|
خطبتها دون علم أهلي
السلام عليكم ورحمة الله وبركاته
يا اخوان بأقولكم اليوم قصتي وهي قصه يمكن تكون لبعضكم عاديه ويمكن تكون غريبه ويمكن خيال المهماني حبيت وحده من القرايب وتعلقت فيها مره لدرجة اني صرت اعرف عنها كل شي وهي نفس الشي وكان حبنا طاهر وعذري ولا فيها ما يغضب الله , المهم انا طالب في الجامعه وباقي على تخرجي سنه والبنت لسى تدرس ببداية الثانوي هي اصغر مني بكم سنه , مر على علاقتي فيها سنة من دون لا يعرف احد من العائلتين وخلال الفتره هذه اتفقت معها على الزواج قريبا وحلاما تسمح الظروف وهي كانت معي على وفاق تام بعد فتره رحت خطبتها بنفسي ودون معرفة اهلي وقلت لأهلها اني ما ابي البنت تروح مني وانا اليم جاي ابي منكم كلمه قالوا نشاور البنت ومن هالحكي المهم اني قلت ما ودي يعرف احد قبل لا يكون الأمر رسمي مشى الموضوع تمام انا الحين بديت اجهز نفسي وان شاءالله اني راح اكون جاهز قبل نهاية السنه من كل النواحي ومعتمد بذلك على الله ونفس فقط , لكن اليوم وقبل كم ساعه حصل شي ما كنت متوقعه وانا الأن ماني مستوعب شي , ارسلت لي رساله كاتبه فيها انها متضايقه مره وان الموضوع يخصني انا وهي رحت على طول اتصلت فيها سألتها وش فيك كانت البنت تبكي بمراره والكلام منها مو مفهوم حاولت اهديها وهدت شوي قالت انها قبل كم يوم جتها حرمه ومسكتها على جنب وقالت لها عن خطوبتنا وان في ناس مو عاجبهم الموضوع وراح يخططون انهم يفصلون بيني وبينها بأي طريقه وقالت انهم راح يأذونها ولا يأذوني انا لأنهم من طرفي ولأني ولدهم وانهم راح يقنعون امي انها تزوجني وحده في بالهم وانها هي الي تصلحلي وبالقوه قالت الحرمه لخطيبتي ان الناس هذه قاعدين يدورن على كهنه وسحره عشان يبعدوننا اذا ما قدروا بالحيله واللف والدوران والسبب انهم مو مقتنعين فخطيبتي لأن عائلتها مو متعلمه قلت لها من الحرمه ذي قالت لي انت ما تعرفها وهي ما تعرفك شخصيا لكن الكلام جاها قلتا طيب من الناس الي تكلموا قالت حاولت اعرف لكنها ما علمتني البنت قالت انها خايفه على نفسها من السحر وكذا رحت على طول علمتها كيف تقي نفسها من هالأمور بالمعوذات والأدعيه وآية الكرسي . غير كذا قالت انهم بيألفون سالفة رضاعه في العائله عشان ما تحل لي وتصير اختي مثلا طيب ليه كذا هم وش دخلهم انا راحتي معها وابيها وتبيني البنت اخلاق ودين وجمال وكل شي فيها عاجبني ليه الحقد والحسد ليه في ناس ما تتمنى الخير وتحشر نفسها . بس انا الحين وش اصلح ما ادري من اكلم ولا ادري من وين ابداء يعني لو بغيت اخذها لازم اكلم اهلي طيب كيف اكلم اهلي وفي منهم الي يحاول يدمر الي قاعد ابنيه الله لا يوفقهم ويحرق قلوبهم والله اني بغيت اسوي حادث اكثر من مره وانا طالع تكفون ساعدوني والله مالي احد . . . . . . |
ياأخي هدي أعصابك أولا وتعوذ من الشيطان .........
قد لايكون الكلام صحيحا ..... وماأكثر ناقلي الإشاعات ........هذا أمر الأمر الثاني ياأخي أن هذه الفتاة ..مهما بلغ من حبك لها وحبها لك ..فهي أجنبية عنك ...لاتحل بينكما المكالمات..... ولعل هذا الموقف تنبيه من الله تعالى لك ...لتضع حدا ......لهذه العلاقة ..... مالمانع من أن تخبر أمك ..بالموضوع ...فمسألة وصول الخبر لأهلك من الناس ليست بالأمر الهين ....المفروض أنك فاتحت أهلك بالأمر ..لكن مافات فات ..عليك أن تخبر أهلك ....أن الموضوع لم يتعد الكلام السطحي ....وحين تضع الموضوع أمامهم ....سوف تتبين لك الحقائق .......... حاول أن تعجل بالموضوع ..أقصد الخطبة الرسمية من الأهل .... ولا تخاف فما أكثر مايتناثر الكلام الكاذب حول المخطوبين وفي النهاية ..يتبين أنها فقاعات وإشاعات لاأكثر ..... |
بس انا خاطب البنت من اهلها
وهم عارفين كل شي ومافي بيني وبينها شي غلط الي انا فهمته من كلامك اني اكلم امي بس ؟؟؟ ويكون الموضوع بيني وبينها ؟ وعلى فكره انا لما اقول اهلي ما اقصد اهل البيت (امي ابوي اخواني) اقصد الكل يعني اعمامي واخوالي لكن من ناحية اهل البيت انا مطمن وادري انو ما يجي منهم كذا لكن الخوف من الباقي والله وبعدين حال المكالمات مو عاجبني والله والحل بالنسبه لي اني اخذ البنت وارتاح بعدين عندنا معظم الزوجات تكون زوجات مصالح يعني بالغصب والقوه والأهل هم الي يتحكمون فيها هذا الي خلاني اتردد وما اكلم اهلى الا وانا جاهز ومعتمد على نفسي تماما عشان اختار البنت الي ابي في الوقت الي ابي وكلامك على عيني وراسي اخوي هالوقت ودام ان الوضع صار كذا ما فيه الا اني اكلم الوالده والي يصير يصير ..... |
حبيبي الموعود
من الكلام الي قريته جاء في بالي احتمال وما ادري عن صحته لكن انا بأقولك عشان ما تستعجل وتدرس الموضوع من كل النواحي اتوقع ان البنت مره تحبك ومتعلقه فيك وتبغاك تكون زوج لها يعني( تحرك ياخي اخلص علينا ) بس هي بنت كيف تصرح لك مباشره وتقول لك يالله تعال تزوجني وش بتقول انت عنها ودائم اعرف ان رغبة البنت بالزواج والاستقرار والخروج من جو الأهل اكبر من الرجل غير كذا عاطفتها الكبيره ما راح يطفيها الا زوج محب يعني الأهل خاصة في معظم دول الخليج ما يعاملون البنت على انها بنت ما يحتاج اني ادخل في مواضبع انتم عارفينها المهم انا اتوقع ان خطيبتك قالت الكلام هذا والقصه الكبيره هذه عشان تتحرك وتكلم اهلك ياخي ومعاها حق بعد لازم تعرف راسها من رجولها وتتأكد انك تبيها قدام اهلها واهلك وهذا الي انا اقوله مو اكيد مجرد رأي وتحليل والله يوفقك ويكتب لك الي فيه الخير وشكرا |
رأيي الزميل DaReKo وارد ، وليس أكيد
قد تكتشف صدق رواية حبيبتك من نبرة صوتها وحدة بكائها ، مع أنو قلبي يقلي إنها صادقة لأنو ولاد الحرام بالأيام كثر أحسن شي تعجل بالموضوع عشان مايصير فيه كلام كتير وخبر والدتك ، واستعيذ من الشيطان دائما ولاتنسى دعاء الركوب ليحميك الله بإذنه من الحوادث وخاصة في هذه الفترة العصيبة .... أهديك دعاء الركوب ،، بسم الله الحمد لله سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ* وَإِنَّا إِلَى رَبِّنَا لَمُنقَلِبُونَ. الحمد لله، الحمد لله، الحمد لله، الله أكبر، الله أكبر، الله أكبر، سبحانك اللهم إني ظلمت نفسي فاغفر لي، فإنه لا يغفر الذنوب إلا أنت |
اخى العزيز انا اقدر مشاعرك وحبك لها و حيرتك . لكن لابد ان يكون هناك ميزان وعدل حتى لا نضيع بنات الناس و خاصه من هم اقل منا ثراء وجاه .
- ارجو الأجابه على اسئلتى رعاك الله - هلى ترضى لأختك انت تكون فى وضع هذه الفتاه الصغيره والتى مازالت فى سن المراهقه ؟ حتى لو كان هذا الشاب اعلى منك خلقا هل ترضى ان تكون علاقتهما فى السر لمده سنه .؟ لااعتقد - لماذا كل الخوف و القلق اليس فى عائلتكم رجل رشيد يساعدك اذا كنت جادا فى احاسيسك؟ - هل تعتقد ان اهلك ( ابوك و امك و اعمامك و خالاتك ) لم يجربو الحب و الوله و الغرام ؟ انت مخطىء فهم اهل خبره و علم اكثر منك فتكلم معهم و اسمع منهم و حاول ان تشرح حقيقه مشاعرك لهم .اى انك لابد ان تحل مشاكلك مع اهلك قبل ان تقرر المضى فى الزواج قصتك قصه كلاسيكيه تتكرر يوميا فى انحاء الوطن العربى , تجدها فى كل بلد ومدينه و قريه لا جديد فيها . الكل يلقى اللوم على الأهل . و يصورهم كأنهم عتاه , غليظى القلوب , لا يهتمون الأبمصالحهم الشخصيه . و انت مخطىء ففى نفس المربع الذى تسكن فيه هناك من يعرف و يحب و يتزوج من فتاه احلام بماركه الأسرتين , و كل يوم تتم عشرات و مئات الزيجات الصالحه . لأنها ترعرعت تحت عين الأهل و بأتفاق الطرفين و رغبتهم فى البقاء سويا حتى اخر العمر. هل ترغب فعلا من الزواج من هذه البنت ؟ اذا كنت راغب بشده الى هذا الحد فلما لا تقوم بمصارحه اهلك هل سيقتلونك , كلا , اقصى ما فيها انهم سوف يناقشونك , هل بلغ بك الكسل والأستهتار انك تجد فى الكلام مجرد الكلام مع اهلك عقبه كبيره , فما بالك بما هو اصعب !!!!!!!!!!!!! هل تحب ان تعرف نهايه هذه القصص التى نسمع عنها يوميا و جربناها بأنفسنا . تنتهى كفقاعه هواء . لكن للأسف يكون الطرف الخاسر فيها البنت اكثر من الولد . |
| الساعة الآن 01:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©