|
شفتو وش سوت زوجتي
اخواني وخواتي اعضاء المنتدى
هي ليست مشكله انما حيره ولا استطيع اتخاذ قرار حازم مثل ماقلت لكم في موضوعي السابق بعنوان احببتها ولكن ؟ اليوم جاني مديري بالعمل وقال مبروك رشحوك لبعثه على حساب العمل لاكمال الماجستير في بريطانيا طبعا انا طرت من الفرحه لانهم اختاروني من بين 180 متقدم عليها طبعا لعدة اعتبارت منها الاتزام بالعمل والانضباط وغيرها كثير طبعا انا لما سمعت الخبر من فرحتي على طول دقيت على زوجتي بمكه مثل ماقلت لكم رايحه مع اهلها وقلتها باركيلي قالت على ايش قلت اختاروني للبعثه في بريطانييا على حساب العمل هي سكتت انا على بالي انها بتطير من الفرحه قلت وش فيك قالت طيب ونا قلت وش فيك انتي قالت شلون في وضعي المشكله انها قامت تجمع الامور مع بعض على بالها اني بفتك منها قامت تربط موضوع الانجاب في السفره طبعا انا ماقدر اخذها معي ومن الصعوبه جدا اني اخذها قلت وناوش بيكون وضعي قلت شلون يعني مافهمت قالت انا وش بسوي قلت بالاجازت تجين عندي يوم قالت مشكور ولله ماقصرت بالاجازات اشوفك قلت وش فيك الحين بدال ماتقولين مبروك جالسه تتكلمين معي كذا قالت معليش انا اسفه قلت شوفي انتي تبيني اروح ولا لا عادي قولي اذا ماتبين ولله عادي مو مشكله قالت لا روح الله يوفققك طبعا سكرنا السماعه ورحت للوالده في البيت وقلتها الموضوع انه جاني بعثه وبروح يوم جلست ضاق صدرها مع العلم انها متعوده علي وكل شغلها اناالي اسويه وبيتي جنب بيت الوالده الله يخليها لي يارب يعني طبعا الوالد متوفي الله يرحمه ونا الي اقوم فيها لني اصغر واحد طبعا قلت ها يمى اروح ولا لا قلت ولله بفقدك طبعا انا تحطمت يوم شفت امي هي ماقالت شي بس واضح انها ماش مب امي حسيت انها تحطمت طلعت يوم ارسلت لي زوجتي ونا بالسياره رساله تقول اروج لا تزعل بس اذا انتي ماتبيني قلي بس انا محتاجه لك ومن ها الكلام طبعا فاهمه االموضوع غلط زوجتي الحبيبه ولله مو هذا قصدي يعني هي فهمتني الله يهديها غلط ونا احترت قالو لي لازم ترد علينا بسرعه قبل يوم اربعاء ونا معد ادري وش اسوي اكنسل الموضوع ولا اروح مع انها حطمتني ولله ماتوقعتها كذا راحت قامت تربط المواضيع في بعض |
خذها معك ، أفضل لك ، وأفضل لها ..
حاااااااول قدر إمكانك ..! |
روحتها صعبه بتكون
يعني من سابع المستحيلات |
اعذروني الكتابه مليانه اغلاط
|
لاتروح افضل
اتوقع كذا ياناس ياعالم كم حنا بنعيش بهالدنيا ايام ولا شهور طيب سنوات نعم سنوات معدوده سنعيش ارخص بها وان كنت سأرخص بالقليل منها وانا بعيد عن حبيب ؟؟؟ |
والله مشكلة ..
طيب أكثر من الأستخارة ..وحاول توضح لزوجتك أنك ودك أنك تاخذها معاك ، بس طبيعة العمل ماتسمح ..وقلها كم كلمة حلوة ، أبشتاق لك ، أبفقدك ، أتعس أيام حياتي بتصير.. تصدق لو زوجي ، يجي فرحان ويقولي عندي انتداب لبريطانيا ، سأتصور أنه إنسان بلا مشاعر .. ويمكن من القهر أقوله : جعلهم مايودونك ..! ياأخي ستذهب لتكسب أكثر ، وهي ستجلس لتخسر أكثر.. يعني في فرق بينكم في استقبال الخبر.. وهي ماتزوجتك عشان تروح وتخليها ، ياسلام !! إذا كنت شخصيا لاتريدها تذهب معك ، فتعوذ من الشيطان وخلها تروح معك ، تعفك وتؤنس وحدتك ،وتوسع صدرك..! هونها ياأخي وتهون ! ماأعتقد أنه مستحيل تاخذها معك ، طيب وش رايك تقولها : أبغا أجرب كم شهر إن كان مناسب أجيبك جبتك.. اسمع أخي : إذا كانت المدة قصيرة لاتاخذها ، أما إذا كانت طويلة اتق الله وخذها معك ! |
انت مرتبط بشخصين وهاي الشخصين طبعاً بالنسبة لك كل شي
والدتك الله يخليها لك .. وزوجتك شريكة عمرك .. اذا تحس ان هما مب متقبلين الموضوع بطل فكرة السفر .. هذا رأيي وانت على راحتك اخي الكريم ... والله يوفقكك ويسعدك |
اختي زرقة البحر
ليش ياختي انا مو انتداب عشان تقولين كذا انا اجتهد في عملي وقدرو جهدي ونا انبسطت لما قالو لي الخبر يعني ان بين في عيونهم ولا راح تعبي بالهوا بعدين انا ماتزوجتها عشان اتركها والشي الثاني انا شخصيا ابيها تكون معي ولاكن حنا بنكون شباب مع بعض في نفس البعثه حوالي 4 بعدين بنسكن فس نفس السكن الي مخصص لنا يعني بيكون كل 2 مع بعض ونتو عارفين بريطانا غاليه يعني انا بجلس حوالي ثلاث سنوات بعدين انا لما جيت انقلها الخبر من باب فرحتي بني انجزت شي مهم وجيت ابشر زوجتي حتى لو قالت لا تروح ولله ماعندي استعداد اروح بس تحسسني اني سويت انجاز انا مافرقت الروحه عندي ولله تصدق لو زوجي ، يجي فرحان ويقولي عندي انتداب لبريطانيا ، سأتصور أنه إنسان بلا مشاعر .. ويمكن من القهر أقوله : جعلهم مايودونك ..! ليش يااختي ولله حرام عليك انا ثابرت حتى هم بانفسهم شهدو لي بذالك يعني مو من حقي اجي فرحان |
:d والله يااخوي اخذها معاك على شان تكون قريبة منك ومطمنا عليك تدري انت بل حريم راعين شك<< يعني مثلي بس لافضل انك تااخذها وقراربيدك لا تضيع الفرصة من بين ايدينك:22: والله يسمح دروبك انت ويهااااااا
|
أنا لاأعترض على نفس الخبر ياأخي ، بالعكس أبفرح للي يفرح زوجي..
لكنك ربما أخطأت في أسلوب تبليغ الخبر.. أتمنى فهمت قصدي ! وإذا وضع البعثة صعب كذا دلعها هاليومين ، ولب لها جميع طلباتها ، ولاتروح إلا أنت مطيب خاطرها ، وقلها : أنا مارحت إلاعشانك .. وفهمها الوضع زين ،وعطها مصروف يكفيها، وقلها أي شئ تبينه كلميني ،وقل لها أبكلم كل يوم ، وأبجيك في السنة مرتين ! واستخر وتوكل على الله .. قضية زوجك قضية عاطفية وحلها عاطفي وسهل بإذن الله ! |
| الساعة الآن 03:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©