أريد حلا وبسرعة
 

بسم الله الرحمن الرحيم

إخواني الاعضاء ذكرت لكم مشكلتي والتي كانت تحت عنوان استغاثة وشرحت تفاصيلها ونصحتموني بالصبر وا انتظر حتي يهدأ ويتحدث الي مر الآن علي المشكلة 10 أيام لم يتصل علي سوي مرة واحدة ليسأل عن أهلي وأخبارهم حاولت ان أتحدث اليه فوجدت انه يتحدث الي بطريقة اشعرتني انه لا يرغب في الحديث او بمعني أدق حديثة لي كان علي غير عادته . فتحدثت اليه برحابة صدر ولم أشعره بغضبي من كلماته . وانتهت المكالمه علي هذا النحو وبالرغم من غضبي الا انني قمت بالاتصال عليه فكان اول ما قاله الم أقل لك أنني سأتصل عليك ؟؟ لماذا اتصلتي بالرغم من صعوبة عبارته الا انني تمالكت نفسي كما نصحتموني وقلت له حسيت انك واحشني كتير فقلت أكلمك تخيلوا كيف يكون ردة فعله علي ......." بلاش كلام أونطة " كلام مجاملات يعني تخيلوا ان كلماتي ليه بيعتبرها علي انها مجاملات ...... سالته متي ستعود فقال الله أعلم ممكن بعد يومين ويمكن ثلاثة وجايز أكثر فقلت ترجع بالف سلامه وربنا يوفقك يارب وانتهت المكالمة الثانية وكأنت أول امس يوم السبت وبالامس اتصل علي امه لئطمئن علي صحتها وتكون المفاجأة أنه عاد من سفرة صباح يوم الأحد واتصالي كان أمس يوم الاحد تخيلوا انه ما حاول يتصل علي ولا يقول انه رجع بالرغم من انه كان متعود علي انه يتصل بي اول مايعرف انه راجع قبل ما يوصل للمنزل وكمان كان يجي لي ..... ألحظ تغييره من فترة من حوالي شهر او شهر ونص وكنت بقول يمكن دا علشان مفيش جديد كل ما يسافر ويجي يلاقي كل شئ زي ما هو حاولت اتغير وبرضه الحال ما تغير فيه شئ كمان كل ما بسألة يقوا مفيش حاجة انا لو عندي حاجة هاقولك من غير ما تسألي لكن حاله بيقول كلام وكلامه شئ تاني خالص وادي النهارده تاني يوم وصوله وحتي مفكرش يرفع سماعة التليفون مش عارفه أعمل ايه ؟؟؟؟؟؟؟ ماما بتقول لا تتصلي عليه واتقلي عليه انتي وصديقتي تقولي اتصلي عليه انتي ؟؟؟؟؟؟ وانا محتارة مش عارفة اعمل ايه نفسي اعرف ليه بيعمل كدا ولا تغييرة دا وفي نفس الوقت انا مبحبش يكون بيننا مشكل ونزاع بحب احل المشاكل بهدوء لكن مش عارفه في الموقف دا اعمل ايه
آسفة طولت اوي بس اعذروني لاني مخنوقة اوي أرجوا ان تفيدوني بحلول كما تعودت منكم
وجزاكم الله عنا كل خير

السلام عليكم ورحمة الله وبركاته

كونه ما يرد عليك هذا شي عادي ويمكن حله بسهوله
هو ما يعطيك فرصه انك تتكلمين ويقولك انه مو مصدقك في كل كلمه تقوليها

اوكي ارسلي له رساله اكتبي فيها وبصدق كل الي بخاطرك
والي يدور في بالك عبري له عن كل الي بتقولي له

الرساله لمن توصل صدقيني راح يكون مجبور يقراها
بعد ما توصل له رسالتك حاولي تتصلي فيه وشوفي
ردة فعله كيف تكون

وشكرا

أنا أشوف تتركي فترة بينه و بين نفسه

و استخيري ، أنا بأي مشكلة تواجهني - لا سمح الله - ..
ألتجيئ لله و استخير و سبحان الله .. من حالها تنحل :)

حبيبتي انا شايفه سيبيه واسمعي كلام مامتك سيبيه هو يتصل عشان مايحسش ان مدلوقه عليه وربنا يوفقك ومتنسيش تدعيلي بحل مشكلتي

أنا رأيي متل رأيي والدتك بالضبط ،،

خلاص سيبيه لوحده وهو من غير شر ( مش حيموت ) ، سيبيه براحته خالص يفكر ويعيد ويزيد لحد مايهدا وصدقيني حتوحشيه وحيوحشه سؤالك عنه وحيحاول يتصل بيكي ولما يكلمك كلميه عادي واستعملي كل الألفاظ والمعاني اللي كنت بتناديه بيها بس غيري نبرة الصوت واظهري فيها كل الحزن والألم وأكيد حيتكسف على نفسه من اللي بيعمله ويحاول يراضيكي ويرجع لطبيعته

ايه سبب تغيره ؟؟ ما حاولتي تفهمي منه هو ليه اتغير معاكي ؟؟

اختي انا رايي انك تتصلي به وقوليله انك عايزة تتكلمي معاه في موضوع وافتحي الموضوع معاه وقوليله ايه سبب تغيره .. واذا كان فيه اى مشكلة يقولك وقولي له انك مضايقة من تغيره هذا وانك محتاجة تفهمي منه السبب واذا كان يحبك بجد يخبرك .. وانتي قولي له انك بتحبيه جدا ولو ماكنتي بتحبيه ماكنتي تتصلي به وتتكلمي معه بالموضوع ده
اطلبي منه ان يكون صريح معك وانتي صارحيه ايضا وقولي انا ما بجاملك وكل كلمة بقولها بتكون صادقة من قلبي

اتكلمي معه يا اختي بكل صراحة وصدق وان شاء الله الامور تسير بخير

ربنا يوفقك

الأخوة الأعضاء أشكر لكم تواجدكم الجميل ومتابعتكم

نفسي فعلا اسيبة ومكلموش غير لما يرجع لواحده لكن خايفة مووووووووت من ان كل مشكلة تحصل بينا تبعدنا ولو يوم ولو ساعه وتبقي عادة نتعود عليها وتاخد في طريقها كتير ياجماعه والله ان بحبة جدا وفعلا هو كل شئ في حياتي وهو يعرف وكمان كل اللي حواليا يعرفوا كدا لاننا مخطوبين عن قصة حب 4 سنين عمرنا ما اختلفنا ولا اسأنا الظن ببعض لكن مش عارفه ايه اللي حصل لينا دا انا هموت واسمع صوته بس لكن تايهه مش عارفة اجي علي نفسي واكلمه او حتي ابعت له رسالة زي الاعضاء مابيقولوا قلقانه من النتيجة او من ردة فعله انها تزود الموضوع وخايفة اسيبة كدا لحد ما يرجع لواحدة نتعود علي اننا نقضي بارادتنا وقت بعيد عن بعض نفسي تفهموني نفسي

أختي الغالية نور حياتي
أولا اشكرك علي مساهمتك بالرد عليا وبالنسبة لسؤالك ايه سبب تغيره ؟؟ ما حاولتي تفهمي منه هو ليه اتغير معاكي ؟؟ انا كتير حاولت ودايما بيقول مفيش اي حاجة وكتيير حاولت اتناسي دا واكلمه عادي بلاقية برضه غير عادته مش عارفه اتصرف ازاي وزي ما قلت انا خايفة من اتصالي عليه ان الموضوع يسوء اكتر