|
بنات المنتدى العزيزات تعالوا بقولكم ...
[marq=left][marq=left]السلام عليكم ورحمة الله وبركاته .......[/marq][/marq]
:) :28: :d :d :d لله درك أيها المنتدى المبارك كلما غبت عنك أحس بالحنين إليك .... وكلما أنقطعت عن الكتابه فيك لظروف الدراسه وبختني نفسي والله لأني كم أستفدت منك وأريد أن أرد لك بعض ماأستطيع وباالله التوفيق ومنه العون والسداد ...عفوا كلماتي هذه مشاعر صادقه ويعلم الله صدقها تحركت في صدري فأحببت أن ابتدأ بها كمقدمه بسيطه والله من وراء القصد ..... أخواتي العزيزات في منتدى عالم الحياة الزوجيه عدت اليوم وكلي شوق لكن ..... أود بموضوعي هذا أن تكون لنا جلسه مع بعض جلسة نساء يعني تماما كما نجتمع خارج النت في جلسات العصريه وبعد المغرب ونتجاذب أطراف الحديث وكل وحده تدلي بدلوها الفرق الآن اننا من وراء الشاشات وعبر الكيبوردات ...... :22: المواضيع والامور اللي نبغى نتناقش فيها كل شيء يعني مثلا كل وحده كم لها من تزوجت ماهي الأشياء الإيجابيه اللي قدرت تبدعها وتضيفها على حياتها الزوجيه خلال سنوات زواجها ... كذلك الأشياء الإيجابيه اللي عودت نفسها وزوجها عليها وأي وحده عندها استفسار أو تساؤل يخص الحياة الزوجيه تقوله وانساعد بعض بالنصايح وتبادل الخبرات تماما مثل ما قلت كأننا في جلسه نساء عاديه وطبعا الكلام ذو شجون ويجر بعض المهم شدو الهمه بنات وخلونا نبدأ ونخلي البساط أحمدي مثل مايقولون :18: |
وعليكم السلام ورحمة الله وبركاته...
حياك الله أختي في الله " أيام الطفولة " وياهلا ومرحبا... حبيت أسأل ممكن البنوتات اللي على وش زواج :15: ممكن يشاركوا....؟؟؟ |
:17: فكرة جيدة بارك الله فيك غااااليتي يالله خلينا نشوف الردود ولي عودة |
اهلين ايام الطفوله .. انا لي تقريبا 8 شهور متزوجه والحمدلله مبسوطه مو معنى كذا انو مافيه مشاكل بس مشاكل بسيطه ماوصلت الى درجه التعقيد واختك في الله احيانا تتضايق لو ماتناقرت مع زوجها :23: :23: :d وبما اني توني متزوجه وماعندي الى الحين اطفال فأنا احاول قدر الامكان اغير قليل في زوجي يعني مثلا هو ماعنده صبر ابدا على الاطفال او حتى على اخوانه اللي اصغر منه وانا اقوله ياولد الحلال اخوانك مراهقين ماينتعامل معهم بهالاسلوب بس ولا كاني اتكلم :25: برضو مايطيق يسمع عيال اهوانه يبكون او يلعبون بصوت عالي خبرك البزارين حتى بضحكهم يصارخون بس هو الله يهديه مايحب الصخب اطلاقا بس الحمدلله احس مع الايام بدأ يتأقلم لاني انا احب البزارين وفوضويتهم .. وحنا ساكنين مع اخوانه في عماره وحده يعني كل واحد بشقه وانا ماعندي اطفال فاتلاقيني اذا طفشت انزل عندهم واناديهم عندي فتلاقينه يتضايق من اصواته وانا اكون في قمه انبساطي :17: :17: بالنسبه للاشياء اللي عودته عليها اممممممم مو كثير لكن في اشياء احاول فيها منها مثل ماقلتلك الاطفال وصخبهم خليته على الاقل يتحملهم اشوي علشاني برضوا اخذ مني بعض الالفاظ والعادات مثل كلمه ماتستحي؟ :d برضوا طريقه رده افعالي تجاه المواضيع صاير حافظها وصاير يتوقع رده فعلي قبل مايكمل موضوعه :29: واكيد صاير ينظف سيارته من غير مااقوله لاني اتضايق لما اشوفها فوضه.._برضوا عودته انه مايتوقع اني بطبخ في يوم من غير مايقولي اطبخي ويصمم علي :29: :d والاشياء اللي اخذتها منه التأني_ اني اتكلم بصوت عالي(شفتوا التناقض مايحب البزارين لانهم فوضويين وهو نفسه فوضوي) _الانتظام في المواعيد_العياره الزايده_كلمه ان شاء الله بس هذا هو اللي في بالي مشكوره ياقمر على طرح الموضوع.. |
اقتباس:
هلا وغلا أختي توتي نورتي أكييييييييييد حبيبتي البيت بيتك قصدي الموضوع موضوعك هلا فيكي في أي وقت واي سؤال أحنا حاضرين ألف مبروك على الزواج مقدماً :14: :14: ولكي مني كل الود ..... |
اقتباس:
هلا والله أختي ألم وبارك الله فيك ِ .... ياالله شدي معانا الهمة وخلينا نشوف إبداعك .... ودمتي بخير أختي .... |
اقتباس:
هلا والله أختي الدانه ياحليلك والله أجل ما ترتاحين إلا لما تناقرين أبو الشباب حلوه لكن لا تكثرين بعدين ياخذها منك ويصير هو يطفشك ههههههه اما بالنسبه للعيال ياشيخه فرصة حتى يجيكم العيال إن شاء الله أتمتعي معاه ودامه ما يحب الازعاج لاتجبرينه فكرتيني بأختي وزوجها مثل زوجك .... أما عني من ضمن الاشياء اللي تعودت عليها وبعد هو مثلي السهر يعني ساعات نجلس كذا نتكلم ويسحبنا الكلام وما ندري الا هو اذن الفجر هذا ساعات مو دايما ... بعد فيه شيء قعدت أزن على راسه إلى أن هداه الله ووفقه ومن عليه أنه صار يصلي في المسجد صلاة الفجر .... كان لما يتوفى أحد ويروح يحظر الجنازه القاها فرصه لأنه يكون متأثر وأذكره باالآخره والحمد لله هداه الله أسأل ربي له الثبات ..... هذا اللي جاء في بالي ولي عوده وخلونا نشوف طلتكم الحلوه ..... |
وين البااااقين وإلا ماقبلتوا العزومه........؟؟
|
لا ياحبيبتى عزومه مقبوله ونص وثلاث ارباع بعد بس اقول لك شى انامااتكلم عن زوجى بجلسات الحريم خخخخخخخخخخخخخ موخايفه وحده تزل بكلمه كذا ولاكذا عند زوجها وتطلع سوالف وهروج الواحد بغنا عنها بس اقول لك خلينا نعتبر الجلسه مو جلسه حريم لاجلسه خوات يعنى الحين الواحد ياخذ راحته ويسولف والله يااختى اهم تغيير قدرت اسويه بزوجى هو الصلاه على وقتها زمان كان زوجى ياخر الفجربالذات الى مابعد طلعه الشمس واحيانا مايصلى المغرب الا مع العشا اماالان لا ياربي لك الف حمد وشكر اهم صفه سيئه بزوجىالعصبيه والى الان مو قادرة اخليه يخفف منها اما عنى انا شخصيا احس سنين الزواج انضجتنى وخلتنى افكر فى بكرة وبعد بكرة خلتنى ابطل اهتمام فى بعض الامور اللى لاتودى ولاتجيب بس ضياع وقت وبس وابطل حساسيتى الشديده تجاه اى كلمه نقد توجه لى يعنى صار عندى ثقه بنفسى اكثر من الاول نسيت اقول لكم لى 8 سنوات زواج وعمرى الان 28 سنه
|
ايام الطفوله .. ماشاء الله عليكي تأثيرك حلو جدا على زوجك .. الله يهديه يارب سحابه صيف.. ماشاء الله عليكي بالضبط اذا الواحد انتظم في صلاته كل حياته تنتظم .. بس عندي مشكله وابغى لها حل مجدي انا زوجي يدخن وابغاه يبطل تدريجيا فكيف ابدأ معه لاتقولون قوليله انو مضر وانو فيه اثم لا ابغى طريقه مجديه اذا تعرفون دلوني الله يخليكم.. مع العلم انو بايام الخطوبه قلتله ماراح نتزوج الا لما تترك التدخين بس والله طنشني اخوكم في الله :25: |
| الساعة الآن 11:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©