|
تجهيز أغراض الحفلة ؟؟؟
السلام عليكم.. لما يكون عندك حفلة رومانسية.. كييييييييييييييييف تجهزين أغراض الحفلة؟؟؟ بالنسبة لي .. الأمر صعب جدا جدا .. ما عندي سواق.. وصعبة أوصي أحد يشتري لي هذه الأغراض.. وإذا رحت للسوق مع زوجي وشريتها.. المفاجأة بتخرب تماما.. وبيقعد يسألني.. هذا وين بتحطينه؟؟ وهذا وش بتسوين به؟؟ وهو أصلا ما يحب الأسواق أبد أبد.. يبغى ندخل محل أو محلين وبسسسسسسسرعة نطلع.. وصعبة أشترك في محلات الكيك والحلويات اللي توصل للمنازل؟؟ وصعبة أصلح في البيت (كيك وعصير) وعشاء رومانسي ،، لأننا ساكنين مع أهله ،، بيقولون هذي وش عندها؟؟؟ فيه أحد مثل حالتي ؟؟ وشلوووووووووووون أتصرف؟؟؟ |
محلات الكيك و محلات العصير منتشرة في كل مكان..كلميهم بالتلفون و بيوصلون الطلب..و الانترنت خيار ثاني..
|
حبيبتي
لازم يكون عندك أمينة سر(عريفة يعني) ههههههههههههههههههه اقصد مثلا لو توصي وحدة تكون مقربة منك جدا من صاحباتك أو أخواتك أو بنات خالاتك انها تجيب لك هذي الاشياء كمان من العادة ان هالاشياء ما تكون ملفتة للنظر لانها شموع وورود فهي مشتروات عادية ممكن اي ربة منزل تشتريها عشان تزين بها بيتها فما راح تحسي باحراج من اهل زوجك اذا اشتريتيها مع وحدة منهم يعني مع وحدة من اخوات زوجك مثلا وبعديت يا ليت توضحي اكثر هل انتي ساكنة مع اهل زوجك في نفس البيت ولك غرفة فقط ام انك ساكنة معاهم بعمارة ولك شقة منفصلة؟ انا بصراحة لقيت ان زوجات أصدقاء زوجي يشتروا اشياء الحفلات الرومانسية ويتبادلوها بينهم في اجتماعاتهم وكل وحدة فيهم تستخدمها مع زوجها منها سرية ومنها توفير وطبعا الازواج نفسهم ما يتكلموا مع بعضهم في هذه المواضيع لانها مواضيع خاصة وحساسة وبالتالي فازواجهم ما يكون عندهم فكرة عن هذه التجهيزات فيتفاجؤوا بها ( يعني الواحد منهم ما راح يدري ان هالاشياء اشترتها زوجة صديقه مثلا) وطبعا هذي الاشياء تنحصر في بالونات ملونة وشموع وورود وفواحات وقطع اقمشة ومفارش طاولات او مفارش أسرة وكروت وعبارات أما القمصان والملابس فلا يتم تبادلها بالطبع بالنسبة للمأكولات والكيك عادي يا اختي انا مثلا احب الحلويات جدا وكل اللي حولي يعرفوا عني هذا الشي فلن يكون من المستغرب اني اشتريها في اي وقت انتي بعد سوي نفس الشي لو اتعودوا اهل زوجك انك تشتري مثل هذي الاشياء بصفة دائمة او دورية ما راح يستغربوا كمان انا عندي فكرة ترى الكيك والتورتات تجلس في الفريزر لفترات طويلة خاصة اذا كانت من غير فواكه انتي عاد اشتريها وقولي انك تحطيها في الفريزر عشان لو جاكي ضيوف فجأة يكون عندك شي تقدميه لهم بس هذي ما تنفع الا اذا كنت في شقة لحالك واذا ماكنتي لحالك فافضل انك تحسسيهم انك تحبي الحلويات وتشتريها باستمرار عشان ما يستغربوا وبعد فترة حيكون موضوع توصيل طلبات الكيك امر عادي بالنسبة لاهل زوجك لانك عودتيهم على كدة اتمنى اني اكون افدتك بس ترى لا تخلي هذي الاشياء تعوقك عن انك تعيشي حياتك مع زوجك بسعادة يعني لا تتراجعي عن مخططاتك الرومانسية بسبب هذي الامور انت اتوكلي على الله وسوي مثل ما قلت لك وربي بيسهلها لك طالما انك بترضي زوجك وتسعديه وشكرا |
أنا مثلك يا سوسن بس الفرق اني في بيت لحالي لكن المشكله وحده وهي ان ماعندي احد يجيب لي الاغراض اللي احتاجها خصوصا هذي الايام لانها امتحانات والكل مو فاضي لي لان ذكرى زواجنا راح يكون في نص الامتحانات...
ولا تقولين لي ليه ماجبتيها من زمان راح اقولك اني ماكان في بالي اي فكره حلوه للحفله لكن من يومين جتني فكره فمالقيت احد .... عندي رد للأخت وحده ونص صعبه انها تقول احب الحلويات ودايما تطلبها ليش ؟؟؟ لان راح يكون فيها شي من الانانيه انها تجيب لحالها ولا تقولي عادي تجيب لهم تخيلي يكونون كثيرين وش راح تسوي يعني تخسر فلوس عالفاضي .... واسفه عالاطاله |
عادي اختي اعطيهم معك حتى تبعدي عنك العين والمسألة ذواقة مو شبع (يعني انتي ماتعطيهم الكمية اللي تشبعهم لان هذي الاشياء المفروض الواحد ما يشبع منها)
وبعدين فعلا انا محتاجة اعرف اذا كانت الاخت ساكنة معاهم بنفس البيت واللا في شقة لحالها بس ترا مشكلة لما تجلسي مكتوفة اليدين ويعوقك الحيا عن انك تعيشي حياتك او حتى ممكن تطبخ الكيك والحلويات في البيت وتعطي اهل زوجها منها تكسب محبتهم ومنها تعودهم على انها تحضرها باستمرار شوفي يا اختي ابقول لك كلمة مأثورة المرأة إذا بغت تسوي شي تسويه الله سبحانه وتعالى استعظم كيد النساء في كتابه والوحدة المفروض انها تشغل عقلها في هالاشياء بالنسبة لك اختي رعبوب تقدري تخرجي مع واحد من اخوانك؟ ترى انا دايما اسويها وأخوي الله يعطيه العافية يساعدني ودايم ادعي له ان الله يوفقه ويرزقه بنت الحلال اللي تسعده وتهنيه خاصة وان شباب هاليومين يتفهمو هذي الامور بدون احراج يعني انا بصراحة ما احس اني محرجة من اخوية لان هو نفسه يبغى زوجة تهتم فيه بهذي الطريقة ولما يتزوج ماراح اقصر معاها حاساعدها بكل ما اقدر واذا خرجت مع اخوك لا تقولي له انك مشتريه هالاشياء لزوجك (اذا كنت تستحي منه او كانت سنه غير مناسبة انه يعرف اشياء زي كدة) وانتي ادرى بطبيعة اخوانك وطبيعة علاقتك معاهم قولي له انك بتزوري وحدة توها والدة وانك تبي تسوي هديتها بنفسك واشتري بالونات وشموع وورد اذا تقدري تخرجي مع سواق اهلك او اهل زوجك مثلا ويكون معاك بنت او ولد من اللي خلصو اختبارات (من اول لثالث ابتدائي) ولا تنسي طبعا تشتري لهم شي يحبوه عشان تضمني انهم يخرجو معك باستمرار وعلى فكرة اختي يمكن كونك ما تقدري تخرجي الان خيرة من الله لان الاحتفال بعيد الزواج محرم بس ماادري اذا كان ممكن تحتفلي انتي وزوجك في يوم ثاني وما تكون نيتك انه بهذي المناسبة بالتحديد الله يوفقك اختي واسفة على الازعاج |
عزيزتي ta2ba
مشكورة على ردك ومرورك الكريم.. عزيزتي وحدة ونص.. مشكورة أختي على تفاعلك الراااااائع.. وأنا ساكنة معهم بنفس البيت.. يا ريييييييت بشقة إلحالي .. اقتراحاتك جدا رائعة.. ابحاول تطبيقها مع إن مجتمعي ما تناسبه فكرة التوصيل وأنا أفتح لهم الباب وأحاسب!!!!!!!!!! والورد الطبيعي أمووووووووووت فيه بس تصدقين دايم حفلاتي متوااااااضعة ما فيها ورد طبيعي.. ما فيها فن .. عزيزتي r3bo0o0b مشكوووورة على المشاركة والله ييسر أمرك.. |
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©