعتقد انها راح تخسر زوجها وان كان مابين هالشي لها بالكلام بس راح يبينه بالفعل مثل انه يقلل من هالهدايا او يجمع فلوس لمدة عشر سنين علشان يرضيها .. ومثل ما قالوا الهدية بقيمتها المعنوية وليس المادية . اشكرك اختي دهن العود على مشاركتك وإفادتك ومجهودك الرائع وما قصرتي ولو عندك إضافة أتمنى تكرمينا بها |
اخي الكريم النور والحنان ياهلا فيك اخوي صحيح ان مراقبتنا ما قصرت بس وين خبراتك وتجاربك ولا مالك تجارب ؟؟ :d عموما مثل ما قلت خلنا ناخذ من الحريم الحرمه اعرف بالحرمه ومطالبها مشكوره اخوي على المشاركة |
وعليكم السلام ورحمة الله وبركاته
ياأختي الكريمة إيثار بصراحة انتي اكثر وحدة تستحقين الشكر والثناء على ما قدمتي لي من افكار حلوه . واكثر شي عجبني فكرة الهدية والكلمات الي اخترتيها بصراحة جداً رووووعه وماكانت تبي تجي على بالي والاكيد ان راح اخذ بفكرتك . واتمنى تزديني بعد فأنا طماع في بكرمك وبأفكارك حتى لو ماسويت بعضها هالمرة اكيد راح اسويها في الايام الجاية . والف مليون شكر على ما مجهودك الرائع ولا عدمناك |
| الساعة الآن 11:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©