كيف تتصرفون في السفر... بوجود الأولاد؟
 

أن شاء الله بعد أسبوع بأسافر أنا وزوجي واولادي :14: وهذي اول مره نوديهم معنا :25: وكنت في السابق أوديهم عند أهلي بس هالمره بيسافرون نفس توقيت رحلتنا وأبتلشت وش أسوي :29: أحس ماراح يكون لنا فرصه بأيام رومنسيه :( محرومين منها في أيامنا العاديه لأن زوجي وقد كتبت موضوع عنا من قبل أنسان مشغووووووووول مره ومسؤؤؤؤؤؤؤؤل عن أهله :24: فنلقى في سفرة الصيف غايتنا :22: وهو من النوع ألي مايصبر لو يبعدون عنا شوي راح يجيبهم :11: ويضيع الوقت في أقعد :30: ولا تروح :30: وأبعد عن الشارع :30: ووووو وأنتم تعرفون وش تصير النفسيه مع هالتوتر ويطير الكلام الحلو والروقان :23: حتى أني بعض الأحيان افكر نلغي السفره وش رأيكم أنتم؟ وعطوني تجاربكم في السفر مع الأطفال :15: مع العلم أن عندي ولدين الكبير عمره 6 والصغير 3 سنين ومعي رضيعه :15: 4شهور.

خليك متفائله وشو له تهونين عن السفر بس علشان الاطفال...؟ بصراحه السفر معهم ممتع بس انتي سافري انتي وزوجك واتركي العصبيه والتوتر في بيتك لين ترجعين :11: ..انتي مسافره تغيرين جو انتي وعائلتك فما له داعي تكبرينها سافروا وانبسطوا .. والاوقات الرومناسيه رتبي لها وضع وجدول متى ما انتظمتوا هناك :d و إن شاء الله بتنبسطووون بس فيه ملاحظه :15: ..الطفل اللي 4 شهور بصراحه حرام هو يروح لانه صغير وما يفهم وراح تتعبين نفسك وتتعبينه من اغراض وحليب وقطع غيار ملابس وصياح وسهر ليل اختصريها وحاولي تخلينه هو بس لانه بجد حرام..وبالتوفيق إن شاء الله :d

بالعكس بنتي ماراح يكون منها تعب لأنها ماتتحرك وفي العمر هذا ينامون كثير أقل شي 16 ساعه في اليوم مب زي الأولاد يتطاقون :29: ويفهمون وماتقدرون تسوون شي عندهم :25: ومايمدي الواحد يتواسى في مكانه ألي يقولون أبي الحمام والثاني عطشان وطلبات ماتخلص الله يعينا عليهم 0عطوني تجاربكم لا تبخلون علي :17:

اختي انا اشوف انك عادي تآخين الاولاد وتحاولي تدوخيهم في النهار باللعب ولاتخليهم يناموا الافي الليل وطبعا راح يروحوا في ساااااابع نومه ويفضى لكم الجو
وبعدين المفروض الاولاد يكونون في غرفه لحالهم لانه خطر يضلوا مع الوالدين خاصه في هذه السن ممكن يشوفوا حاجه وانتوا تحسبوهم نايمين

والله انا لسه ماسافرت مع ولدي واحس انه عادي اهم شئ ضبطي وقتهم في النوم
يعني قبل ماتسافرين صحيهم الساعه 9 الصباح وخليهم طول الوقت لاهين ماراح تجي 8 الليل الا هم بالسرير
وخذي وقتك مع ابو الشباب
وادعي لي تكفين اني اسافر عادي مع ولدي بس اسافر
تروحين وتجين بالسلامه يارب وتتهنين بسفرتك ان شاء الله

خوذي العابهم الي يحبونها خاصة البلاي ستيشن والألعاب الي يحبونا في البانيو و حطي لهم البانيو و خليهم يلعبون طول الوقت علشان ابوهم يروق وقت لعبهم وحاولي إنك تسكنين في اوتيل فوق مجمع تجاري وفيه بركة من الصباح أنزلي و فطريهم و سبحيهم في البركة و لعبيهم في الملاهي الي في المجمع و اشري لهم الألعاب الي يحبونها في الوقت الي أبوهم نايم إذا جا العصر و طلعتي فيهم فهميهم إن الأماكن الي بتروحين لها أماكن كبار لازم ما يكثرون الطلبات و الإزعاج علشان بكرى تسوين لهم برجرام حلو زي اليوم صدقيني بتستمتعين و هم بنبسطون و ابوهم بينبسط على تنسيقك الرائع هذي تجربتي لأني أنا ما أسافر إلا عيالي قدامي و كل سفراتي ناجحة أتمنى أقراء ردك قريب و أنت راجعة بالسلامة تقولين لنا أيش صار على تجربتك الجديده مع العيال

والله ما عندي زود

بس ابغي اقول تسافروا وتردوا بالسلامة

http://66n.com/forums/images/icons/hi.gif

على كذا ياأخت ترنيمة الماضي انا أول من يدوخ في الليل أذا صار أبوالشباب نايم وأنا من الصبح أفطر هم وألعبهم وأمشيهم صعبه كذا وأنا أحس أن السفر هو أنسب فرصه أن الزوج يتفرغ لعائلته ويتكفل بكل شي بصراحه زوجي من النوع الملول وماراح أقدر أغير جوه من يوم والثاني وأنا محتاسه مع العيال.

والله مافي مشكله الرضيعه فقيره بالدراجه ماتدري وين الله موديها :23:

واللاولاد ماشاء الله شايلين عمرهم 3 و6 بس انت فهميهم انك راح اتعاقبينهم اذا اي واحد قل ادب او اتشيطن :25:

وبالنسبه للاطفال عاده ما ينامون بسرعه من التعب وبعدها اذا كان باقيلك حيل افرحي انت زوجك :14:

بس بصراحه صج السفره مع الاطفال يبيلها صبر وتحمل وطوله بال لانها اكيد متعبه :25:

وبالتوفيق واتروحيون وتردون بالسلامه يارب :17:

تحياتي وتمنياتي لكي بقضاء وقت ممتع : :17:

الصراحة حرام تحرمين الاطفال من متعة السفر ......

وحرام تخلينهم خصوصا أذا كنتي مطولة في السفر ...شهر مثلا ...شلون يطاوعك قلبك ....

أنا عندي ثلاث أولاد الله يحفظهم ...شياطين بس مستحيل أخليهم وأسافر ....كل عائلتي يتمنون أني أخليهم وأروح أستانس شوي وأرفه عن نفسي وأنا أقول ...لا ...أولادي ماخليهم ...مثل مابغي أغير جوي هم بعد يحتاجون يغيرون ....

توكلي علي الله وخذيهم معاج ....وزوجك بيساعدك ....