مشكلتي أني عفويه ولكن؟؟؟؟؟
 

السلام عليكم ورحمة الله وبركاته

حبيت أعرض عليكم مشكلتي مع زوجي على أمل أنكم تساعدوني بتجاربكم الطويله.

مشكلتي ياأخوان أني عفويه والي بقلبي على لساني وماأعرف أجامل وحتى لو جيت بجامل أحس أني أكذب على نفسي وعلى غيري .

وأنا عارفه أنه لابد من المجاملات أحيانا ، ولاكن ليست في المواضيع الجاده صح ولا لأ ؟
وزوجي الله يهديه حساس كثير كثير فوق ماتتصورون (حشى متزوجه مره مو رجال :) )

عاد أنا لما أقعد أتناقش معاه ونتبادل الآراء لازم بقول رأيي مثل ماأشوفه أنا :25:
وهو الله يهديه مايتقبل مني أحيانا يبيني أقول راي يوافق رايه حتى لو موعاجبني وحتى لو أجامله على قولته. :11:

أصبح أني أكذب عليه يعني يبيني أقول كلام من ورا قلبي وماني مقتنعه فيه أهم شي عنده أني أراعي شعوره. :(

والقهرأنه يقول عن نفسه ديمقراطي :29:

بضرب لكم مثال عشان توضح عندكم الصوره:
مثلا:
( زوجي عنده صديق صدوق يعني بالعربي ماعليه كلام ويعتبره نفسه أوكي؟

عاد من كثر إعجابه في صديقه قام وكلمه عن بنت أخته على قولته يحس أنها تناسبه كثير ويصلحون لبعض . وصديقه وافق على العرض وقال لما يتخرج ان شاء الله راح يتقدم لها .أوكي؟

بعد كم شهر بنت أخت زوجي تقدم لها شخص خلوق وماعليه كلام ووافقت عليه . وزوجي العزيز زعل يوم سمع وقام يمدح بصاحبه (عنده كنه ملاك) .وقمت أنا أتناقش معاه في الموضوع وقلت له هذا قسمه ونصيب ولاتأخر البنت وكل واحد ماياخذ إلا نصيبه.
عاد هنا صارت المصيبه.
قام يصارخ علي اشلون أني تصيرين معاهم والمفروض توقفين معاي وصاحبي أشرف من الشرف وماينعاب .
أنا قلت له ماصار إلا الخير وأنا ماسبيته وكل الي قلته قسمه ونصيب .
هو معترض يقول أنتي لو تحبيني وتعرفين وش قد صاحبي عزيز علي جان قلتي صاحبك يصلح لبنت أختك والمفروض ياخذون بعض.)

عاد أنا هنا توهقت اشلون أقنعه ؟؟؟؟؟

وماأقدر أجامله لأن السالفه صراحه ماتحتاج لمجامله.

وكثير من المواقف الي صارت لي معاه وساعات أجامله بس أبي أهدي الموضوع أو سايره في الكلام.

لاكن أنا الي أبيه منكم أنكم تقرون الموضوع عدل وتحاولون تساعدوني جزاكم الله خير .

لأني ماأبي أستمر معاه على الكذب واللف والدوران أبي أغير هالصفه الي فيه.


تحياتي: زاهده.

انت يااختي زاهده موغلطانه في اي شئ وكلامك صحيح ....... انت حره في ارائك
مثل ماهو حر في ارآئه!! ومافي داعي تكذبين على نفسك او على غيرك لمجرد

انك ترضين اي شخص ......... والانسان المفروض مايكون امعه!!!؟
وموقفك من موضوع زواج ابنه اخته لاغبار عليه وكل شئ قسمه ونصيب

مشكله زوجك انه أحادي الرأي يحب ان الكل يتبنى رأيه ويلغون ارائهم!!
حاولي تجلسي انت وهو وتفهمينه هالنقطه وتبينين له انه يخطئ في حقك

وانه يحاول يترك هالخصله السيئه اللي فيه......... والله يهديه ان شاء الله

تحياتي
اختك

ما في أحد يزعل من الحق , لكن تعلمي الأسلوب الجيد في التحدث مع زوجك ..

والمشكلة في زوجك مو كلامك لكن أسلوبك ...

عزيزتي .. من وجهة نظري المتواضعه انت لست غلطانه ويبدو ان أسلوبك جيد كما ذكرتي في محاولة إقناعة بصواب وجهة نظرك (الخاصة ببنت أخته) ولكن يبدو ان زوجك قد يكون أقل منك تعليم أو انه من النوع الذي يتعصب لرايه مهما كان وهذه مصيبه، أرى ان تتجنبي المواجهة المباشرة معه خصوصاً ان كان من النوع المتعصب لرايه كما ذكرت أما ان كان يفعل ذلك عن جهل فأعتقد ان شرح الموضوع بطريقه لبقه وبدون تعالي سوف يثمر معه مع مرور الوقت، وانصحك على كل حال بالصبر عليه فهو زوجك وأبو عيالك وبالعاميه (كبري راسك) الى ممكن يتمرر مرريه وأسأل الله لكم السعادة ولك التحيه.

صدقت اخ جمر

نعم يعتمد على الاسلوب

وما اجمل الصراحة والعفوية

مع بعض التحكم واخراجها بلطف

وباسلوب جميل

نفس المشكله الي اعاني منها

لذا التزم الصمت

أخواني أخواتي الأعزاء :
حلم الغد _جمر_بحر قفقان_ صريح جدا_ مها الكويت_ mema _ memoota.

أنرتم صفحتي بحظوركم الكريم وعطرتموها بتعقيباتكم الرائعة.
أشكر لكم حسن تعاونكم معي وإبداء أرائكم السديده.

هل لي بسؤال ....؟


طيب هل تنصحوني أني أفتح معاه جلسة مصارحه وأقوله عن الي بداخلي وأوضح له أن مثل مارأيه مهم أنا بعد رأيي مهم وأن تعدد الآراء لاتفسد للود قضيه؟؟


تحياتي: زاهده

عزيزتي زاهده
انا لا احبذ اطلاقا جلسات المصارحه لسبب بسيط

هو كره الرجل ان يرا امرئته في وضع قيادي وتنبهه لامور غافل عنها

هذا مالمسته انا من ناحية زوجي لا يحب اطلاقا هذه الجلسات لخوفه

وكرهه لانها تحسسه كالاوامر فلا هو يامر ولا انا

عموما تستطيعيين تغيييره من خلال تغييير اسلوبك

اجعلي اسلوبك اكثر مرونة له وفيه من خفة الدم ليتقبله

هذا الي اقدر افيدك فيه عزيزتي