انا نيتي اطلق ساعدوني
 

السلام عليكم ورحمة الله وبركاته
انا حنيت على امي على الزواج وانا بثاني ثانوي وبروح ثالث الزبده احتمال اتزوج :14: بس تجيني افكار مثل يعني اني اذا تزوجت بقعد سنه وبزهق من زوجتي واطلقها معقوله الواحديمل من زوجته؟؟؟ وبعدين انا سمعت طبيب يقول عن الشهوه وطريقة تفكير المراهق وكذا يقول هي متعة شهر ويصير شي شبه ممل؟؟؟؟
لو تيسر لي زواج وهو مو اكيد يعني بس ان شاء الله يتيسر
معقوله السالفه متعة شهر وبس وشي ثاني ابوي اشوفه تعبان مني ومن اخواتي عشان توفير المصاريف وكذا احس انه مو مستانس معه امي حياتهم متعبه
يعني الزواج يمل الواحد من زوجته من فتره صح؟؟؟؟؟؟ جاوبوني؟؟؟؟؟
لانه حرام اتزوج سنه واطلق ماهي لعبه وبعد مو حلو اني اعيش واصير نكدي؟؟؟
ايش الحل برايكم؟؟؟؟

أولا الله يرزقك المرأة الصالحة

عن انك تمل امرأتك بعد مدة فانا لا أظن ذلك ما دمت قد اخترت زوجتك على أسس سليمة أي لابد اولا من مراعاة المعايير اللازمة في الزوجة الصالحة ثم الستخارة

وانك تنوي بهذا الزواج العفة وبناء بيت مسلم لا لمجرد المتعة وتأكد أن الله سيعينك وتعيشان حياة طويلة وسعيدة

الزواج اخي العزيز قبل لا يكون متعه فهو مسؤوليه كبيره،
اهم شي تكون نفسيتك متقبله هالشي،
بصراحه اذا حاس انك بتتعب،
اقول لك ليش، صحيح اني بنت، بس يوم كنت في سنك كنت دايما احلم بالزواج واحسد صديقاتي لما يتكلمون عن ازواجهم وايش جاب لها وايش سوا لها، لكن بعد ثمان سنوات، هم الحين فاشلين في حياتهم، وباقيين مع بعض غصب ، بس لتكملة مشوار الحياه اللي بدأوه، لان تفكير البنت والولد يتغير بعد فترة
السن المناسب للزواج يبتدي من 20 21 سنه للولد هذا باعتقادي،
اول شي كمل دراستك الثانويه ، بعدين شوف روحك ونفسيتك، واختار بنت مناسبه لأفكارك وطبايعك وبنت مؤدبه وطيبه وخلوقه هذا ترى اهم شي،
لما تلقى البنت المتوافقه معاك ، ما راح تتملل ابد صدقني
لان اقولك عن نفسي لو القى واحد يوافقني مستحيل اتممل منه، بالعكس باستمتع معه بكل شي
لا تستعجل اخوي
في ناس تايد الزواج المبكر، لكن صدقني من كلامك انصحك بعدم الأستعجال، استخير الله وفكر زين، وشوف هل البنت اللي بتزوجها قد المسؤوليه وبتسعدك، وهل انت قادر على توفير المصاريف
اهم شي اختار بنت مناسبه واستانس بحياتك وامسح هالأفكار
الزواج حلو ان كان الزوجين اصدقاء واحباب
الله يسعدك
بالتوفيق اخي

المشكله كيف اعرف هي بتسعدني المشكله انا بس بدخل بيت اللي بخطب منهم وبشوفها وبتروح كيف اعرف انها راح تسعدني وكذا وكذا وبعدين في شي ثاني خايف منه ومتعقد امي الله يحفظها متينه زي اي ام انا اخاف اتزوج واذا قعدت معاها تصير سمينة يعني احس بمل منها شوي شوي مدري ليش وفي شي ثاني زي ما قلتلك كيف اعرف انها بتسعدني وانا مابشوفها غير مره وحده ولا اعرف هل هي 100%ولا لا

اخي، لماذا لا تتعرف عليها من خلال الجلوس معها عند زيارتك ولو للحظات، او من خلال المكالمات الهاتفيه بعلم اهلها وموافقتهم طبعا، وانتبه الماكلمات لازم ما يكون فبها غزل ولا تطول بعد، انا قلت لك هالكلام لان بلدي فيه اختلاط واكبر منك، بصراحه لا اعرف كيف اقول لك بالتفصيل
اما مساله خوفك اختار من البدايه زوجه ضعيفه ، وانا جسمي رشيق ولي حين ما متنت ولو تزوجت بهتم علشان زوجي يرضى عني،على فكرة البنت بعد لازم تهتم بروحها حتى تطلع باحلى صورةلزوجها

انصحك اذا متردد لا تتزوج الآن، واختر بنفسك الزوجه اللي تناسبك
بالتوفيق

اذا كان تفكيرك انه الزواج للمتعة فقط فأنت غلطان و هذا يعتبر السعي وراء غريزتك الجنسية فقط لا غير !

الزواج نصف الدين و لا تفكر في الجنس أبدا ً و مع التجديد المستمر في حياتك الزوجية تحس بالسعادة و الراحة .

أسأل الله لك التوفيق و الصلاح و الزوجة الصالحة .

انا رأيي تكمل تعليمك اولا

وبعدين تشتغل

ولما تكون نفسك وتعتمد على نفسك اعتماد كامل ماديا .. ساعتها فكر بالزواج..

لانه مسؤوليه كبيره ومو لعبه مثل انت ما قلت..

اتمنى لك التوفيق..

السلام عليكم ورحمة الله وبركاته
علمونا آباؤنا واجدادنا بان النصيحة كانت قديما بجمل, والان تنصح شخصا ما مجانا ويرفض النصيحة, هذا اذا لم يعتبرها اهانة له ولعقليته البارعة(من وجهة نظر اي شخص ان عقله يفوق اي عقل)!!!
وددت في هذا المجال ان انصح اخوتي واخواتي كيف يفكرون؟
بشكل بسيط فالافكار كالطيور ان لم نمسك بها طارت وتشتت.
وللتغلب على هذه المشكلة ظهرت طريقة التفكير بالكتابة!
اكتب كل افكارك في ورقة ثم ابدأ بالتفكير بناء على ما كتبت.
اكتب كل امر في ورقة ثم اذكر سلبيات وايجابيت كل امر من الامور, ثم ضعهم في ميزان العقل ليتبين لك ما هو الامر الافضل.
طريقة سهلة ولا تحتاج الى التسرع في ابداء الرأي .
ونسأل الله الفائدة.
والسلام عليكم ورحمة الله وبركاته

فعلا كلام الاخ حسام الغامدي ...اخى الكريم الحياة اكبر من متعه فقط ..!!