|
بهذا الزمن بالذات كثر القيل والقال .....
قالو البنات كثار والرجال قلال وفي الكلام جدال اتعلمون لماذا ..؟؟ لي اخ يعمل بأرامكو اصغر مني عمره 23 او دخل 24 ووضعه المادي ممتاز ... قليل السفر الا بداخل السعوديه واذا سافر خارج السعوديه امي حاربته حرب داحس والغبراء (( ما ادري في حرب بهالاسماء والا لا المهم مو هذا موضوعنا )) يعني فعلا الحق يقال مو عشانه اخا لي لا والله بس فعلا عاقل يعني مو ملتزم حده لا بس بهالزمن عاقل الدليل انه يبغي يزوج ويقول انتو تحاربوني لا تسافر ومن هالكلام زوجوني وعفوني .... تقدمنا لناس والنعم فيهم بل ما أقول الا ماشاء الله عليهم ملتزمين وقالو ماراح نسأل عنكم بنسأل عن الولد طيب معي انتو ماراح اطول مثل ما طولو هم بالرد ظل يوم ظل يومين ثلاث بل اربع امي عرفت انهم راح يرفضون لانهم طولو في اليوم الرابع دقت ام البنت والله انتو والنعم فيكم وما تنردون امي سواء صلحنا لكم والا ماصلحنا انتو بالظلون غاليين ام البنت اي والله البنت ماتبغي تتزوج هالحين يعني بصحيح العباره مانبغيكم بقول الصراحه اخو بالصلاه احيانا كثيره تفوته الصلاة بالمسجد لانه نايم عشان دوام ارمكو المتعب ويصليها بالبيت ... طبعا مو كل الفروض لانه اذا كان صاحي طبعا بيروح المسجد عموما هو مو دايم موجود بسبب العمل اللي ماخذ اغلب وقته قلنا يمكن عشان كذا ... الحمد لله بدون فخر الكل في بيتنا محافظ على الصلاه..... عموما لي من الاخوان المتزوجيين اربع ولله الحمد الله يحفظهم يارب يوم جينا نخطب لهم ولا مره احد ردنا وبهالوقت بالذات يوم انهم قالو الرجال قليل والبنات كثار انرد اخو .... هذا عكس مايقال ... |
طيب يمكن البنت شافت عيب ثاني ما ناسبها وبعدين اربع ايام مدة جدا قصيرة عادة الاهل ياخذون من الشهر الى الشهرين في السؤال عن الولد اذا كانو ما يعرفونه واذا كانو يعرفونه مافيه اقل من اسبوعين ثلاثه
وبعدين اذا اخوانك تزوجو من اول خطوبة فهذا حظ مشالله لكن عادة مها كانت صفات الولد ممتازة لازم يخطب كذا مرة لان الزواج مسألة نصيب يعني لو خطب وحده مب نصيبه رح ترفضه الين يخطب اللي من نصيبه ياختي انا اخوي متخرج من الجامعه ويشتغل في وظيفه مرموقة وراتب ممتاز واخلاقه ماعليها كلام ويتصف بالهدوء ما شالله عليه يعني مو زي الرجال العصبيين ورايق وحبيب ومع ذلك خطبنا له اربع مرات وضبطت بالخامسة وتزوج مافيها شي كل بنت تنتظر نصيبها وكل ولد يبحث عن نصيبه ومو معقوله من اول مرة تبي توافق البنت وخلال يوم ولا يومين وش دعوة؟؟ |
كلامك اختي العزيزه صحيح وللأسف الموازين انقلبت واصبح الصالح يتعب في حياته هذا ابتلاء من الله لعباده المؤمنين
بالنسبه عن هذا الشاب اهم شيء ان لا يدع هذا الموقف يؤثر على نفسيته وليتوكل على الله وليكثر من الدعاء وقراءة سورة البقره باذن الله راح يحصل على وحده احسن منها الله اعلم بما هو اصلح لنا صدقيني اسال الله العظيم الأحد الصمد مالك الملك ان يفرج همه وهمي وهم المؤمنين والمؤمنات |
خطبنا له والحمد لله بالامس ذهبنا وشفناها وهم من اصل طيب ومعروفين والحمدلله انتهى مشوار العزوبيه والبحث عن رفيقة دربه ويالها من فرحه تملكته حتى النوم هرب منه سعاده غمرته وجلس يحكي ويكثر من السوالف ذلك الكتوم الذي حينما رفضت امي المتقدمين لهم سابقا وقبل الذي حكيت لكم عنهم كانت ملكت جمال لكنهم ليسو من اصل طيب تعلق بهم واخذ يصرخ ويقول ويهدد وامي كانت رافضه الى ان التقينا بهؤلاء والحمدلله عوضنا ربي وعوضه خيرا والان فرح هذا قبل الملكه وقبل الخطوبه وقبل الزواج لاندري كيف سيكون حاله بعد هذا كله .... ؟؟ |
بسم الله الرحمن الرحيم تحية طيبــــــــــــة أختي الكريمة لا اعتقد أن المسئلة مسئلة أن النساء أكثر أو الرجال أكثر لان >> الموضوع في الاول والاخير قسمة ونصيب الله يرزقه الزوجة والذرية الصالحه وجميع المسلمين والمسلمات الله يرزقها الزوج والذرية الصالحه وجميع المسلمين والمسلمات أتمنــى لكم ولي السعادة الابدية والســـــــــــــلام |
| الساعة الآن 05:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©