|
احببتها ولكن ؟
السلام عليكم
اخواني اعضاء هذا النتدى اكتب لكم مشكلتي ورجائي ان اجد لديكم من الحلول مااستطيع تقديمه لزوجتي الحبيبه انا متزوج من ثلاث سنوات من فتاه احببتها ذات خلق وجمال ودين اعطتني كل ماتملك من مشاعر واحاسيس وهبتلي حياتها صبرت معي على السراء والضراء في الهم والفرح اعطتني حياتها بكل مافيها احبتني جدا ما ادخل البيت الا نظيف ما اشوفها الا باحسن منظر ماتكلمني الا احسن الكلام تراعيني في كل شي تحترم اهلي وتقدرهم كل الصفات الجميله موجوده فيها احببتها من قلبي اصبحت لا اطيق البيت دونها ولا اطيق نفسي من دون ماتكون جنبي مرت الايام والشهور والسنين ما حطيت في بالي موضوع الاولاد قبل كم اسبوع اصرت الى ان نذهب الي طبيب قلت ماله داعي اذا الله ما رزقنا عيال الشكوى لله اصرت ورحنا وياليتني مارحت فحصنا والنتيجه طلعت زوجتي لا تنجب صارت حياتي جحيم تقول تزوج ولا تطلقني انا احبها وهي كذالك ولا افكر اني اتزوج عليها ولا اطلقها انا موضوع العيال مو مهم عندي راضي بقضاء الله وقدره اذا الله رزقنا عيال الحمد لله واذا الله مارزقنا عيال ما اقول الا الحمد لله على كل شي هذا نصيبي المهم با اخواني انا ابي اطلع زوجتي من ها الحاله الي هي فيها واقنعها اني ماراح اطلقها ولا اتزوج عليها ونا فعلا ماراح اتزوج ولا اطلق انا انسان مؤمن جدا بالي يكتبه لي ربي زوجتي لا اريد ان اتخلا عنها و إن شاء الله مايفرقنا الا الموت بس عاد انا ابي منكم تساعدون بفكاركم وشاكر لكم جدا واعذروني لني طولت تراني ماعرف اكتب توني جديد وسامحوني اذا فيه اخطاء باكتابه شكرا |
ماشاء الله عليك ياخوي .. و الله يكثر من أمثالك يارب ..
و حابة أقول ( لا تيأس ) .. و زوجتك مدري و الله بإيش أنصحك ..؟؟ لإن أي وحدة مكانها راح يخطر ببالها الشئ هذا .. لكن برأيي .. لو تذهب بها لطبيب آخر و تتفق مع الطبيب إنه يوهمها بإنه مافيها أي عيب و يطمئنها بس علشان تشيل الفكرة من راسها و ترتاح .. |
أخي الفاضل..نايف حقيقة ياأخي لن اقول لك اصبر بدون اثبات ان رحمة الله واسعة ..رغم انها لاتحتاج لإثبات.. لدي قريبة كلما حملت اجهضت واستمرت على هذا الحال 5 سنوات من زواجها ..ساءت نفسيتها الى ان وهبها الله طفل..الى هنا لم تنتهي المعاناة ..فلقد صاحبها حرمان من الاطفال واخبرها الاطباء من الصعب ان تحمل مرة اخرى وبعد 8 سنوات اعطاها الله الان طفل وهي حامل..وزوجها لم يفكر ان يتزوج عليها او يطلقها قريبة اخرى لي 15 سنة لم تحمل وزوجها صابر معها ولم يتزوج عليها أو يطلقها واعطاها الله بعد15 سنة طفلة اذن هذه اخي الكريم قصتين فقط من قصص رحمة الله بالعباد.. وهناك اكثر من هذه القصص.. انت تحبها وهي تحبك . فلا تتركها.. وطبيعي ان يكون رد فعلها مافعلت لانها تحبك..الان فور قرائتك لردي اذهب لها واخبرها ان الله رحيم ولم يترك عباده وهو الرازق وان احسنا الظن به سيرزقنا خيرا واخبرها عن القصص التي ذكرتها لك ..صدقني ان وثقتم بالله فلن يخيبكم جل جلاله..فقط الصبر..الصبر..والدعاء واغتنام اوقات السحر في الدعاء..والله يرزقكم يارب الذرية الصالحة.. اخي احيانا الله يأخر شيئا فيه مصلحة العبد لان صلاحه ان يكون في وقت اخر..واحيانا يبتليه لأن الله اذا احب عبدا ابتلاه ليرى صبره وتضرعه بالدعاء..لاتعلم لربما لو جاءكم طفل في هذا الوقت لتغيرت علاقتك بزوجتك او لربما اصابكم مرض او عارض لاسمح الله.. استعن بالله والجأ الى طبيب مختص للمعالجة وان شاء الله تبشرنا بحمل زوجتك ..حتى لو بعد سنين.. أختك في الله حائزة الأمل |
شكرا لكم يا اخواتي
بس انا فعلا مؤمن بقضاء الله وقدره وفهمتها يعني قلتها توك صغيره والعمر قدامنا إن شاء الله عمرها 25 ونا 28 بعدين انتي تبين ونا ابي بس الله ما كتب وش نقدر نسوي مالنا الا الصبر بعدين لاتشيلين الهم وتنسين نفسك عيشي حياتك ولا تفكرين ابدا بالموضوع تقول انت وش ذنبك قلت يا حبيبتي هذا مو ذنب هذا شي مقدر ومكتوب علينا ماتبين الاجر لا تجزعين بلعكس المفروض الشي هذا يقربك من ربك اكثر ادعي وصلي وذا جت علي انا مابي عيال الا منك غيرك ماابي ولا متزوج لو اعيش معك كل العمر قريت ردك اختي روح الطير ودي بشي من دون مااتفق انا واحد عليها يعني بيني وبينها والله يخليك على اهتمامك اختي حائزه الامل إن شاء الله كل الي تتمنينه تحصلينه امين يارب قصصك الي قلتيها زادت الامل عندي انا ولله يخليك ادعي لخوك وختك ولقصص بنسخها |
ينقل الى عالم المتزوجين خالص احترامي |
اخي نايف : رده فعل زوجتك طبيعيه لانها تخاف تخسرك عشان موضوع الاولاد وتحس انها عاجزه ان تجيب لك الولد وممكن تبحث عن اخرى وتتركها ..... هني يجي دورك انا انصحك انك تسافر وياها وحبذا لو العمره منها تغير جو وتقعد معها جلسه صراحه وتفهمها انك مستحيل تتخلى عنها وان الحياه الزوجيه ماتتوقف عند الاولاد وان هذا ابتلاء من رب العباد عشان الله يأجركم وان الله اذا احب عبده ابتلاه ....... والخيره فيما يختارها الله حاول انك تزرع فيها الثقه وان كل شي بيد رب العباد وان الرابط مو العيال ياما ناس عندهم عيال وتطلقو وياما ناس ماعندهم ولحد اليوم مع بعض
صدقني يا نايف هذا اختبار من الله وربك اعلم بعباده ..... وبعدين محد يقدر يقول ان في امل او مافي امل في الانجاب ........ اذا لك رزق بتاخذه في ناس ما تعاني من شي بس الله ما كتب لهم يرزقهم بعيال ....... حاول تهديها بالصلاه والقران يعني كل مافتحت لك الموضوع قول لها قومي صلي او قومي اقري القران ......... واحرص انت وياها على قيام الليل والدعاء والاستغفار فسيد الارزاق الاستغفار وربك كريــــــــــــــــــــــــــــــــــــم ما ينسى احد والله يوفقكم ويجيب لكم الخير |
ولله كلامكم حلو جدا
ولله مقدر شعورها وما الومها وثل ماقلتي اختي او اخوي شامبو55 عشان كذا انا جالس اسوي كل الي الله يقدرني عليه ولله كلمتها وعندي كامل الاستعداد اني اتكلم معها مره ومرتين والف وطول العمر فعلا كم من الازواج من عندهم عيال وتطلقو والعيال هذا شي مقدر ومكتوب انا ابي زوجتي ولا ابي اتخلى عنها حتى مسئاله الزواج من ثانيه ماخشت مزاجي ابدا ماقدر حبي لها يمنعني بس ابيها تفهم ان هذا قسمه ونصيب ومقدر شعورها جدا عشان كذا اقول ابي اي حل حتى لو صعب علي مستعد اسويه عشان خاطر عيونها |
الله يكثر من امثالك
ماشاء الله تبارك الله الرجال اللي زيك ندرة في هالزمن أختي الفاضلة . أرجو الانتباه حين كتابة كلمة ( ماشاء الله ) وهي تكتب على الصورة التي رأيتِ . شكرا |
ولايهمك اخي نايف..لن انساكم ان شاء الله من الدعاء والله يسعدكم ويرزقكم الذرية الصالحة ويدوم عليكم
الصحة والرزق يارب أختك حائزة الأمل |
مرحبا اخوي نايف
انا عندي لك حل الحين الطب اطور وماشي مستحيل بمشيئة الله..... اولا روح عند اكثر من طبيب لو كلهم أكدوا انه زوجتك لاتنجب ساعتها احجز على اقرب طياره وروح لاي بلد بالخارج يمدحونه بهالمواضيع وجرب يمكن تحصل علاج ويامااااااااا سمعنا قصص بعد طووووول انتظار من الله علي الزوجة باولاد لاتيئس ابدااااااااااا وادعى الله دايما ...فالدعاء له مفعول سحري صدقني والسموحة |
| الساعة الآن 08:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©