هل تقبلين الزوج براتب 1500 ريال؟؟ (موضوع للنقاش)
 

السلام عليكم ورحمة الله وبركاته


أنقل لكم موضوع هام .. موضوع يستحق النقاش ..

موضوع يعتمد على تفاعل الفتياة السعوديه بالدرجة الأولى
والفتياة العربية بالدرجة الثانية ...

------

كلنا يعرف الظروف التي نمر بها .. في الوقت الحالي من عطاله وبطاله

ويا سعد منهو وجد له وظيفة ... وطبعاً أغلب الوظائف " الجديده " إن لم تكن

كلها .. براتب لا يتجاوز الـ 1500 ريال سعودي .. وإن زاد وصل 1800 ريال
وكذلك ينطبق الحال على باقي دولنا العربية ...

فهل هذا المبلغ قادر على .. أن يزوج الشاب ... ويتتم به نصف دينه ؟؟


وسؤال مهم جداً للبنات

هل تقبلين بزوج يمتلك هذا الراتب ؟؟؟؟؟

(بخلاف الأقارب طبعاً اقصد شاب غريب)


ملاحظة :- جداً مهمه ..
نريد إجابات واقعيه ويقبل بِها العقل ... وخاصة من البنات زيمااتفقنا ،،

تم التعديل لكي يكون اكمل واشمل
( بواسطة المدير العام )

في البداية اعتقد ان الرجل الي راتبه 1500 ريال راح يتزوج وراح يجيب عيال كذلك الرجل الي راتبه 7000 ريال او اكثر راح يتزوج وراح يحيب عيال.
لكن ما نتوقع ان الشخص الي راتبه 1500 ريال راح يتزوج وحده من عايله غنيه
لكن ممكن يتزوج وحده من عايلة متوسطه او من عايلته يعني من نفس مستواه المعيشي واكيد الراتب هذا راح يكفيه لو عرف كيف يتصرف ليه.
واعتقد ان الشخص الي راتبه 1500 ريال على اغلب الظن ما عنده شهادة جامعية لذلك من الصعب عليه انه يتزوج وحده جامعية وتقدر تقيس على الشي هذا
واترك التعليق للاخوات

اولاً ياعزيزي البطاله بحت الشباب ،،

والله ثم والله اني اعرف شباب جامعيين بالهبل ..

ويشتغلون في محل جوالات او في كباين اتصالات ..

او حتى في مطعم محاسب!!!!!

بعدين انا اتكلم عن الطبقه الوسطى ..

لا الغنيه المترقهه ولا الفقيره ..اغنى الله الجميع ..

وودي اخص بهذا السؤال ( النجديات )


ياليت يجاوبون بصراحه لان اجوبتهم بتفيدني كثير جدا

اوكي معكم بنت الحلال انا سعودية الاصل ومن قبيله معروفه
وحالتنا الماديه تمام جدااجدا
هل تقبلين بزوج يمتلك هذا الراتب ؟؟؟؟؟
والله ان كان صفات الي ابيها متو فره فيه من حسن اخلاق ومتعاون ومتمسك بايمانه ولسانه حلو يعني يطربني ويقدر الحياه
طبعاا هاصفات بدرسها بطريقة معاملته لاخته او امه
ويكون شكله داخل مازاجي يعي مقبول اهم شي جسمه كول وانيق بحدود
بس هاذا الي همني
اما عن لفرانكات اي الفلوس اخر همي لان الفلوس وسخ نفوس اهم شي ان المال يفي بالغرض
وذا عن راتبه اليوم بهالمبلغ وبكرة الله وعلم
وصراحه البنات في هزمن كل همهم فلوس وعلى بالهم يجلبلهم السعاده
لا بالاه الا كثرته مثل الهم
وانا اقبل بزوج حتى اذا راتبه 1000
اعيش حياة سعيدة ومتواضعه
حتى لو بيتنا فوق شجرة الله على فكرة هذي امنيتي
منجد الي هما الفلوس عمر سعاده مايجيها
شباب ان موافقه========>وحده موصلى عندها
والله مابي غير الستر واكمل نصف ايماني
يالا متى الملكه===========>وحده رجه
لوووووول
الله يوفقكم بنات الحلال الي في بال كل واحد فيكم
المهم الي جي من ربي حياه الله وقوله اقلط
يعطيك العافيه على هذا الموضوع منجد يستحق النقاش
بس نصيحه ياشباب انتم توكل على الله وانشالله مايكتب الا الي فيه خير

عزيزي الواحد لو بيدور الوظيفة راح يلقاها لكن كل واحد يبي يشتغل جنب بيتهم مايبي يطلع من المنطقه الي هو فيها وبصراحة هذا لا يوافق التطور الحالي يعني كل واحد لازم يدور الشغل حتى لو بعيد واكيد راح يحصل
اما عن الجامعيين الي مو محصلين وظايف اعتقد ان الحالة هذي تنطبق عليهم او ان دراستهم ضعيفة يعني معدلاتهم الجامعية غير مقبولة عند الشركات وبعدين الوظيفة مو كل شي الشاب درس وتعلم .. ليه ما يفكر يفتح له مشروع بدال البطالة الي هو فيها .
والواحد لو يبحث ويستفيد من دراسته راح يكتشف ان الوظيفة مو كل شي والتجارة افضل من الوظيفة .
وبكذا راح يحسن من وضعة الاجتماعي والمادي ويقدر يتزوج ويتعاون مع زوجته في بناء المستقبل وكذلك لو كان متزوج يتعاون مع زوجته ويفكرون في مشروع يبني مستقبلهم

اولا .. اشكر المدير العام على التعديل والثبيت ،،

ثانياُ ..
ارد عليك اختي ربشه وياليت في منك 1000000000000000
كلامك عين العقل وياهني الي بياخذك بصراحه :)

مشكور اختي على المشاركه ،،

--------------------

اخوي SaTTaM حياك الله بالموضوع .. ونورته يالغالي :)

لكن ابي اسئلك ..

اي مشروع ممكن يفتحه جامعي ماعنده راس مال اصلاً؟؟
وان كان عنده راس مال نقول انها 60 الف كحد اقصى ..

وش بيفتح له مشروع؟

محل جوالات؟ والا محل ملابس؟

يااخي نتكلم بالواقع .. مافي مجال لفتح المشاريع بالذات للشباب
الا في حاله وحده فقط .. انه يكون له ظهر قوي .. مثل ابوه او عمه ويمده بالي يحتاجه باي وقت ..

على العموم مو هذا موضوعي .. ولابناقش البطاله انا :)

انا اتمنى اني القا اجوبه اكثر من الاخوات ..


ولكم جزيل الشكر :)

اود ان اسأل كم هو مقابل الريال باليورو او الدولار, لكي يكون عندي فكرة على حالة الشخص المادية!!!

وتااه انا في رأي اذا كان انسان متدين وذو اخلاق راءعة لما لا؟؟

لكن بشرط ان يكون لديهم نفس المستوى الفكري, فهذا يلعب دورا كبيرا في الحياة الوزوجية

وتحياتي

حياك الله اخي حكيم مغربي ..

1500 ريال سعودي = 405 دولار امريكي

3.7 ريال سعودي = 1 دولار امريكي ..

السلام عليكم ورحمة الله وبركاته
هذي أول مشاركه لي
لو نطالع بنظره واقعيه شوي هل تكفي 1500 ريال كل شهر؟
أنا أشوف إنها ماتكفي
أنت بتدفع إيجار بيت ولا ملابس وطلبات للبيت ولا تسدد تقاصيد السياره ولا فواتير الكهرب ولا التلفون أو تسدد ديون عليك أستلفتهاعشان تتزوج................إلخ :( :( :( :( :( :confused:
علشان كذا أقل حاجه لازم يكون راتب المتقدم للزواج علىالأقل 2500أو3000واللي تزوج هو أدرى مني بهالأشياء

والله بصراحة عني أقبل لأن أبو راتب 1500 ريال نفس أبو راتب 3000ريال وكل واحد يعيش على قد راتبه وكلهم يعيشون بالسلفه .... والله يا أخي الناس ما تبي الا الدين وحسن الخلق والباقي ما عليك منه... قال رسول الله (ص) إذا جاءكم من ترضون دينه وخلقه فزوجوه .... ولم يذكر حاله المادي... وأما عني فأني انخطبت وزوجي بالجامعه وكان عقدي على قرآن و1000 ريال مقدم من المهر .... والحمد لله عشنا وأحلى عيشه والوضع تحسن بعدين

وعلى فكره نسيت أقول لكم أن الزواج يجلب الرزق......... توكل على الله وشوف بنت الحلال اللي تناسبك وترضى بعيشتك ياخوي


ولكم أجمل أمنياتي بالتوفيق