|
محتااااااره .... ساعدوني
اخواني وخواتي
ابغي احس ان زوجي يحبني وابي اعبر له عن حبي ... مايعطيني مجال صدقوني ... ابي احاول مش قادره .... دايما لما اقرب احس انه يبتعد .... يقول لي خاطري في يوم اتبادرين ولما اتجرأ وابي ابادر بالمعاشره يقول لي انا تعبان ابي انام اليوم ... بعدين يقول لي لا يكون تزعلين اتخيلوا سافرنا مع العيال ... وفي غرفتنا سريرين كبار ... انا نايمه في سرير مع بنتي وهو في سرير مع ولده ...(اعيالنا صغااااار) .... مافكر في يوم انه يقرب مني او يتودد لي .... جااااااااف .. بس لما اشتهى ماعليه .... احس انه ما يحبني او احس ان حبه عاااااادي بس انا امووووووت فيه .... الصراحه بعد هالموقف قررت اني ماابادر كللللش .... واذا قرب مني ابتعد واتحجج ....لدرجة اني فكرت اني اقول له ان نظل على هالحال طول العمر .... حسيت اني ماابيه .... كرهته .... طول الليل وانا افكر في حياتي معاه لكن بعدها رحنا لدوله ثانيه ولبست له احلى قميص نوم وقربت منه .... بس .... بعد في النهايه مش عاجبه الوضع .... قالي بعد مش هذا اللي ابيه .. انتي جايه اليوم وكاشخه ... ابيج مره اتجين عاديه ولما تشتهين اتجين اتقربين مني ... مش عاجبه شي فيني هالايام ... صاير وااايد اعاتبه وانا ابرر مع اني دايما كنت اكتم ....يقول لي مشكلتج انج طحتي في واحد مش رومنسي ... ابي احس اني احبه ويحبني ... ابيه يدلعني وادلعه بس مش عارفه اشلون ... زوجي مزاجي الصراحه احترت معاه وااااايد.... يمكن مشكلتي تعتبرونها بسيطه وانا امكبرتها بس انا متضايقه ومحتاره فوق ماتتصورون واذا قريتي مواضيعي القبليه يمكن اتحسون فيني اكثر ...انا اقرا النصايح في المنتدى واشلون تكسبين زوجج واشلون اتعبرين واشلون .... لكن بعد مش مستفيده ... احيانا افكر اني ابتعد مع اني مستحيل اسوي هالشي ... احبه واحس اني مااحبه انصحوني لاني اخاف انفجر في يوم من الايام واقول له عن اللي افكر فيه وبعدين اتسوء الحاله اكثر واكثر اتمنى تقرون مواضيعي القبليه عشان تفهموني اكثر واتحسون فيني تعبانه والله تعبانه |
|
وين ردودكم ؟؟؟
وين نصيحتكم ؟؟؟ ساعدوني ارجوكم |
حبيبتي انا من رأي الشخصي انكي تكونين ثقيلة ولا تسأله عن أي شئ، ألبسي دائماً على احلى الملابس وميكاج وكل شئ وأعملي حركات أغراء انت وتمشين أمامه بس لا تحسسيه انك تسويها عمداً. لكن أصمتي دائماً لأن الرجل طبعه إذا المرأة صمتت الرجل يسأل لماذا كوني ثقيلة جميلة أمامه دائماً هو يحبك أكيد، أن كان لا يحبك لن يصير عندكم أولاد بس هو يريد يعمل نفسه سي السيد انت تركضين وراه بس صدقيني طنشيه طنشيه حبيبتي وشوفي النتيجة والله يوفقكم ويهدي زوجكي
|
اختي العزيزة
انا بحاول اساعدك وان شاءلله تستفيدين مني اول شي انتي لازم تقعدي مع نفسك وفي موضوعك الاول كتبتي انك متزوجة من اربع سنوات الليست كفاية لتعرفي طبيعية زوجك اقعدي مع نفسك وفكري 1-زوجي كيف يحب ( لبسي - شكلي - مكياجي - عطري - كلامي ) 2- كيف طبيعة زوجي يحب حركات الدلع دائما ولا في اوقات معينة والوقت اختي اذكرك بالوقت اهم شي لما تخططي لهجومك الانثوي يكون زوجك مرتاح جسديا غير مشغول ذهنيا بمشكلة من مشاكل الدنيا تخليه مايحس لك لانك رح تحطمي ويكون مزاجه رايق هذا لكيف تبدءي معاه وبالنسبة لكلامك ان مو عاجبه شي فيك يمكن تكون عنده مشكلة وشاغلة باله ومخليته بدون مزاج انتي اختاري الوقت المناسب لك وله لازم يكون مزاجه رايق وانتي مزاجك اروق عشان يكون نفسك طويل معاه تحسبأ لأي ردة فعل منه ممكن تضايقك وتقدري تفكري في الي راح مثلا في يوم رحتي زواج احد اقرباءك ومدح في فستانك في طريقة شعرك تقدرين تعيدينها وتقدرين حتى تعرفي اذا زوجك عاجبته ممثلة ولا من هالمغنيات الي شاغلين بال الرجال هالايام وتدوري شخصية قريبة لشكلك وتعملي شعرك ومكياجك مثلها او في لعبة قريتها بالمنتدى بس الاقيها بحطها لك ان تستخدمي علبة كلينكس فاضية وتطلبي منه يكتب الي في خاطره فيه وانتي بعد وتسحبون وتنفذون اعتقد انها طريقة مرحة ويمكن تحركه شوي وحتى ادلعي صيري مثل الاطفال بس تشوفيه رايق ادلعي بشعرك قولي له شعري حلو شوف المسه ناعم جريه بطريقة عفوية وطفولية اي شي ابتكري اي عبارات اتمنى اني اكون وصلت لك الفكرة |
اختي .. انصحك باشرطة للدكتور المختص صلاح الراشد وهي رائعة جدا
" كيف تكسبين محبوبك " مع كتيب للتطبيقات .. وله كذلك " كيف تكسب محبوبتك " شوفي طريقة مناسبة لتصل الى زوجك .. وللطبيب النفسي طارق الحبيب " لمسات نفسية في الحياة الزوجية " كما انصحك اختي .. ان تكتبي له رساله .. وضعيها في مكان مناسب ليقرأها وحده .. عبري له فيها باسلوب عما تشعرين به حول هذا الموضوع وامنيتك حول علاقتكما الزوجية .. خليه على راحته يقرأ كلامك .. ويتأمل .. |
مشكورين اخواني على الردود
بس انا احس ان زوجي ما تمشي معاه حركات الدلع .... اصلا مافي وقت للدلع ... انا مااقعد معاه الا وقت النوم وعلى الفراش ... الظهر يرجع من الشغل يبي ينام ... والمغرب على طول يصلي ويطلع والساعه 11 بالليل يجي وعلى طول على السرير .... واذا حاولت انوم العيال بدري يقول لي خليني العب معاهم انا ماشايفهم ...واذا قلت له تعال اتعشى ... يجي يتعشى ويغسل يدع وعلى طول تحت في مجلس الشباب او عند امه وابوه تحت لان مايشوفهم الا اخر الليل مع ان احنا ساكنين معاهم ... وعلى فكره ... زوجي يطلب مني المبادره .... بس اذا هو مابادر يعني هو مش مشتهي ومش رايق .... يعني انا بادرت والا لا واحد .... حتى لو حاول يجاملني في النهايه يقول لي انا تعبان ... الوقت اتأخر ... ويتعذر ... الا اذا كان هو اللي امبادر... زوجي كلش مش رومنسي واللي مش رومنسي ماتنفع معاه حركات الدلع ... ابوه صار له اربع ايام في المستشفى وبالليل ينام عنده ويرجع الصبح البيت وينام لين العصر وبعدين يقعد عند التلفزيون ولا كأنه تاركنا طول اليوم ... ما يحسسنس انه مشتاق ... ما يقول قاصركم شي... واذا قلت له يقول لي الحين بروح المستشفى ... ويطلع من المستشفى على الساعه ثمان يروح عند ربعه في المجلس لان مستحيل يمر اليوم من غير ما يسير عليهم وانا وعياله ولا يفكر فينا زوجي مايهتم في هالسوالف ولا يفكر ان احنا محتاجين له وان احنا مشتاقين يعني عادي يمر اليوم بطوله من غير ما يشوفنا .... ما يفكر اذا كنت متضايقه يطلعني او يونسني باي شي ... وانا حاسه ان هالاشياء الواحد يتعلمها من تربيته ومن حياته ويمكن طبيعة البيت اللي هو عايش فيه ما خلته يعرف هالأشياء بس انا شسوي اشذمبي ... احاول اقول له عمدا عن مواقف حلوه لاخواني او صديقاتي مع ازواجهم عشان يتعلم ... بس هو يعتبر هذا كله دلع ومصاخه اتمنى فهمتوني اكثر ومشكورين |
اختي العزيزة نجمة العشق اعيد وانصح باشرطة الدكتور الراشد ( ارجوك اسمعيها ) وقد تطرق الى الازواج الذين لا يمارسون الرومانسية ولا يتقبلونها ، وكيفية التعامل معهم ، واستثارة الحب والرومانسية لديهم .. وقد ذكر قصة زوج لايهتم بل لا يتقبل الرومانسية .. الا ان الزوجة كان املها كبيرا ومع المحاولات استطاعت بفضل الله أن تخرج المكنون ..
اختي .. تأكدي أن الحب فطرة .. وانها قابعة في اعماق زوجك .. لكن عليها غشاوة .. قد تكون بسبب اسلوب أو صعوبة الحياة التي عاشها زوجك .. اختي تفائلي خيرا " تفائلوا بالخير تجدوه " وادعي ربك يزرع المودة والرحمة بينكم .. واحنا مهتمين بموضوعك .. وأخبرينا بالجديد .. |
مشكور اخوي المتأني على اهتمامك وانشاء الله اشتري الشريط واسمعه في اقرب فرصه واحنا طالعين مع بعض في السياره
بس على فكره هو لما يقصر معاي في شي يقول لي الصراحه انا مقصر لما اتجي مناسبه اشتر له هديه بعدين يقول لي انا ماجبت لج ... احرجتيني ... وتجي المناسبات وعلى نفس الموال مره كنا مع بعض بالسياره ونسمع شريط وكان يقول الشيخ ان الازواج لازم يكون بينهم هدايا وحتى لو هدايا بسيطه .... تدري اشقال لي زوجي في هالوقت ؟؟؟ ... قال لي انا مااجيب لج هدايا ... طبعا سكت وبعدين قلت له انت ماتقصر الله يهديه ويهديني معاه ويهديكم انشاء الله ولكم مني خالص الشكر على اهتمامكم |
اهم شي أختي لا تنسي تخبرينا بالجديد ، وعندي احساس من خلال كلامك الأخير ان زوجك العزيز محتاج يكون منظم وقته اكثر ومحتاج يكون اكثر حيوية وتلقائية .. اعتقد ان دخوله دورات في التطوير الذاتي - وكلنا محتاجين لها - ستجعله يعيد ترتيب اوراق حياته من جديد إن شاء الله .. انشري ثقافة التطوير الذاتي وثقافة الدورات والبروشورات والأشرطة الخاصة بها في البيت .. ولا تنسي نفسك منها .. راح تفتح لك ان شاء الله آفاق واسعة في الحياة السعيدة .. وبالتوفيق يا اختي ..
|
| الساعة الآن 02:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©