|
رجال وحريم اهم شي ابغا المشورة والمساعدة
اول شي اقول بسم الله الرحمن الرحيم
واشكر كل القائمين على هالمنتدى الرائع بصراحة قمة في الروعة ووالله اني احبكم في الله والله العظيم اني مترددة كثير في طرحي للموضوع هذا لاكن ضاقت علي الدنيا وماني لاقيه احد افضفض له غيركم اتمنى انكم تعطوني رائكم ومشورتكم الله يخليكم ويسعدكم حكايتي من البداية >>> انا فتاه عشرينة وجامعية ايضا المهم اني مخطوبة من كم شهر يعني صايرة ملكتي وهذي الملكة ماصارت إلا بعد سنين طويلة من العناء الين اخذنا بعض انا وابن خالتي يوم الملكة بابا شرط على خطيبي انو مافي لا شوفة ولا روحة ولا جية ولا مكالمات ليه مدري مين الي دخل الفكرة هذي براسة برضو ما ادري المهم انو خطيبي اول شي يحسب انو الموضوع بس كذا انو قدام الناس لاكن طلع الموضوع من جد مايبغاني حتى اكلمو مع انو ولد خالتي ودايم يروح ويجينا ويودي ويجيب فينا يعني مرة ماخذين على بعض مدري ليه بابا شرط الشرط هذا عليه رغم انو مو جالس يطلبو شي حرام انا اعتبر زوجتة شرعا المهم اني ماني عارفة ارضي مين بابا ولا خطيبي حاولنا كم مرة نكلمو بالموضوع بس هو مرة نهائي رافض الفكرة هذي حتى دخلت ناس كثيرين يعني عماتي واعمامي بس للاسف مرة مو راضي انا اكلم خطيبي من غير ما يدري بابا ماما احيان تساعدنا واحيان لا يعني بعد الملكة ماشفته غير مرتين وكانت من غير ما يدري بابا والله اني ماني محتاره احس انو عيب عليا لو قالي ابغا اشوفك وانا اصدو المهم انو مشى حكاية انومافي شوفة ولا شي جينا دحين هو يبغا يجهز بيتنا الي بنتزوج فيه وما يبغا ياخذ راي احد غير راي انا يعني انا الي لازم اختار جهاز البيت والله انا ودي بالشي هذا لاكن والله محد راضي لا بابا ولا ماما وكل ماتكملنا انا وهو وهو يقولي هذولي اهلك ليش يسو كذا فهمتو الموضوع قلت له هما كذا انا اش طالع بيدي يقولي انا فاهمك بس ليش يسو كذا وكل ماتكلمنا يفتح الموضوع هذا معايا والله انا تعبت مرة وما اتخيل اني اتخلى عنو او ابعد عنو نهائي بس المشكلة لا اهلي راضيني يفهمو ولا هو كمان راضي يفهم وانا الي ضايعة في الموضوع والله محتارة اش اسوي ابغا مشورتكم قولولي اش اسوي حتى انو قالي خلاص ماني فارش البيت غير غرفة النوم بس والباقي بعد مانتزوج ننزل انا وانتي نشتري بس اهلو ماهم راضين بالحل هذا ولا انا كمان ماني راضية مابغا احد يقول عنو انو ناقص ومو قادر يشتري عفش بيته والله دماغي مو متحمل كل هذا حاولت مع الكل بكل الطرق بس مافي حل اهلي معاندين وهو كمان معاند انا ماني عارفه ارضي مين الله يخليكم شورو عليا بشورة حلوة والله مالي احد اقوله الي بقلبي انا اكبر وحدة في البيت وماني عارفة كيف اتصرف ولا يمكن اني اتخلى عن خطيبي ولا لاي سبب ولا هو كمان يقدر واهلي كمان مابغا ازعلهم والله من جد تعبت الله يخليكم ساعدوني انا عارفة اني طولت بالموضوع بس والله من حرتي والله اني ابكي وانا اكتب لكم الموضوع الله يخليكم اعطوني رايكم وهذي اول مشاركة لي معليش سامحونى على الاطاله الف شكر للجميع مقدما مع التحية اختكم |
السلام عليكم
اختي الفاضله مادري ليه مكبرين الموضوع خلاص الحمد لله انتي وياه ملكتوو يعني كلها كم يوم وبتصيرين زوجته وفي بيته يعني ماله داعي تسوين حركات من وراء ابووك لو عرف عنها بالصدفه ممكن تصير مشاكل ويمكن ينهي الزواج بعد بعدين بالنسبه للاثاث ممكن يستشيرك في الالوان او يرسل مع احد من خواته لك كاتلوجات تساعدكم في اختيار العفش او حتى شي مقارب منه.. واهم شي حبيبتي اسمعي كلام ابوك لانه هو اللي باقي لك واحترامك لكلمته اهو اللي بيكبرك في نظر زوجك وصبريه دئما انها كم يوم وبتكونون في بيت واحد فماله داعي تنكدون على انفسكم بمشاكل صغيره والله يوفقكم ويسعدكم مع بعض ............امين |
اقتباس:
:22: |
اقتباس:
|
السلام عليكم ورحمة الله
اذا كان على موضوع الشوفه والكلام ...لاحقين عليه..الايام الجايه ان شاءالله بتعوضكم وبتعيشون طول العمر ان شاءالله مع بعض وبتتكلمون بكل المواضيع الين تملون من الكلام ... وهذا شي ايجابي يخليكم تشتاقون لبعض اكثر واكثر .... واذا على موضوع التأثيث....ثقى بذوقه خليه يأثث على كيفه قولي له انه بودك تتفاجئين بالبيت وباثاثه تبين كل شي على ذووقه وبتفرحين بليلة العرس يوم بتشوفين البيت لأوووووووول مره وترى الدنيا ماتستاهل كل هذا الزعل خليها على الله....ولا تدورين للحزن باب اقلبي الاحزان لأفراح والله يووووفقج والسموحة |
ما ادري شقول......
حيرتيني معاك |
لا حول ولا قوة الا بالله
ادعي الله يسهلكم طريقكم |
[color=#660066]
غررررررررومة ... [/colorربي يوفقك بس لازم نهادي أهالينا عشان نظفر باللي نبغاه خاصة الموافق للعادات والتقاليد ...وقبله أمر الله .. ياحلوتي مادام هو زوجك بالحلال يعني مملكة عليه ..أنصحك إنك تكلمي أحد ممن له تأثير علة والدك مثلا مثلا عندك عم عنده خاصية الإقناع...بس بطريقة مايفهم أبوك إنك عرضتيه عليه ...يعني طريقة دوبلوماسية :25: يتكلم عمك مع أبوك ويعرض عليه من نفسه ويقول: وش رأيك لو تخلي غرومة تكلم زوجها عشان يأخذوا على بعض... إن شاء الله خليتوا غرووومة تشوف زوجها حتى يؤدم بينهما ...وماإلى ذلك... وأنت اللي تقدري تحددي مين الشخصية هذي إما على امك أو أبوك أما من ناحية فرش البيت فإمكانك إرضاء لوالديك أنك تخرجين معهما وتشوفي اللي يعجبك .. وتكلمي زوجك وتعطيه اسم المحل ورقم القطعة... وربي يسهل عليكم ويفرح قلبك ويقر عينك ... تحياتي ...اشتقت لأمي |
اختي الفاضله
اول شي اللي انتي تسوينه خطا انتي تكلمين زوجك بدون علم ابوك يعني اوبك قدام زوجك ماااااااااااله اعتبااااااااااار هذا الشي يصغرك اكثر قدام زوجك ويفقد ابوك هيبته والنقطه الثانيه ابوك ماسوا هالشي الا خوفا عليك ومن غلاك لانه عارف ان زوجك قريب ودخلته للبيت سهله ويمكن يتمادى في اشياء يرفضها ابوك وترفضينها انتي ومع انه زوجك لكن العرف يرفضها بالنسبه للفرش مافيه اي مشكله انتي دوري على كيفك واختاري وهو يروح يشوف اللي اخترتيه والا افرشي الاساسيات والباقي بعدين ونصيحه لك خلك ثقل بكره بتملين منه وبتعرفين غلا الوالد الله يحفظه لك |
تسلمو على النصائح
ادعولي الله يخليكم بس بابا مافي منو امل نهائي الله يسهلها على خير |
| الساعة الآن 02:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©