ارجوكم زواجي قريب وابغى منكم طلب بسيط
 

هذه اول مشاركة لي في هذا المنتدى اللي اكثر من رائع
وأبدأ في طرح موضوعي
بعد ماتملكت أخذ زوجي رقم الموبايل وانا بصراحه ما ابغى اكلمة لأني خجوووووووولة
ما ادري وش اقول في التلفون ابصير معه جامدة
ارسلي كم رساله حلوة بس مارديت علية ماادري وش ارسله هل ارسله رسائل حب وانا توني ماقابلته فيالبت تعطوني رسائلكم الحلوة بس تكون مؤدبه

انتظركم بفارغ الصبر

بصراحة تامة.... زوجتي هي أول من رسلت لي الرسالة وطبيعة الحال لما ما أعرف الرقم برد بهالرسالة( شكرا على الرسالة ولكن من المرسل) ورسلت لي بإسمها الكامل وهذا الكلام كان قبل الخطوبة بكم يوم وطرت من الفرحة مع العلم إنها خجولة جدا ولكنها جريئة جدا جدا.
فأنصحك بأن تبادليه الرسائل ولكن بالتدريج وتمنياتي لك بالسعادة إن شاء الله.

انا مثل فلذة كبدي ..

زوجتي من بدأت بالرسالة مع أنها خجولة لكن أرست لي هذه الرسالة ..


( أحس القلب محتاجك وطول البعد جارحني .. أنا آسفة لإزعاجك بس الشوق ذابحني ) ..



صدقيني يا أختي طرت من الفرحة وحفظتها في قلبي ولا راح أنساها أبد ..

الاخت الكريمة رشا حفظها الله

السلام عليكم ورحمة الله وبركاته

أنتي ذكرتي أنك تملكتي يعني كتب العقد ............وفي هذه الحالة انتي زوجه بكل ما تعنيه الكلمة

ولاكن............الاعراف تختلف من مكان إلى آخر..........فالبعض يرى أنه لابد من الزواج أي الانتقال إلى بيت الزوجية

لكي تمارسين مع زوجك ماتريدين من كلام أوغيرة

ايضا مفاهيم وثقافة ووعي الشباب تختلف من شاب إلى آخر بختلاف تعليمه...........ولذلك بعض الشباب قد يعتبر أن جرئة

زوجته (التي لم تنتقل إلى بيت الزوجية) غير مقبولة أو يبدأ جهله وعدم وعية بسوء الضن

حتي وأن كانت البداية من عنده وبطلبه

ولذلك فأن رأي الشخصي هو عدم الاستعجال وأن تكون الرسائل قليلة ورسمية جدا حتى تتعرفي على أخلاقه

وتظهر لك بعض الجوانب من شخصيته ...........وحتي تكون الرسائل أكثر مصداقية...........لان الرسائل العاطفية من أول يوم

وبشكل مبالغ فيه قد تكون محل استغراب............لان كل منكم لم يعرف الاخر ...........ولم تبنى علاقة تصل بالرسائل إلى

هذا الحد الكبير والمبالغ فيه احيانا.

ولك التحية...........وأسأل الله لك التوفيق والسداد

كوني على طبيعتك
 

رسايل غرام من البدايه

مايصلح

يعني نكت ..

بيت شعر فيه حكمه مثلاً

اما حب .. قويه

لأنه ماصار فيه وقت عشان يحب فيه الواحد ويبدأ يرسل رسايل غرام

صح ان الشعب العربي عاطفي نوعاً ما ... لكن مهوب من أولها يندلق الواحد

على فكرة زوجتي ارسلت لي الرسالة بعد الملكة بفترة وبعد مكالمات هاتفية معها.....

انا اقول انتظري شوي ؟

الى ان يبداء بحاجه ثانيه (اتصال مثلا)

بعد كذا ردي على رسائله ولو يكون فيها سؤال عن احواله يكون احلى . . . وضحي شوية اهتمام فيها

مو شرط رسائل حب .