|
أرآئكم يا متزوجين و مخطوبين ..؟؟ صواب أم خطأ ؟؟
السلام عليكم و رحمة الله و بركاته .. حتى لا أطيل المقدمة .. بإختصار .. صارت الشوفة و أهل العريس بدأوا يجهزوا كل شئ .. و كل شئ كان ماشي تمام و هو الشخص اللي كنت أتمناه من ناحية الأخلاق و الدين و الإلتزام و الحمد لله ،، و كل مرة كنت أستخير و أشعر براحة و اطمئنان أكثر .. و مع إني كنت شايلة فكرة الزواج أو الإرتباط ،، لإني ماكنت أتوقع بيجيني شخص بهذه الصفات و التي دعا لها الرسول صلى الله عليه و سلم .. المهم .. بقي على أهل الشاب تحديد موعد ( الملكة = عقد القران ) .. و أنا عن نفسي كنت منشغلة بأموري و تاركة الأمور هذه على الأهل هم يتفاهموا فيها .. و أهل الشاب .. نشروا عند الكل إن فلانة خلاص صارت مخطوبة لفلان .. و الناس باركت لنا و الكل عرف .. لكن اللي قالقني و اللي مضايقني .. إنهم ماتكلموا و لا حددوا موعد الملكة ..؟؟ و كان المقرر بعد كم أسبوع و مرت الكم أسبوع و حصلت لهم ظروف بعدها .. و لاشئ صار و لا تكلموا و مع إن الأم دقت تسلم على أمي و الشاب كمان كلم أخوي .. بس محد تكلم عن الملكة و لا عن المهر و لا عن أي شئ ..؟؟ لا تفهموا من حديثي ،، إني مستعجلة أو أو ..؟؟ :11: لكن الأفكار بدأت تاخذني و توديني ..؟؟ أهلي ساكتين و تاركين أهل الشاب على راحتهم .. و يقولوا ( يمكن بيكمل المهر مثلاً ؟ ) ( يمكن مجرد ما يخلصوا من ظروفهم الحالية ؟ ) .. و أهلي شايفين إنه من المخجل إن أهل الفتاة يسألوا ( متى الملكة ) ..؟؟ لكن من حقي أعرف ..؟؟ :( و كانت أمي اليوم تمزح معاي و تعلق و تقول ( زوجك فلان و بكرة لا تعملي كذة و أعملي كذة وووو إلخ ) .. :) قلت لها ( ما صار شئ لساعته ) .. :( بجددددد و الله إني اليوم تكلمت مع أمي بصراحة .. و قلت لها ( لا تفرحوا كثير .. و بعدين أنا ماني لعبة بيد أحد .. ؟؟؟؟ ) و لإني مشغولة أصلاً .. فأنا ما أفكر بالموضوع .. و لو كنت فاضية ( كنت فركشت الموضوع ) .. :( <- طبعاً أقولها بس من قهري .. و من أول كنت ساكتة .. و أخوي قال لي ( تفائلي بالخير ) .. بس أمي اقتنعت بكلامي و قالت خلاص بأدق على أم الشاب بعد كم يوم و أسألها ..؟؟ و مع إنها كانت معارضتني و تقول ( أكيد عندهم ظروف و نتركهم براحتهم ووو إلخ ) .. قلت لها ( لا .. مو على كيفهم أنا ) .. :( الصراحة يا جماعة .. أهم شئ كرامتي .. و مو من الأصول إنهم يدقوا بيت الناس و بعدين يعطوهم طناش .. و أهلي يجلسوا يحطوا أعذار واهية ..؟؟ سؤالي .. هل أسكت و أنتظر شهرين كمان و يمكن تحصل تطورات ..؟؟ و مع إني كل ما ستخرت و آخر مرة الأسبوع اللي فات .. حصلت تطورات تبشر بالخير ..؟؟ أو .. أخلي أمي تكلم أمهم .. بعد كم يوم ..؟؟ و هل من الأصول و العادات ..؟؟ إنه الملكة ( عقد القرآن ) .. تتحدد بأي وقت يحددوه أهل الشاب ..؟؟ و أهل البنت مثل الأطرش بالزفة ..؟؟ بجددددد .. أحس لو أنا مكانهم .. أقل شئ أتصل و أوضح إيش أسباب التأجييييل لو كانت هناك أسباب ..؟؟ أما بدي الطريقة .. أحسها طريقة غريبة ..؟؟ و الغلط من أمي ، لإنها من البداية ماسألتهم طيب متى بالتحديد يكون الملكة ..؟؟ عشان نجهز أمورنا ..؟؟ هل أنا على صواب أم خطأ ..؟؟ جزاكم الله كل خير .. |
؟ ؟ ؟
|
والله يااختي لا ارى اي عيب في ان تسأل امك عن موعد عقد القران
بل وهذا من حقكم واكيد واذكر ان زوجتي من جعلتي اعجل من عقد القران بعد الخطبه واقنعتنا بكذا وكان قرار صائب مئه بالمأة ولا ارى اي عيب في هذا فهذا حق لاكن لا اعرف عن كيفيه التعامل في بلدكم وعاداتكم هناك |
يا اخت هذا مو عيب لانه يساعد في العمليه وانتم ما عملتم شي غلط وحرام لا سمح الله
اسالي حبيبك وحدثيه بصراحه |
هلا أخوي ssab201
شكرا لمشاركتك الرأيي لي .. و هذا هو رأيي كذلك .. و مو مشكلة لو يقولوا بعد سنة أو سنة و نص .. بس الفكرة ( متى ؟ ) .. ما أحب أكون كذة ..؟؟ زي الطرشة بالزفة .. :( اقتباس:
و عشان كذة بأسأل ..؟؟ هل الإتفاقات على أمور الزواج تتم بالطريقة هذه ..؟؟ يطلبوا البنت و يتقدموا لها وووو إلخ .. و من غير تحديد لموعد عقد القرآن ..؟؟ يعني أحس نفسي ( مثل المعلقة ..؟؟ ) .. و كل ما وحدة سألتني متى الملكة ..؟؟ أقول لها ( مدري و الله ؟ ) ..؟؟ و شكراً لك أخوي .. _______________________ هلا أخوي .. megagame .. أشكرك كثير و الله .. ومعاك حق .. و بالنسبة لـ .. اقتباس:
و ما أقدر أحدثه و حتى و إن حدثته .. فالصراحة مااااااااأقدر ،، و الله إحراج و ما أتجرأ .. و إحنا عندنا أول شئ ( عقد القرآن ) .. ومن بعدها ممكن الوحدة تكلم الشاب ,, و تفهم شخصيته ووو إلخ .. فعشان كذة .. يمكن هذا سبب من أسباب انزعاجي ..؟؟ إني ما أعرف عنه ( غير اللي نعرف عنه ) .. و ما أعرف إيش هي مشاعري تجاهه ..؟؟ سوى اعتمادي على الله أولاً و أخيراً و استخارتي له .. و قناعتي به تماماً و بصفاته و أخلاقه و دينه .. لكن كشخصية و تفكير ..؟؟ فلا أعلم و لا أستطيع الحكم عليها الآن ..؟؟ معليه أطلت عليك .. و أشكرك لمشاركتك الرأيي لي .. |
لابد أن تعرفين متى وليش التأخير هذا مستقبل وحياة مو لعبة
ومع هذا لا تشغلين بالك كثير ما دام أنه ملتزم أكيد راح يخاف ربه فيك ريحي بالك |
يعني أخلي أمي تتصل عليهم ..؟؟
^ و مع إني باطنياً لست مقتنعة بذلك و لا أريد إحراج الوالدة و لا أريد إنهم يجي ببالهم إنا مستعجلين أو أي شئ من الكلام هذا ..؟؟ و بجد ما همني متى ..؟؟ :25: بس من الأصول ( أحس كذة ) إنهم لازم يكون لهم موقف و لا ( يا باب ما فتحك شر ) :29: و أخاف بنفس الوقت ( أكون أنا مكبرة الموضوع ..؟؟ و إنه شئ عادي ..؟؟ :( |
الغالب من الشباب ما يتقدم الا وهو موازن اموره
وبعدين تجهيز البنت والبيت ياخذ وقت فالافضل انكم تسالونهم بطريقة غير مباشرة مثل (متى تبون الزواج) علشان تاخذون راحتكم بالتجهيز. واتمنى لك حياة موفقة |
السلام عليكم اختي نايس....
وش فيك كذا مخروشه.... عادي والله عادي لو مرت شهور.... انتي حاولي تتعرفين عليهم اكثر وتعرفين طبايعهم.... فيه ناس كثييييييييييييييير كذا.... يعني يخطب واذا وافقت البنت ارتاح وحس انه ارتاح شويه وبعدين بيجمع المهر ويشوف البيت وووووالخ الخ الخ.... سبحان الله ليش الله سبحانه وصف الزواج بانه استقرار..؟؟؟؟ فعلا تذكرت حالتي قبل الزواج... لما يجيني خاطب اكون في حالة قلللللللللق....وتفكير مستمر.... والحمد لله بعد ما تزوجت اختفت هالحاله.... شوفي لو تقولين لاخوك يكلمه يكون احسن لان الرجال يعرفون يتفاهمون مع بعض.... اما الحريم بيقعدون يحللون كلامكم ويقولون مستعجله ما صبرت وش فيها .. وووووووو الكلام اللي كلنا عارفينه.... دايم الكلام في مثل هالامور يكون بين الرجال... ومو شرط انتي تقولين لاخوك قولي لامك تكلمه اذا كنتي تستحين من اخوك... اما انك تكلمين الرجال قبل الملكه فبصراحه غلط غلط غلط.... يعني انتي متأكده انه بيكون زوجك؟؟؟ وكل ما جاك خاطب كلمتيه؟؟؟؟ اتمنى ما اكون ثقلت عليك وسلااااااامي. |
مو من حقهم يعلقوكم بالشكل هذا مهما كانت ظروفهم .. والمفروض انه يكون في التزام منهم وإطلاعكم على كل الأمور المستجده من جميع النواحي .. بدل التكتم على الموضوع ..
من رائي انك ماتدخلي امك بإحراج لانه راح يكون موقفها ضعيف وتخلي اخوك يكلمه بطريقة غير مباشرة ويعرف منه السبب بشكل واضح .. |
| الساعة الآن 12:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©