|
كيف اجعل من زوجي ...زوج رومـــانســــــــي؟؟؟؟!!!
الصراحه بعد ماشفت ماشاءالله تعاونكم مع بعض وردودكم الطيبه ومواضيعكم الحلة
حبيت اطرح عليكم مشكلتي..وان شاءالله القى حلها عندكم :20: حبيت تعطوني اقتراحاتكم كيف اخلي زوجي رومانسي :d انا الحين بكمل شهر تسعه سنتين زواج وبولد صغير بس للحين ماحسه تغير رغم اني صارحته اكثر من مره اني ابغيه يناديني حبيبتي ويلاطفني مثل ما انا اسوي معاه بس لاحياة لمن ينادي :25: غير اني لما اسويله حركات الرومانسيات القى منه ضحكه بارده واعتذار سخيف عن الليله حتى ماحصل منه كلمه ولا حركه لطيفه على تعبي ..كل اللي احصله شخير ونوم عميق مايدري عن هالانسانه اللي قهرها بصده صدقوني انا لي اسبوع من رديت من عند اهلي بغيت الطلاق...الصراحه مليت احسه اخوي مب زوج..... والله اللي مصبرني عليه التزامه بدينه وطيبته وبس.... ولا اوضاعي وايد زفته مع اهله ووضعنا المادي صار يفرق بكثير عن اللي كنت عايشته عند اهلي وبدى اقاربي يلاحظون بس صابره عشانه وانتظر منه شي بسيط كلام وحنان مثل الناس واللي خلاني اكتبلكم اني يوم الجمعه نسيت ان عنده اجازة وماتعبت نفسي اتعدل لاني متعوده صده لي في الايام اللي بعدها دوام..ويوم رد بالليل ذكرني ان عنده اجازة وخبرته اني كنت ناويه اتعدل وهونت قال لا ماينفع احنا باجازة...فهمت انه يباني اتعدل...وانشغل هو بالتلفون....وانا انسحبت لغرفة النوم اتعدل بسرعه اتخيلوا دخل علي وقال الله شو الحلاه والكشخه بضحكه بارده وقال بس مافيني اليوم اسوي شي:( كااااش في الويه والله اتحطمت قلتله عادي وانا انحرق من داخل...وطلع ومارد الا بعد ساعه ويوم رد انا كنت لابسه الروب وبعدني جالسه على الكمبيوتر قلت يمكن يغير رايه..... قاللي نفس الكلام يعني يفشلني زياده مع اني ماتكلمت جالسه على الكمبيوتر اونه اشغل نفسي... ودخل ينام لا كلمة تصبحين على خير حياتي ولا جبر خاطر ببوسه او شي:( كان اللي بينا بس جنس ..اما حركات غيرها لا:(..... انا خلاص مليت اتعدل مثل الحريم ..كلمته والله ويوم اتراضينا سالته اكثر من مره وحلفته اذا يحبني وبالغصب طلعها ووعدني يتغير ..قلتله بدخلك مواقع يمكن اتساعدك بس رفض قال انا بعلم نفسي...وماشوف شي اتغير الا بالعكس الحاله ادهورت اكثر.. عطوني رايكم وافكاركم يمكن القى بينها الحل اللي يفك عقدته |
أختي الفاضله .. اولا .. انتي تتمتعين بأستقرار وهدوء وهذا بحد ذاته نعمه تحسدي عليها .. ثانيا .. انتي وزوجك فقط ولاتوجد زوجه ثانيه تشاركك فيه وهذه ايضا نعمه .. ثالثا .. زوجك متدين ويخشى الله فيك وهذه نعمه ايضا ... أذن أين المشكله ؟ ليست الرومانسيه بكلمة أحبك أو بكثرة القبلات والملامسات ... الرومانسيه أحساس دافي بنضج علاقتك بزوجك .. أبحثي عن الحب داخل أعماقه انظري الى الرضا بعينيه .. لاتلحي في أخذ المقابل أو في انتظاره وانتظري بدل ذلك أعظم مكافأه وهي الأجر من الله اقتربي منه اكثر حاولي ان تنمي ميوله ..ولا تحسسيه بضرورة الألتزام تجاهك بأظهار عواطفه وانما أعطيه مهله واشعريه بثقتك الكبيره به .. تمعني في كلماتي قد تفتح لكي حلول غفلتي عنها وأسأل الله لك التوفيق وحسن الثواب .. |
مشكورة اخت هانديا جزاج الف خير على الاقل عبرتيني ورديتي علي
اختى انا والله حامده ربي عليه واحبه وماخترته الا لالتزامه.. بس تعرفين شو الفايده اذا الزوج ماقابل المرأه بعاطفه وحنيه... انا كل اللي ابيه يعاملني كزوجه..والله ان معاملته معاي ماتفرق عن معاملة وحده من خواته!!!! خاصه انه في امور خارجيه اتنغص علينا عيشتنا ...فأكيد مع المشاكل احس بالملل وافتقد احساسه جنبي والكلمة الطيبه منه حتى المدح والثناء على اكل او تنظيف او غيره ماحصل..بالعكس التعليق على الاخطاء هو اللي اسمعه انا كلمته قبل بس ماشوفه اقتنع او سوى شي.. ابغيكم اتساعدوني بافكار اتخليه يتشجع وانا مستعده لتنفيذ اي فكره اتشوفوها فعاله.... |
عزيزتي .. أذن أمهليه الوقت لأنك تبحثين عن شيء غير موجود عنده اساسا .. ابدئي انتي بزرع الرومانسيه في مشاعره اذا قدمتي له شيئا قولي له اين قبلتي ؟ اذا اعددت صنفا مميزا على الغداء قولي له الا استحق كلمة شكرا .. اذا اعددتي نفسك للقائه في الفراش قولي له لن أنام حتى تبرهن لي حبك .. اذا ارتديتي شيئا امدحي نفسك امامه .. دعيه يشعر ان ثقتك في نفسك لا يمكن لأحد ان يهزها مهما كان اطلبي المولى عزوجل ان يؤلف قلبه تجاهك .. دائما رددي على مسامعه انت بخيل في مشاعرك وانا أكرم منك .. اشعر بمعانتك رغم اني ولله الحمد لم أعش تجربة مماثله لكنك تستحقين ان تكوني افضل حالا .. لاتعتبي على الأعضاء فمعظم الزوجات يعانين من مشكلتك .. تحياتي لك .. |
بســم اللـــه الرحمــن الرحيــم تحيــة طيـــبة عفواً أخطأتِ في التعبير ليــــــــــه !؟ اقتباس: -------------------------------------------------------------------------------- قلتله بدخلك مواقع يمكن اتساعدك بس رفض قال انا بعلم نفسي...وماشوف شي اتغير الا بالعكس الحاله ادهورت اكثر.. -------------------------------------------------------------------------------- المشكلة التي وقعتي فيها أنك تعطين الرجل الاوامر الرجل لا يحب أن ينتقد ولا يحب أن يعطى الاوامر أو يحس بنقصه كرجل وباذت وان كانت من المرأة >>وهذا مفهوم خاطء لكن.....<< هنا يأتي دور المرأة الذكية كيــــــــف؟! التوجيه غير المباشر والكلامات الغير مباشرة مثــــــــــال : تبحثين عن شريط أسلامي لماحضر جيد يتكلم عن حاجة المرأة للعطف والكلام اللطيف وتقدمينه مع مجموعة من الاشطرة الاسلامية حتى لا يلاحظ أنك تقصدين القاء الاوامر عليه تقولين له حبيبي سمعت هل كم شريط وعجبوني واتمنى أن يعجبوك أختي هذا الرجل ليس رومنسي أنتِ تستطيعين تحويله الى رجل قمة في الرومنسية من خلال ذكائك و صبرك فتعاملِ معه على أساس عنه غير عارف بالمور الرومنسية ودورها في الحياة الزوجة الذكية لا تفكر في المشكلة بقدر ما تفكر في الحل نصيحة أخوية لا تلقي الاوامر علية بشكل مباشر لانه يحب دئماً هو من يعطي الاوامر والارشادات أرجو تقبل مشاركتِ بصدر رحب :d المشرفة الكريمة هانديا بصراحة أبدعتي :22: أتمنى لكم الســعادة الابدية والســـلام |
الاخت الفاضلة
مشكلتك يعانى منها كثير من الازواج والزوجات فيوجد الزوجة الرومانسية مع زوج واقعى ويوجد العكس وانا كنت اعانى من تلك المشكله ولكن هيهات هيهات لماقف متبله الايدى ولكن اردت زوجى ان يكون لى ولا انكر المعروف الذى قدمه لى هذا المنتدى الرائع فى قسم عالم المتزوجين وبالاخص مفضلة المتزوجين http://66n.com/forums/showthread.php?t=50335 هذا هو الرابط يوجد افكار وافكار تساعدك على جعل زوجة رومانسى لان فى الحقيقة فى داخل كل رجل جزء من الرومانسية منها الخفى ومنها الظاهر فعليكى انتى ان تظهرى تلك الرومانسية وبيدك بمعنى ازرعى تحصدى والا بزرع حب بلاقى حب والا بزرع رومانسية بلاقى رومانسية وعن تجربه شخصية اصبح زوجى والله رومانسى اكتر منى وعندما اقدم له اى مفاجاة او موقف اوحركةاو كلمة اقابلها باجمل وارق منها ولا تنسى الدعاء بان يسخر الله لكى زوجك فلا تياسى حبيبتى وابدى وشوف النتيجة بس لا تنسينا واحكيلنا عن اضافتك لكل فكرة |
اختي العزيزة ... تركيبة الرجل النفسية تختلف عن تركيبتنا نحن النساء
وهذا مايجب علينا فهمه جيدا لا اعلم كيف اوصلك الفكرة لكن ...استخدمي ذكاءك الانثوي في مثل هذه المواقف هو ينتظر منك ذلك.... مثلا لو قال لك (( مافيني اليوم )) قولي (( خليك معاي شوي وانا اروقك )) هنا يحس ان عندك الكثير وبتعطيه رغبة في اسعاده وليس الهدف مطالبته بحقوقك وتذكيره بواجباته نحوك اتمنى اكون وصلت لك الفكرة الله يوفقك |
اقتباس:
وعسى الله يوفقج اختي ولا يراويج الا كل خير في دربج |
اقتباس:
تنبيهك لي مفيد خاصة انك رجل وادرى بنفسية الرجال..وانا مادخلت الا لاني ابى النصيحه والمشورة منكم... مشكلتي العصبية هي اللي تخليني اتعود على فرض الاوامر بس الحمدلله لي فترة اتخليت عن العصبية وان شاء الله بشوف حل ذكي ومنها حل الاخت الغاليه هانديا بس الاشرطه بضحكك لو خبرتك انه هو يجيبلي اشرطه اسلاميه يباني اسمع لها..بس كان جايبها عشان مشاكل بيننا بس والله عشانه غيرت وسويت اللي بغاه وهو اعترف بتغييري.. بس لما المح للي في الاشرطه من واجبات عليه احسه يتهرب ويقول الحب في القلب وانا مب مقصر...:( بس اذا عندك افكار غير مباشره اخرى ياريت اتفيدني بها ولك مني جزيييييل الشكر وعسى الله يوفقك في حياتك الزوجيه |
اقتباس:
واعطيتيني امل وان شاء الله بحاول اشوف بعض الافكار واجربها معاه..بس اخاف يصدني..وانا اتحسس من الصد..اقعد الليله كلها مانام من البكاء...بس ان شاء اصبر ادعيلي وتسلمين اختي همسات..وبخبرج بالنتايج سواء ضبطت ولا فشلت:( عسى الله يديم الرومانسية بينج وبين زوجك ولايراويكم شر وخلاف ابد |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©