ام زوجي اساس بلوتي
 

هلا اخواني اانا يديده في المنتدى بس حبيت اطرح مشكلتي اللي بسببها بيطيح طلاقي عاجلا ام اجلا...
تزوجت واحد يصغرني ب3 سنوات
عمري 25 وهو 22
والحمدلله مر على زواجنا سنه و8 شهور والحمدلله كنت مرتاحه مع زوجي في كل شي الا الا شي واحد كان يعكر صفو زواجنا
زوجي ضعف الشخصيه امام اهله
مع العلم بانه اصغر واحد في عايلته المكونه من امه الارمله واخوه اللي نفس سني واخته الي اكبر منه ومطلقه
بدات المشكله انه من يوم زواجنا لليوم امه ولا يوم قدرت ما تتكلم عني مع اني انسانه انعرف عني باني مساله وما احب المشاكل ومتى ما لقيت باب اتيني منه الريح اسده واستريح على طول .......
اول ما تزوجنا ابتدت بالنغزات ........طبعا كبدايه كل زواج اكيد بروح عند اهلي وايد ككل وحده انتقلت من حياه لحياه وما كان يعجبها وقعدت ورا زوجي لين ما سببت ما بينا مشاكل بسبب ها الشي وطبعا انحرمت من زياره اهلي وسكت
2- طلعتي معاه كل يوم تحسب طلعاتنا مع انه ما مر على زواجنا الا اسبوع وكانت كل ما نطلع تقول ها؟؟ وين رايحين اليوم بعد لين ما هدت حيلنا وقمنا نحس انا نحتاج لنص يوم لين ما نفكر نطلع من البيت
3- تشكك زوجي فيه فزوجي يوم يكون في الدوام واقوله ممكن اطلع ؟ ويوافق ويوم يرع يسالني متى رجعتي اقوله على ما اعتقد 8:30 تدخل هي عرض وتقول لا مرتك رجعت 9 (عيني عينك تتدخل )
4- كانت يوم اطبخ لزوجي تسحب اي شي من ادوات المطبخ تكون في ايدي ويوم اغسل كانت تي وعند الغساله وتزحزحني لين ماتبعدني عن الغسيل وتخرب علي يومي
5- احس بالكره مالي عيونها من ناحيتي كانها تتحراني مسويه سحر لولدها مع اني قلتلها 290000000000000000 مره اني ما احتاج ريال يمشيلي بالسحر
6- تكره كل اللي حواليها ما قد سمعتها تمدح حد مطلعه عيوب في كل الناس تتحرى انها الوحيده اللي مالكه الكون ما ادري ليش وعندها ثقه في نفسها فوق ما تتصورون وتبيني اكون مثل العبده عندها اسوي اللي هي تبي
7 - كل ما اسوي شي لازم تنقل كلام لاخو واخت زوجي لين ما كرهت كل اللي في البيت فيه وخلتني انطوائيه لابعد الحدود
8 - انا من كثر المشاكل كرهتها لان هي وبنتها اللي في البيت يبون يمشون البيت على كيفهم ومسوين نظام احزاب يعني الام البنت مع بعض دايما اخو زوجي وزوجته مع بعض وانا وزوجي منعزلين
وكله بسببها واذا اجتمعنا كلنا على خير تسوي مشكله على طوووووووووووووووول علشان نرجع نتفرق
9- تسويلي مشاكل وتشتكي للي في البيت قبل لا انا اشتكي لزوجي ويوم تسوي مشكله تترصد لزوجي يوم هو ياي من الدوام وتخبره
10- وحده تتعامل بالسحر علشان جذي تتحراني مثلها وها اللي يخوفني منها دايما تقول انا تظاربت ويا راعي المحل وطيرته من وظيفته هذي قالت عني ها الكلام سويت لها جذي .........وتقولي انتو كل شي تسوونه انا اعرفه من دون ما تقولون (بالعقل شو غير السحر يبين للشخص الناس الثانيين )؟؟
وتقولي انا حلمت بها وهذاك وتتفلسف وايد وتسوي عمرها هي اللي عارفه كل شي في الدنيا
وزوجي كل ما اشتكي يحاول يوفق ما بينا بس والله لو انا انسى هي ما تنسى لا واذا قالت انا سويت جذي يعني غصبن عن شكلي لازم اقولها ايوه انا سويت لو حتى ما كنت اعرف شي عن الموضوع والله يا ناس انا كرهتها من كثر ما اكرهها ومسويتلي مشاكل صرت ما اعطي زوجي حقه من الاكل والشغل في البيت وحتى ما قمت انام معاه الا كل شهر مره
وزوجي احس انه يوم يتكلم معاهم يحترمهم بس هم يعتبرونه ضعيف الشخصيه وما يسووله سالفه
شو اسوي ؟؟؟ ما اعرف ابي اترك لهم البيت بس هذا بيت ورثه ولزوجي نصيب فيه بس هم ما يحسسونا الا انا مستاجرين عندهم
ولولا ظروفه كان طلعت من زمان شو ها الدنيا انا رضيت بظروفه المعيشيه
بس هم مب راضين فيه
وكل ما يشوفون زوجي اييبلي شي يقصون ظهره بالطلبات هي وبنتها انا فكرت كذا مره في الطلاق لاني فعلا للحين صابره لان زوجي زين معاي بس امه والله امه خرابت بيوت فوق ما تتصورون ما ادري شو اسوي ويا الام والاخت خلاص طنشت بما فيه الكفايه
ويوم نطلع يتصلون فينا ويقولون هات لنا الشي الفلاني (ما شي ادب ) ويوم الجمعه يوم نقعد في البيت يتصلون فيه (تعال طلعنا ) ...اكرهها يا عالم ما اقدر ساعات اندم اني فكرت اييب ياهل وقلت يمكن يوم ايي الياهل بيسكتون عني طلع العكس يبون ياخذون ولدي مني وانا عايشه اونه يبون يربونه وياخذون ولدي من حظني بدون استئذان كاني جاريه عندهم ما ادري انا كل شي انعكس في نفسي استويت عصبيه كرهتهم كره لدرجه اني احلم كل يوم اني اظرب اخته وامه ............كل يوم .........حسبي الله ونعم الوكيل .........ساعدوني اذا عندكم حل
شو اسوي؟؟؟؟؟كرهت حياتي

حرام أختي ..

ليه تدعي على أخته ..؟؟
إيش ذنبها ..؟؟

و إنت أصبري ..
و مصيرك بيوم تصيري أم و تجربي نفس أحاسيسها ..

لان اخته في الموضوع بعد وكله تتحيز لامها :( وما تصدقني ما باقي الا اشوي واقولهم امك كذابه في كل شي تسويه بس لو مب احترام زوجي .......

وعلى فكره انا ام وصرت بس هم حتى ولدي يبون ياخذونه ويربونه في وجودي وانا بعدني ما مت........

والله يا اختي ما بعرف شنو اقولك

ربنا يصبرك ويقويكي

انتي اصبري معلش انا اعرف ان كل شي ليه حدوده ولكن اجرك عند لله سبحانه وتعالى وبما ان زوجك يعاملك معاملة حسنة استحملي عشان خاطره ولا تهتمي لاحد بعد الان اهتمي بزوجك وطفلك واهملي كل شي يتعلق بيهم عشان ترتاحي من المشاكل


ولا تردين على ام زوجك مهما عملت فهي تبقى ام لزوجك واحتراما لكبر سنها واحتراما لزوجك لا تهتمي للاشيا الى بتعملها

انا عارفة ان فيه معظم الحماوات الله يهديهم بيخلو الواحد يكره حياته فهم بيحسو انك اخذتي ابنه فتبدا تخلق المشاكل

ولكن راعيها عشان زوجك وسايسيها
اذا نفع معاها شوية كلام حلو تراضيها فهذا الشي خير لك

واذا لم ينفع وبدات بالمشاكل فكما قلت لكي لا تهتمي وانشغلي وقتك بزوجك وطفلك وابتعدي عن كل شي يعكر حياتك الزوجية

ولا تفكري بالانفصال لان الخاسر الوحيد هو طفلك وهو لا ذنب له بالهامشاكل الى بتصير

وادعي الله كثير واشغلي اوقات فراغك بقراءة القران والنوافل والاذكار

وادعي الله تعالى في الثلث الاخير من اليل ربنا يهديهم وييسر لك امرك وان شاء الله ربنا يعوضك بالخير

اتمنالك التوفيق

اختى العزيزة فرج الله همك ولكن عليكى بالدعاء لهم بالهدايه والدعا ء لزوجك

ويجب عليكى ان تتوجهى الى الله هو وحدة فارج الهم

وانصحك بان تحاولى التودد لهم باسلوب او بحسب طبيعتهم وحاولى ان تكسبى زوجك بطرقك حتى يستطيع ان يقف بجانبك

وانصحك بعدم فكرة الطلاق لان دوام الحال من المحال ولا تياسى من روح الله طالما زوجك زين معك لا تتنازلى عنه وعن ابنك بسهوله

والدعاء الدعاء

اختي الغالية اسفة على حياتي
أنا اعلم بكل ما تعانينواعانك الله وابعد همهم عنك..أمين
لإانا مريت بأقسى من تجربتك وها انا اسيرة ألأن ..معلقة
فكانت اخت زوجي اقولى من الأم عليه والعياذ بالله
فشفت الويل الويل منها
فكانت تجن جنونها لو اقتربنا من بعض وتتصل كل دقيقة بلا مبالغة لتطمئن اننا ما نرتبط ببعض
والله كانت تطلب كل شيء...كان زوجي كالزوج لها بل كالخادم بكل معنى الكلمة يتركني ويترك ابني لكي يعمل لها كل متطلباتها التي هي لا تحتاجها ولا شيء..فقط لتشغله عني ..رغم انها متزوجة!!!
واكبر مصيبة انني لا استطيع ان افتح فمي لأان زوجي كان امعة لها ولوقلت حتى أه من طلباتها يتركني وينام في الصالة ويصرخ علي ويقسى اقسى ما يكون..حتى الغريب ما يقسى هكذا
وهو الذي له فضل فأنه كان يصرف عليها وعلى زوجها سنة كاملة حتى بعد الزواج
لحد ما خربت بيتي
ووالله بسببها لا احب زوجي ولا احب شكله ولا اي شيء..بل لا احب حتى ألقتراب منه أو حتلى الجلوس معه
تجديم كم هي ظالمة؟
حسبي الله ونعم الوكيل
فأتمنى ان يكونزوجك انت متفهم ويعلم بمعاناتك لكي يهونعليك ما دام انه يعلم انك تتعذبين ويقف بجانبك
ودعواتي لك ولي ولكل مظلومة أن يجازينا الله ويرد لنا كل حقوقنا

نسيت ان اقول انني جربت طريقة الهدايا والشراء ودللتها هي وأولادك رغم انها كانت بخيلة
الى ابعد الحدود بحيث لوزرتها حتى لا تقدم ماء
فيوجد ناس مع ألسف لا يفيد معهم الطيبة