|
مشكلتي يا متزوجين و مخطوبين ..؟؟ :(
السلام عليكم و رحمة الله و بركاته ..
هلا بالأعضاء الكرام .. بأدخل بالموضوع على طول .. بعد إذنكم .. حكايتي إن عقد قرآني تم من أسبوعين تقريباً.. و لساعتي ما عرفت طباعه و لا أعرف شئ عنه ..؟؟ و هو يموت فيني و الحمد لله .. و جداً عاطفي و رومنسي .. :::::::::::::::::::::::::::::::::::::::::::::::::: ::::::::::::::::::::::: الحكاية .. إنه من يوم جاء و زارني خطيبي .. و يبغى يشوف كل شئ و يمسك كل شئ فيني ( أفهموها إنتوا ) .. :( بالبداية .. سمحت له شوي و بعد ما أمتنعت و رفضت .. و بداخلي خجل و ضيق ما يعلم به غير الله .. و لإني أرى و من وجهة نظري ( بإنه لكل شئ وقته المناسب .. و يوم نكون ببيت لحالنا فله الحرية بذلك ) .. و كمان أنا أول مرة أجلس مع رجل بحياتي .. و هو إنسان جديد بالنسبة لي .. فلازم أتعود عليه أول شئ و أعرف إيش شخصيته و أعجب به .. ( حتى أبادله نفس الشئ ) .. و سمحت له شوي .. و لإنه قال لي ( إنه منع نفسه من الحرام و ما قرب منه .. و نفس بالشئ هذا و أنا حلاله ألحين ) .. فما حبيت إنه يخرج و هو زعلان .. بس بنفس الوقت .. غصب عني و الله .. مدري و الله ..؟؟ لا أشعر بطعم القبلة و لا بطعم الإحتضان ..؟؟ و لدرجة إني كنت أعتقد إني ( أكرهه ) .. و كنت بأطلب من أهلي الإنفصال عنه .. :( و لإني إذا عملت شئ ماني مقتنعة فيه أو يكون غصب عني .. بأكره الإنسان اللي قدامي .. :( و حين حديثي مع زميلتي .. قالت لي : بإن مشاعري أنا طبيعية و إنها أول ماكان يجي و يزورها زوجها .. كانت ماهي طايقته و لا تبغاه يجيها .. و كانت تبكي بعد ما يطلع من عندهم .. و التانية نفس الشئ قالته لي .. و لدرجة ماكانت تسمح له يمسك يدها بس ..؟؟ :::::::::::::::::::::::::::::::::::::::::::::::::: ::::::::::::::::::::::: المهم .. بينت له إني أتضايق و أنحرج من إنه يعمل الأشياء هذه معي ببيت أهلي .. و إنه لكل شئ وقته المناسب .. و طلبت منه يساعدني إني أتعود عليه أكثر و أفهمه أكثر .. و هو قرر إنه ما يجي بيتنا بعد كذة .. و لإنه ما يقدر يمسك نفسه .. و لو ما مسك نفسه .. فأنا بعدها راح أزعل منه و أتضايق و أتنكد .. و أنا بالفعل و لا أخفي عليكم ( أشعر بإن هناك أشياء لازم ما تصير من ألحين ) ..؟؟ :( و لدرجة إنه كان يحسبني مصابة بالبرود ..؟؟ :( و شرحت له .. بإن تصرفي تصرف طبيعي .. و لإني ما أعرف رجل غيره .. و المفروض يفتخر بإن زوجته تربت التربية هذه .. و إن كل زميلاتي كانوا كذة بالبداية .. :::::::::::::::::::::::::::::::::::::::::::::::::: ::::::::::::::::::::::: و أبغاه يزورنا و يجي عندنا .. بس حاسة بـ ( خوف ) .. منه ..؟؟ و لإنه يبغى ينام معي من ألحين و مامر على عقد القرآن أسبوعين ..؟؟ :( و هو يقول لي .. إنه كل الناس كذة و أنا اللي مغمضة و مشغولة مع دراستي و لا أعرف شئ ..؟؟ و أنا زوجته و شئ مو عيب ..؟؟ :( بس أنا تربيت إن الفترة هذه .. لازم تكون فترة تفاهم و فترة محاولة لفهم بعضنا البعض .. و بعدها أنا من حالي ( راح أبادله بالتقرب و الإشتياق إلى قبلاته و أحضانه ) ..؟؟ و إذا قلت له إن الفترة هذه لازم أعرفك أكثر .. قال لي ( الشئ هذا راح تعرفيني بالتلفون و بتعرفيني بعدين .. يوم نكون ببيت لحالنا ) .. و ما أتفق معه بالشئ هذا .. فأنا أشوف إن الشئ اللي هو يبغاني أعمله معه .. لازم تصير بعدين .. و احتراماً و خجلاً من أهلي .. فما أقدر إني أعمل الأشياء هذه ببيت أهلي .. مدري صح و لا خطأ ..؟؟ و هل مشاعري تجاهه الفترة هذه طبيعية و راح تتغير مع الأيام ..؟؟ و لا كيف ..؟؟ و لدرجة إني أرفض الخروج معه .. و بدون ما يكون معنا أحد و عشان ما ياخذ راحته .. :25: و لحد ألحين ما خرجت معه غير نص ساعة للمطعم و بس .. و صار كل ما يطلب مني أخرج معه .. أقول له ( أمي رافضة ) .. و هي بالفعل رافضة .. لكن بإستطاعتي أقنعها لو أبغى أخرج .. :11: و لإنه عاطفي جداً جداً جداً .. و يحبني و الحمد لله على النعمة .. فأنا أقابله بالجفاء أكثر الأحيان .. و إذا طلب مني أعطيه قبلة ( بالهاتف ) .. أتمنع و أقول له ( وحدة و بسسس ) .. و آخر شئ قال لي ( لازم تجاملي زوجك ) .. قلت له ( أعرف أجامل و أعرف أدلل و أعرف كل شئ .. بس توني ما عرفتك ) ..؟؟ و كل شئ بوقته أحلى .. و بألبس لك اللي تبغاه .. بس يوم نكون ببيت لحالنا ..؟؟ :::::::::::::::::::::::::::::::::::::::::::::::::: ::::::::::::::::::::::: أعزائي .. ساعدوني الله يخليكم ..؟؟ أنا خايفة من الزواج .. و أخاف أستمر على الحالة هذه بعد ما نكون ببيت واحد لحالنا .. و أحب أتكلم معه بالساعات .. و أحب أحط راسي على رجله و أنام .. و يقبلني .. و أحب إنه يحرك يده على ظهري .. بس ما أبغى أنام معه .. :( و لا أبغاه يشوف الأماكن الحساسة و لا يلمسها .. أتمنى تكونوا فهمتوني .. و لإن أهلي لحد ألحين مو فاهمين ليش أرفض إنه يجي يزروني ..؟؟ و هو وعدني إنه إذا جاء زارنا مرة تانية .. ماراح يقرب مني .. :23: بس أخاف إني أندم على الشئ هذا مستقبلاً ..؟؟ هل تصرفه صحيح ..؟؟ و هل كل المخطوبين بيصير لهم نفس الشئ ..؟؟ و هل كل البنات تصيبهم نفس المشاعر ..؟؟ و هل ممكن أتغير بعد الزواج و يوم نكون ببيت لحالنا ..؟؟ أفيدوني الله يخليكم .. ( رجال و نساء ) ..؟؟ و هو يحبني بجد و أنا ما أعرف أحدد إيش هي مشاعري نحوه ..؟؟ أحبه بس ما أبغاه يقرب مني ..؟؟ :( |
اللـــــــــــــــــــــــــــــــــــــــــــــــ ــــــــــــــــــــه يكون بعونك بس ... اعرف بالضبط المشاعر ولو ما مريت بمشكلة مثل مشكلتك .. لاكن اعرف خجل البنت اذا زوجها يلمحلها اي تلميح عن هالموضوع .. والله كنت لما احس يقول كلمة وحدة او اي كلمة يلمحلي فيها عن ابسط شي بعد العرس .. كنت احس كأنه يعطيني صفعة على وجهي .. وكنت احس اني اتمنى الأرض تنشق وتبلعني بهاللحظة ... بس كله يختفي بعد العرس هذا معروف .. ولكن مشكلتنا الآن كيف تتصرفين حتى تخليه يهدأ شوية .. اولاً زوجك الله يسعدك معاه ويخليه لك .. يحبك .. والحمدلله اذا هو ماسوى شي بالحرام .. فالله يهنيه بالحلال يارب .. وشكله يحبك كثير .. فانتي شوية شوية عليه .. ابسط طريقة .. اكتبيله رسالة رقيقة معطرة .. وبيني فيها مشاعرك .. وأكدي على أنك تميلين له .. بس خجلانة .. وقوليله لاتزعل مني ارجوك ... بس اصبر عليي .. حبة حبة علي مو كلها مرة وحدة .. ثانياً .. حاولي تستوعبي الموضوع واعطيه مجال في بعض التصرفات .. بس لاتخليه يزيد عن حده .. لان اخاف يكون عندك ردة فعل مستقبلاً .. وتصير مشكلة ونفور .. انتبهي على نفسك .. ماعندي عزيزتي غير حل المصارحة .. واتمنى الأعضاء يفيدونك .. بس انتي هدي نفسك شوية .. وفكري بطريقة حلوة تخليه يمسك نفسه .. والله يسعدكم ويوفقكم تحياتي لك اختك م |
بالنسبه لي كنت اتحرج ان افعل شيء مع زوجتي في بيت اهلها (( وذالك لاني اراه مكان غير مناسب )) وذالك سبب لي عكس ما يحصل معك حيث ان زوجتي انزعجت من ذالك ....
(( يالحريم احترنا ان سوينا قلتوا ليش وان ما سوينا قلتوا ليش لا يعجبكم عجب ولا صيام رجب )) |
روح الطير....في رأيي إللي تعمليه معه صح!! ولا أنصحك إنك تنامي معه...لأن الله لا قال إذا صار خلاف بينكم ولو تافه يمكن يكبر وبعدها تنفصلون!! فيا أختي رفضك لمبتغاه شئ إيجابي في وجهة نظري!
أما بالنسبه لمشاعرك تجاهه فهي جدا طبيعيه لأني مريت بنفس الإحساس...فأنا صارلي شهرين مالكه وماكنت أحس بشئ تجاهه...ولكن نتكلم بالتليفون ونتقرب لبعض وبهذا صار حبنا ينبني وصرنت أحس بكلماته وغزله لي أكثر وأكثر وصرت أنا كمان أبادله الشعور بكلمات الحب والغزل... عندي طريقه يمكن تنفع بأن تميلي له....إيش رايك مايجيكي البيت لمدة يومين أو أسبوع, وفي هالفتره تكلموا وتغزلوا ببعض وكمان حاولي تفتحين مواضيع تشوفي رأيه فيها ( بس رجاءاً لا تفتحين هذي المواضيع بليل!ok)...كمان إوعديه (بالتليفون أحسن) إنك بتعملي كذا وكذا بعد الدخله وبتلبسي كذا وكذا (بالتفصيل ماشي؟)..........والله كريم وبالتوفيق |
بسم الله الرحمن الرحيم
عزيزتي روح الطير أتفهم مشاعرك وموقفك منه ولكني لا أرى اي واحد منكم قد أخطأ وشعورك هذا طبيعي جدا فأنت لم تعتادي على هذا وزوجك موقفه طبيعي جدا كذلك فلا تنسي أنه شاب ولا تنسي مشاعره ودوافعه ولكن الشي الذي سبب كل ذلك هو الإستعجال فكل منكم لم يفهم الثاني بعد أعتقد انه من الأفضل ان توطد المشاعر بينكم وتزداد عمقا ورسوخا وأن يزداد كل واحد منكم معرفة بالأخر برأي ان تصارحي زوجك بطريقة جميلة اولا أحكي له عن حبك ومشاعرك له ثانيا صارحيه بأن حاجز الخجل بينكم لا زال قائما راسخا صلبا وهذا الحاجز يزيدك توترا وقلقا بيني له في رسالة أفضل شي أكتبي له أن تزيد فترة مكالماته لك بالهاتف وأن يكتفي بها بدلا من الزيارة لفترة بسيطة وأذكري له السبب وهي حتى تعتادي عليه وحتى يتهدم حاجز الخجل صارحيه بأن عدم تفاعلك معه بسبب ذلك لا أدري موقفك بالضبط ولكن كل شي بطبيعته أحلى يعني إذا كنت تحسين بأنك مرغمة وكارهة للشي فهذا أمر سيء حاولي بأن لا تؤذي زوجك بمشاعرك هذه أبدا وصارحيه بلطف حتى يتفهم موقفك وفقك الله |
الحمد لله إني تعرفت على هذا المنتدى الرائع و على أعضائه الكرام .. :)
و كل رأيي ضاف إلى رصيدي الشئ الكثير .. و جزاكم الله كل خير .. :) أختي .. اقتباس:
و إنه بيختفي بعد العرس .. لإني كنت أحسب إني ما أبغاه ..؟؟ أو إني ما أنفع أكون زوجة ..؟؟ لإني ما أبغاه يقرب مني ..؟؟ و بجد .. إذا تكلم عن المواضيع هذه بالهاتف .. تشوفيني ساااااااااااااكتة و ما أتكلم .. بس إن شاء الله أتغير بعد الزواج .. و كلامك ريحني الصراحة .. :::::::::::::::::::::::::::::::::::::::::::::::::: :: هلا أخوي عمق المشاعر .. اقتباس:
مدري ..؟؟ يمكن إحنا تربينا على كذة ..؟؟ و لإن أخوي قبل لا يتزوج .. كان مثلك و وجهة نظره نفس وجهة نظرك و نظري .. :) و كانت زوجته تنزعج منه ..و تحسب إنه مو رومنسي و لا يحبها ..؟؟ :( و لدرجة إن الموضوع تفركش .. و الحمد لله إنه مبسوط مع زوجته هذه .. اقتباس:
مثلاً .. أختي الكبيرة كانت تحب الأشياء هذه .. و أنا عكسها ..؟؟ أشوف إنه لكل شئ وقته أحلى .. و يمكن لإن طبع كل وحدة تختلف عن الثانية .. و أنا عن نفسي .. بالفعلللللل و الله .. أشعر بإحراج شديييييييد .. و توصل لدرجة النفور أحياناً ..؟؟ :( الزبدة يا خوي .. كل وحدة تختلف عن الثانية و كل وحدة و شخصيتها .. و مثل ما إنت كذة و أخوي كذة .. و أبو الشباب كمان غير .. :d فما نقدر نشمل و نعمم شئ على عنصر الرجال أو النساء ..؟ و بس .. :) شكلي طولت الكلام .. :::::::::::::::::::::::::::::::::::::::::::::::::: هلا أختي .. اللقى .. اقتباس:
اقتباس:
و بجددددد .. ما أحس بشئ ..؟؟ :( و ما أبغاه الصراحة يقبلني .. :( و للدرجة اللي حسيت فيها إني ما أبغاه ..؟؟ و لحد ماعرفت من زميلاتي إنه شئ طبيعي جداً بالبداية ..؟؟ و أتمنى أعرفه أكثر .. ( أظن أسبوعين جداً قليلة إني أعرفه وأتعود عليه أكثر ..؟؟ مدري ليه مستعجل ؟؟ :( ) .. و عشان كذة .. أفضل إني أتكلم معه بالتلفون أكثر من مقابلتي له .. :) اقتباس:
و كل مرة بأتحجج بأي شئ و بحيث ما أخليه يشعر بالشئ هذا .. .. و مو عشاني ما أبغاه و الله .. لكن ,, الحمد لله إني لقيت تأييد منك .. و شكلنا نتشابه بأشياء كثيرة .. :) و مشكورة كثيييير يا أختي .. :) :::::::::::::::::::::::::::::::::::::::::::::::::: :::::::::: هلا أختي سماااا .. اقتباس:
و جاملته مرة و مرتين .. بس خلاص ما قدرت أستحمل و صارحته بالأخير .. و عشان لا أنفر منه بعد كذة .. و الحمد لله إنه تفهم موقفي .. و كل اللي قلتي عليه .. عملته و الله .. :) بس كنت خايفة من نفسي ..؟؟ و أسأل نفسي ..؟؟ ( أنا لييييش كذة ..؟؟ ) .. و هل راح أستمر كذة على طوووول و لا كيف ..؟؟ و بجددددد ما تتخيلوا كيف تعبانة ..؟؟ عشان أتعود عليه بسرعة ..؟؟ لإني ما أبغى أكون مكرهة على شئ .. و أخاف يأثر الشئ هذا علي مستقبلاً ..؟؟ |
عزيزتي روح الطير
اعتقد من خلال كلامك إنك خجلانة من ذلك بسبب إنك في بيت والديك ده أولا ثانيا : إن اسبوعين برضه فترة مش كافية للتعود ومن خلال كلامك عن إنك لا تشعري بالقبلة وهو يقبلك أعتقد برضه أن مكانها مش مناسب لكن عارفة لما تبقى في عش الزوجية سوف تشعرين بمدى السعادة وهو يقبلك لأنه في اعتقادي القبلة هي ترمومتر الحب وهي التي تعبر عن مدى حب زوجك لك زواج مبارك إن شاء الله |
ربي يسعدك يا أختي .. :)
و أنا اللي خلاني أستنتج الشئ هذا ,, إنه يوم خرجت معه للمطعم و مجرد نصف ساعة .. حسيست بشوق لتقبيله لي .. و وقتها أستنتجت إني محرجة جداً جداً .. إن الشئ هذا يكون ببيتنا .. و أنا ما أمنعه من الأشيساء البسيطة هذه و من حقه عليّ أن أرضيه .. لكن أشياء أكبر من كذة ( معلييييه .. بجد ما أقدر و لا راح أسمح له ) .. :( و لإنها تسبب لي نفور منه ..؟؟ و أنا و الله ما أستغنى عنه و بحاجة له و لحنانه .. بس وعدته إذا كنت معه ببيت لحالنا و بس .. و لدرجة إنه إذا طلب مني أخرج معه .. أتعذر بأي شئ .. و يوم طلب مني نخرج أنا و هو و أخوي مع بعض للمطعم .. وافقت و بدون أي تردد .. و مشكورة أختي .. :) |
حبيبتي روح الطير
لا تخافي بإنك لن تشعري إتجاهه بنفس مشاعره هذه وساوس صدقيني أهم شي أن تقنعي نفسك بأنك تحبيه وستكونين نعم الزوجة له ضعيها قاعده ماتريده يتحقق أختك سماااا |
يجب علي الزوج أحترام رغبة زوجته و اذا كانت ترغب في قضاء هذه الفترة كحب عذري فان ذلك ليس صعبا علي الزوج لأنه بدوره لم يعتد علي جسدها و بالتالي لن يشتاق اليه و يستطيع أن يغض طرفه عن مفاتنها بأستمرار ويجب عليها أيضا ألا تفتنه بملابسها أو زينتها حتي لا تشق عليه . و الأمر في النهاية سهل في وجود كل هذه المشاغل الحياتيه . و اذا كان هذا يسعد زوجته الحبيبة فسيكون أكثر سهولة أن شاء الله .
|
| الساعة الآن 09:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©