يابنات فزعتكم
 

كيفيكم حبايبي إن شاء الله بخير أول شيء باركو لي انتهيت من الجامعه ولله الحمد والوظيفه مضمونه المهم ما أطول عليكم أنا خطبت وملكتي يوم الاربعاء الموافق 10/ 7 وأبوي عطاني 10 ألف ريال أقضي فيها هدايا حق الملكه بس المشكله إني آخر العنقود وكل خواتي متزوجات فما أدري وش أشتري لأني بصراحة مالي في الامور هذي وخفت أشتري أشياء ماتعجبها ولا أدري عن ذوقها وبيني وبينكم خرابيطكم يالحريم واجد --- وفيه أقتراح حبيت آخذ رايكم فيه وهو لو أشتري دبل الخطوبه وأعطيها 10 ألف كاش تتصرف فيه على كيفها............................................. ...... أسير الاحزان

اخي اشتري لها شبكه ألماس معتبرة علشان وقت الملكه تلبسها
وكذلك اشتري مع الشبكه دبلتين الخطوبه تنحت اسمك على دبلتها واسمها على دبلتك وتلبسوا بعض الدبل
والف مليووووووووون تريليوووووووووون مبروووووووووووووووك

أنا أقول تاخذ وحدة من خواتك وعلى السوق
ولا وش عرف الرجال ب(خرابيطنا ياالحريم)؟

انا معها في كل كلمة ، حنا يا الرجال ما نعرف شيء بهالامور وهم اعلم منا

الشيء الثاني انا لا انصحك بأن تعطي خطيبتك فلوس نقدا انصحك تشتري طقم ألماس انسب هدية في مثل هذا اليوم مع تمنياتي لك بالتوفيق

اولا مبرووووووووك
ثانيا لازم لازم تاخذ رأي اخواتك
ثالثا لاتحط في يدها فلوس اشترى هدية افضل ويكون طقم
الماس او ذهب ابيض

احسن شي تاخد وحدة من اخواتك المتزوجات وخطيبتك وتروحوا تكسو و تشترو اللي عايزينه

صراحة ما أنصحك بالدبلة و نقش الأسامي

لا تقلد غيرك .. اتبع سنة نبيك صلى الله عليه و سلم

و أقترح تكون الهدية ( ساعة ) .. وإلا هذي مو من خرابيط الحريم ؟ :)

أسير الأحزان ...أتمنى أن يفك الله أسرك أولا بعد هذه الملكة ...
ثانيا .. مثل ماقالوا لأخوات طقم ألماس ناعم ...ولكن الأهم طريقة التقديم ...ترى هذي تسحر الحريم سحر..يالطيف ....
غلفها عند محل معتبر .. في صندوق حلو ... مع كرت فيه عبارة ناعمة... وبوكيه ورد صغنون .... والله يوفقك