أبغى نصائح ليلة الملكة
 

السلام عليكم ورحمة الله وبركاته
كيف الحال
اول مشاركة لي في المنتدى
ابغى افكار جديده ليلة الملكة
يعني مو بس
طقم ذهب (هل يفضل طقم ناعم كلاسيك ولا زحمة وا ادري شنهو )+ دبلة
ابغى افكار جديده
ساعدوني من فضلكم لان الملكة بعد عشرة ايام

ايش دعوه
ماحد يرد ونصحوني الشباب بمنتداكم
وين المدح راح كثر من 150 زائر ولا واحد تفضل بشيء
وين المشرفين وللا مو فاضين

اخي الكريم يمكنك مراجعة هذا الرابط الذي يختص بمواضيع فترة الملكة :

http://66n.com/forums/showthread.php?t=41855

مع امنياتي لك بالتوفيق

mah9405
السلام عليكم ورحمة الله وبركاته , , ,

أذا كان هذا أحساسك , فكر بعروسك وكيف هي مرتبكة ومحرجه و .... ألخ

نصيحتي لك : خلك مهبول , نكت وأستهبل معها بأدب طبعا لا تستحي وخل الحياء لها .
تقرب أليها بأسلوب أطفال يتعرفون على بعض , أترك أنطباع عندها يقول : زوجي طيب وحبوب ومايتكلف , أنسان بسيط.
صدقني متى ما كسبت قلب المرأه كسبت أذنها وعقلها وستطيعك لو كان ما كان .

ألأف المرات مبرووووووووووووووووووك,
وأن شاء الله ربي يسعد لأنك مهتم بالموضوع وتسعى لكسبها من أول وهله, وفقك الله وأياها

ا لشبكه والدبله ليش ماتخلي سعيدة الحظ هي تختارها!؟
انا بليلة ملكتي
تجمع اهلي واهل خطيبي بالبيت بعد ما وصل عقد الزواج(يعني خلاص صرت احل له واول مره يشوفني بدون عبايه)
الرجال بالمجلس
واحنا الحريم بالصاله
بعدين دخل خطيبي معاه ابوي
دخل وبايده باقة روز كبيره تهببببببببببببل
باسني على جبيني
وجاب معاه عقد ذهب لبسني اياه
بعدين بعد كم يوم رحت انا وهو ننقي الدبل والشبكه وعملنا حفلة خطوبة صغننه
كذا الشبكه اخذتها انا على ذوقي وهو مااحتار وهو يشتري ،، تعجبها ولا مابتعجبها
تصرف بطبيعيه
ولاتنسى اعطيها كلمة غزل صغنونه ;)
قولها مادريت اني خاطب القمر نفسه
يعني كلمة حلوه انتوا ماشاءالله عليكم شطار في هالمجال
ولاتشغل بالك وكل شي بيمر على خير
والف الف مبروك ياعريس

الله يبارك فيكم
مشكورين على هذه النصائح