|
ساعدوني بابنات تكفون
السلام عليكم ورحمة الله وبركاته
بما اني مبتدئه في عالم الماكياج حبيت استفسر منكم عن بعض الأشياء اللي ابحث عنها نبدأ بسم الله أولا: بالنسبه للأساس اي ماركه اللي تعطي لون طبيعي وكأنه لون البشرة وماتعطي اللون الابيض الفاتح <==== تكون الوحدة كانها حاطه طحين على وجهها يعني لون وسط مع العلم ان بشرتي لونها فاتح ثانيا: بالنسبه للكونسيلر أي نوع أفضل لأن ياكثر الماركات اللي بالسوق والواحد مايدري الاحسن منها يعني لو تكرمتوا من بعد تجاربكم تنصحوني بأفضل نوع ثالثا: نجي الحين للآي شدو شنو الماركة اللي ألوانها حلوة وزاهية ولونهاوتبقى ثابته لفترة أنا جربت جيفنشي هو مب شين بس شفت بنات حاطين ألوان أحلى بس ماادري من أي ماركه فاللي تعرف لانبخل علي بمعلوماتها. رابعاوالأهم: نجي الحين للجزء المهم وهو الكحل والماسكرا وينقسم الى قسمين أولا الكحل الأسود القلم أبي كحل أسود صح ويبقى ثابت لفترة ومايسيح ويخرب الماكياج جربت ديور ولانكوم وكلهم مايمر ساعة الا وهو سايح :19: بعدين اذا عندكم طريقة أقدر أسويها عشان أثبته قولولي تكفون. ثانيا الكحل القلم الملون شنوافضل ماركة اقدر استخدمها الحين جينا للكحل السائل والماسكرا سواء السوداء أو الملونه وشي أحسن ماركة له خامسا: بقى الحين لنا البلاشر والروج والجلوس أي نوع الاحسن أدري اني مابقى شئ الا وسألت فيه وتعبتكم من كثر الطلبات <====وحده ماتنعطى وجه :d بس تكفون اللي عندها خلفية في هالأمور تساعدني لأني جد محتارة ومليت من كثر ماأجرب تحياتي وفي انتظار ردودكم |
السلام، من واقع حبي للمكياج وخبرتي الفقيرة، وبما اني جربته، وبشرتي فاتحة فاليكي التالي :
1- جربي كريم الاساس على وجهك وليس على يدك - انا افضل البودرة المضغوطة توزع على الوجه بالأسفنجة) اكيد نوعية جيدة ويكون بنفس درجة لون البشرة (لانك فاتحة) 2- اختاري الكونسيلر الي يكون طري جداً اثناء التوزيع على البشرة. 3- للآي شدو - جربي كل الانواع الرخيصة والغالية وكل الالوان الي يكون حلو على غيرك مو بالضرورة يكون حلو عليكي. 4- للعين عندك: القلم الأسود اساس لمكياج العين انا استعمل سمايلنغ - حيل اسود بس لازم تعرفين شلون تضبطيه. الماسكرا - ماكس فاكتور - سترتش، حيل روعة الكحل السائل: اولا رسمي عينك بالقلم ومن ثم مري عليه بالكحل السائل. 5- البلاشر: اسفة ما استخدمه بس جربي اللون البرونزي كون بشرتك فاتحة (من بودي شوب) الروج: كل الالوان بشرط استخدام قلم تحديد الشفايف بنفس درجة الروج لاحظي اذا كان مكياج العين غامق - يفضل للشفايف اللون الفاتح والعكس صحيح. الجلوس: ابسط و انعم واحلى طلة بريئة - جربي لانكوم رقمه 123 جدا رائع و يستخدم بدون تحديد لاحظي مكياج الصبح يختلف عن العصر وعن الليل. اقتباس:
|
http://www.y1y1.com/hd3/albums/userpics/18954/l1.gif اتمنى اقدر افيدك عزيزتي...اخت اخوها بس صدقيني نهائيا ما عندي اي فكرة... لأني بعيدة عن المكياج .. الا الخفيييييييييييف منه.. بس اكييييييييييييد الخوات ما يقصروا معاك .. http://www.y1y1.com/hd3/albums/userpics/18954/line.gif |
هلوووووووووووو بنوته
حبيت اعطيك بعض خبرتي في هالمجال لان لي اهتمامات التجميل وادواته اولا سألت عن كريم اللأساس .......... اختك جربت اكثر الماركات بعضها يطلع ثقيل على الوجه وبعضها يغمق بعد فترة ويخلي الوجه مكتم .... انا الحين استقريت على ( ماكس فاكتور ) اللي بالضغاط رهيب وخفيف خذي الدرجة 40 او 45 وان شاءالله تعجبك وتراه رخيص مو زي باقي الماركات غالي وفيه الكريم المضغوط اللي من ( ماك ) كريم + بودره في واحد جربته ( زوين ماعليه ) بس ماكس فاكتور عندي احلى ثانيا: بالنسبه للكونسيلر ... اختاري السايل اللي يجي بفرشة وحطيه قبل كريم الاساس تلاقي من كريستيان ديور انا استخدم من ( آيجيا انستد كافرد ) ممكنتلاقيه بالصيدليات بس فعلا الكونسيلر اللي مع مجموعة التغطية تبعه رهيب ويغطي الهالات بجد ثالثا: نجي الحين للآي شدو ... من عند فور ايفر جربيه وراح يعجبك كمان ( شانيل ) الوانهم حلوة بس قبل تحطي الظل البودره دايم حطي نفس نفس اللون بس سايل ( كريم ) عشان يثبت وبعدين وزعي اللون البودره لكحل الأسود القلم ............. جربي ( نيفيا )<<<< حلو مرة وووجربي ( برجوا) بس ترى القلم لازم يسيح وخصوصا بالحر الكحل السايل .... من ( بدي شوب ) لون اسود وحلو ومايسوي حساسية للعين احيان وانا احط منه يدخل جوا عيني ومايحرقني ويحتفظ بلونه فتره يعني ينفع للمناسبات جربت الكحل السايل اللي من ( ماك ) وماعجبني احس انه حار على عيوني وش باااااااااااااقي ؟؟؟؟؟ الماسكرا اللي من ( سان لوران ) الذهبية حلوة واللي من ( كريستيان ديور ) كمان زينه الروج + الجلوس ................. انا مثلك الى الان ماني عارفه استقر على نوع .. فيه ماركة اسمها ( نوبا ) روجاتها روعه والوانها اروع بس مدري اذا تعرفيها عالعموم اكيد ذوات الخبرة في هالمجال بيفيدوني ويفيدوك تحياتي لك اخت اخوها واتمنى اكون فدتك |
مشكورييييييييييييين حبابي على الردود وتجاوبكم معاي
najwa78 تسلمي حبيبتي على ردك ونصائحك وعلى الموقع أنا الحين راح أشوفه وان شاء الله نلقى المفيد تسلمي ( ابيسة ) على الرد وان شاء الله نستفيد مع بعض من الاخوات لما يردوا على الموضوع يعطيك العافيه فاتن 2 مشكورة على الرد بصراحة ماقصرت بهالمعلومات الزينه أنا الحين أستخدم البودرة المضغوطه من ماكس فاكتور وحيل عاجبتني ان شاء الله راح أجرب الاساس لآني صراحة جربت اكثر من نوع لين مااحترت وبالنسبه للكحل الاسود ماادري نيفيا سواده حلو يعني لونه أسود صح والا يعطيكم العافية جميعا ومشكورين على التواصل وفي انتظار ردودكم |
عزيزتي اخت اخوها ما عندي اشيا كتير اضيفها على الاخت فاتن 2 لانو ماشاء الله كفت و وفت بس احب انصحك بي نوعين من المسكارا مجربين شي روووعة وهي ماركة اترنتي والثانية ماركة كارتير اللي مكتوب عليها 4 in1 وديري بالك لانو اكو نوعين من المسكارا كارتير اختاري الذهبية بالحجكم الكبير
وارجو ان تستفيدي |
عزيزتي الغاليه .. أخت أخوها أسمحي لي أن أبين لك بعض الأرشادات الهامه .. عند شراء كريم الأساس اولا لاتعتمدي على تجارب الأخرين لأن مايناسب غيرك ليس بالضروره أن يناسبك .. للحصول على أفضل النتائج عند شراء كريم الأساس لابد ان تختاري أقرب درجه مطابقه للون بشرتك وعادة صاحبات البشره البضاء والفاتحه تناسبهم درجة البيج الفاتح المائل على اللون الزهري.. وأفضل ماركات كريم أساس السهره .. ( ماك - فور ايفر - كريستيان ديور - ايف سان لوران شانيل) وتأتي الماركات الأخرى في المرتبه الثانيه .. وبالنسبه لكريم الأساس الخفيف للأستعمال اليومي ( برجواز - ريميل - نيفيا ) اما الماسكارا .. طبعا تختارينها على حسب نوعية رموشك وهي انواع (مكثفه - مطوله- مفرقه - ) وأفضلها ( ديور- لانكوم- ماكس فاكتور- نيفيا ) الكحل الجاف داخل العين (برجواز - نارز- ريميل- نيفيا) الكحل السائل .. لامشكله اي نوع ممتازه شط ان يكون من محلات المكياج المختصه الأرواج .. ايضا تختلف ولكن الأكثر رواجا القلوس .. جربي مجموعة مكياجي البلاشر للسهرات نفس ماركات كريم الأساس لمكياج النهار الماركات الشائعه والمنتشره .. بالنسبه للبودره لها أنواع واذاحبيت تفصيل أكثر لاتتردي بطرح السؤال .. |
مشكورة اختي rola2222 على النصيحة وتسلمين
يعطيك العافيه عزيزتي هانديا على هالمعلومات بس حبيت أستفسر عن الآي شدو هذا ماتطرقتي له وهو مهم بالنسبه لي يعني أنا أسأل عن ماركة حلوة تكون الالوان فيها زاهية ويسهل توزيعها ودمج عدة ألوان يعني أنا من النوع اللي مايحب الماكياج الثقيل مرة بس أفضل انه يكون ناعم وحلو وألف شكر حبيبتي على ردك تحياتي وفي انتظار الاجابه |
أعذرني سقط سهوا ... :d بالنسبه للأي شدو .. اذاكنتي تبحثين عن الوان ثابته لاتزول مع الوقت (ماك ) ولكن مايعيب هذه الماركه هو غلاء سعرها المبالغ فيه .. لكن الماركات العمليه التي ستفيدك (برجواز- ريميل- ريفلون) وتتميز بألوانها الجذابه وحبيبتي سأعطيك هذان الرابطان .. الأول عن البودره المضغوطه http://66n.com/forums/showthread.php?t=50809 والثاني عن الأي شدو .. http://66n.com/forums/showthread.php?t=50855 وأي سؤال انا بالخدمه .. |
السلام عليكم بصراحه يابنات انا دايم اتابع في البرامج ان مافيه فرق بين اغلى ماركه وارخص ماركه اهم شي اللي يناسبك انتي وتحسين انه يليق عليك ومن تجاربي البسيطه :
كريم الاساس سان لوران او البودره المائيه اللي علبتها احمر وبـ 15 ريال بس نتيجتها رهيبه الكحل السايل والمسكره بعد سان لوران ماتسيح وثابته علبتها ذهبيه لان فيه انواع كثيره من المسكره عند سان لوران الارواج ماتفرق اهم شي يكون النوع ثابت وقلم التحديد نفس لون الروج تحديد الحواجب استعملت بودره رهيبه من بودي شوب لتحديد الحواجب واهي تجي بلونين بني واسود في نفس العلبه الايشدوو انصحك تروحين محل مكيااجي عندهم الوان رهيبه بعد بلمعه واهي الموضه الحين وبس ملحضاتي بسيطه بس يمكن تنفع احد وسلملم ياحلوين[ |
| الساعة الآن 06:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©