|
لا أحب قبلاته ..
السلام عليكم و رحمة الله و بركاته ..
هلا بالأعضاء .. بأكتب موضوعي بإختصار :( الصراحة .. ( و كلي خجل و لا أجد سواكم )آ ..؟؟ لا أحب قبلات خطيبي ( عقد قرآني من شهرين :) ) .. أحسها بلا طعم و لا أشعر بها لإنها خفيفة و هادئة جدا .. بالفعل لا أعلم إن كان يقبل ..؟؟ أم مجرد يضع شفته فقط ..؟؟ و الأهم هنا .. بأني لا أحبه أن يقبلني بشفتي ..و أقرف منها جداً .. :( لإنها يملئها أكرمكم الله ) .. بالـ ... لعاب .. :29: و أصبحت مؤخراً لا أتحملها و أبعد شفتي عنه .. و أمسحها ( غصب عني ) .. مدري إيش الحل ..؟؟ و خاصة اللعاب .. الذي ينفرني منه تماماً .. و يجعلني أتجنبه .. و أتوقع المرة الجاية بأقول له ( ترى بجد أقرف من لعابك ) .. :( و أدري إنها مو حلوة .. و الكلمة راح تجرحه و تنفره مني .. لكن مالحل ..؟؟ :29: |
الله يكون في عونك بس انصحك لاتقولين كذا له راح يزعل ويتحطم
وتخيلي لو انتي مكانه الله يكون في عونك بس اختي صدقيني لو انتي تحبيه ماتقرفي منه ابد ابد عاد وهو توه خطيب وكيد يكون مترتب زين عاد كيف لو صار عادي :25: |
انبهك لا تقولين هذا الكلام لخطيك
انتي اذا تحبينه اصبري وضحي اختي الزواج فيه حقوق ومن حقوق زوجك انه يفعل بك ما يرتاح ويريده وفيما يرضي الله ما اقصده ما دام قبلتي به وبالزواج يعني اكيد عارفه انه هالأشياء بتحدث اقصد القبلات، فالحل انك تعودي نفسك على التقبل اختي خذيها نصيحهمن وحدة تتمنى لك كل الخير، انتي في نعمه، ما دام عندك زوج محب وصالح لا تفرطي فيه، غيرك يا اختي مو لاقي، تذكري هالشي وصدقيني بتنسين اللي تشعرين فيه تذكري انكي عندما تعفين زوجك تحصلين على اجر كبير من ربك اتمنى لك السعادة واستمتعي بكل لحظة، سامحيني ما عندي شي ثاني انصحك لاني مو متزوجه و ما عندي خبره لا املك لكي الا الدعاء وربي يوفقك ويهنيك :14: |
اختي الكريمة
ممكن يحصل لك هالشي ولغيرك من المخطوبات ....... لانه شي جديد عليكم، لكن باسلوبك يا اختي تقدرين تخلين خطيبك يفعل الي تحبينه وتتمنينه... مثلاً حسسيه انك تستمتعين بالقبلات على الرقبة مثلاً اكثر من الشفايف ....... اهو من نفسه راح يسوي الي يشوفك مرتاحة ومستمتعه منه.. بس اختي مو شرط انه يغير رايه بموضوع بوسة الشفايف ترى هالشي من حقه ومعروف انه مرغوب وله تأثير قوي في الاستثارة وفي الشهوة... بس اذا كنتي (قرفانه) من هالشي، اعزميه قبلها على (علكة) بطعم النعناع مثلاً ، أو على قطعة شوكلاته، بطرق غير مباشر طبعاً.. على الأقل تستمتعين بطعم تحبينه لأن مالك إلا انك ترضين بالأمر الواقع!! وأتمنى لك يا اختي كل الخير ... بس انتي بعد خليكي متفهمه وشوفي اهو شنو يحب وشنو يكره.................... والله يسعدكم يا رب |
هداكِ الله
احمدي ربك على هالنعمة الكبيرة والله يوفقكم ان شاءالله |
بسم الله الرحمن الرحيم
غريب الموضوع هذا ...... اصلا من علامات حب الزوجه لزوجها رغبتها في قبلاته ورغبتها هي ان تقبله في فمه هذي من علامات الحب لأنه قبلات الفم تعبر عن الحب بصراحه واذا انتي ماطيقينه بتكرهين منه هالشئ انتي شكلج ماتحبينه ...... الحل انه يخطب وحده ثانيه ويمارس معاها هذا الشئ لأنه الرجل يوم يحصل وحده جاهزه اريحله من وحده اتعبه وتتشرط ...... اناماعرف شو اللى تشتكين منه بالضبط واذا كانت ريحته منفره قوليله غسل فمك وتعطر وعطيه نعناع او اي شي يحسن الرائحه |
يااخوان واخوات افهموها ...هي تقول تكره اللعاب الزايد منه اثناء التقبيل
وخلونا واقعين كثير من النساء حتى الرجال وانا منهم احرص على التقبيل الناشف حتى ماقرف زوجتي .. ليه ياخوان ماتتفهمون الموضوع ...يمكن هي من النوع الحساس للاشياء هذي ولاهو دليل حب او كره اختي ...انصحك قولي له انك تحبين ان تكون القبله ناشفه اقل لعاب ...وهو راح يحرص صدقني والله ياجماعه الموضوع عادي بس اانتم الله يهديكم تضخمون المواضيع.. |
نصيحتى لك اختى وعزيزتى ,,,,,,,,,,,
أن ترقي بالمعاملة مع خطيبك ,,,,,,,, وأن تلمحي له تلميحا بالطريقة المناسبة المريحة لك في التقبيل ,,, وان كان هذا يحرجك ارسلى لة مسج بالجوال ,, او ايميل يوضح طرق التقبيل الممتعة ,,,,,,,,, وهكذا,,,,,,,,, بعد ان تمدحية وتثني علية وانه احلى رجل راته عينيك ,,,,,, وانك لم تذوقي طهم السعادة الا معه ,,,,,,,,,,, ومن هالكلام الزين ,,,,,,,,,, وان شاء الله بتجدي تغيرااااااااااا واضحاااااااااا في حياته معك ,,,,,,,,,و تمنياتي لك بحياة سهيدة وهانئة ,,,,,,,,,,,,,,,, ملوكة |
غاليتي انتي الحين تقرفي وتكرهي القبلات بذي الطريقه وذا شي طبيعي :o وانا وكل بنت مرت بذي الفتره كنا زيك :23: اذا كانت المشكله في حد ذاتها القبله فذا امر هين وبسيط وراح يتغير مع الوقت وكنت انا اكره مجرد الكلام عن الجنس او اني بتزوج او بيصير او اي شي يتعلق بذا الموضوع والحين لمن تزوجت اختلف الوضع تماما وصرت انا اللي ادووووور واسال :d يعني يا غاليه الوضع ذا طبيعي واذا انتي تحبيه وتحسي بحبه ما راح تحسي بالقرف ذا حاولي تتفهمي الوضع وانك خلاص داخله على حياة غيررررررر فيها اكثر من القبل :25: وبعدين هو ليش ما يقرف من لعابك ؟؟؟؟>>>>>>>> ترا الرجال يقرف من الوحده اذا مايحبها ومستحيل يسوي معاها كذا :) اما اذا كنتي تكرهي القبله بسبب ريحه او شي فهذا بصراحه شي صعب والله يعينك وفي الاخير اقولك الف الف مبروووووك مقدما والله يتمم على خيررررر :14: :14: بس انتي وسعي صدرك شوي وانبسطي بايامك ذي لانها من احلىىىىى الايام ولا تضيعيها بالضجر والزعل ولا تسوي شي الحين تنتدمين عليه بعدين اختك ,,,,,, شوووووووق |
اختي العزيزه الحل هو المصارحه بأسلوب جميل ورقيق ...... ولا اعتقد بأنه سيغضب منك
خصوصا اذا كان يحبك .......... وهذا شئ من حقك ولا تخجلي من شئ ........ قولي له ماتحبين وما تكرهين ..... وان شاء الله يستجيب لكِ لان هذا الشئ فيه سعادتكما انتما الاثنين ........ واتمنى من بعض الاعضاء ان يفهموا الامر ولا يردوا بعصبيه وبكلام ليس له داعي................. وفقكِ الله عزيزتي اختكِ |
| الساعة الآن 11:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©