|
مشكلة عروس في شهر العسل
السلام عليكم ورحمة الله ويركاته
اخواني واخواتي ومن خلال تجاربك ارجوكم لا تبخلوا بنصائحكم احدى قريباتي وهي عزيزة علي جدا تزوجت من شهر وعمرها تقريبا 27 المهم البنت مصدومة في الزواج جدا المشكلة انها وافقت على زوجها خوفا من العنوسة يعني مو مقتنعه فيه مره والبنت ما شاء الله جمال واخلا وكان الكل يخطبها المهم من شافت زوجها في الملكة وهي تقول لي انا ما ارتحت له وشكله كبير وبعدين اخواتها اقنعوها وقالوا خلاص انت الحين متزوجه والحين هي ابدا مهي مبسوطه معه والله انها كل يوم تقريبا تكلمني وتبكي تقول ما احبه ولا احب اهله ولا فيه شيء يعجبني ولما اقولها لا تستعجلين هذا اول الزواج لازم يصير كذا تقول لي الحب من الله وتقول والله احيانا اغمض علشان ما اشوف وجهه تخيلتوا لحد وين وصلت ومن خلال كلامها عن زوجها حسيت انو يحبها وهي صارحته وقالت له طلقني انا ما احبك وهو ما اخذ الموضوع بجديه ابدا ويقول دايم اول الزواج كذا امس كلمتني وهي تقول انو كل يوم يمر فيها تكرهه زياده والله انا محتارة معها مره المشكله انها عزيزة علي مره واخاف انها تستعجل وبعدين تتحسف وفي نفس الوقت تخاف انها تحمل منه لانه مانعها من حبوب منع الحمل الله يخليكم وش رايكم بالموضوع |
أرى بالموضوع إنها ترضى بنصيبها لان أمامها اختيارين :
الاول : تتحمل مسؤلية قرارها باختيار هذا الزوج وتلغي من راسها حكاية حب المراهقه والبحث عن فارس الأحلام لأنه أصلاً عايش في الأحلام فقط !! ولأن الحب الحقيقي يأتي بعد العشرة الطويلة وليست الوسامة او الكلمات المعسولة دليل السعادة الزوجية الثاني : تطلب الطلاق وهذا الاختيـــــار أرفضه لأنها تعرض نفسها للعنوسة لسبين : الاول : مطلقة الثاني : كبيرة في السن وفرصتها في الزواج ضعيفة ويمكن تلقى واحد معه زوجتين او ثلاث يخطبها هذه الحقيقة على بســاط الصراحة المعهودة من هتـــــــان وأرجو منك المداومة على نصحها .. ( وَعَسَى أَنْ تَكْرَهُوا شَيْئاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئاً وَهُوَ شَرٌّ لَكُم وَاللَّهُ يَعْلَمُ وَأَنْتُمْ لا تَعْلَمُونَ ) تحياتي / هتــــــان |
مصيبه بصراحه أرجو أن الأعضاء يفيدونك
|
شيء طبيعي في بداية الزواج ...........فلا تضخمه وتسترسل فيه...
المشكلة ..... أنها هي من أدخل الفكرة في رأسها((كره الزوج))...وهي من ستتحمل المتاعب مستقبلاً لتترك له فرصة ليثبت لها أنه يستحق الحب... ولتترك لنفسها فرصة لتحبه... فهو زوجها... فلتبحث عن صفاته الجيدة ولتحمد الله على ذلك ولتتأمل فيه .... ولتتودد له ...........فالمودة والرحمة ......هي الباب الموصل للحب والله تعالى امتن عليها بهما ولم يمتن بالحب ....لأنه ليس شرطاً لاستمرار الحياة الزوجية قال تعالى : ((وجعل بينكم مودة ورحمه)) أما الهروب....والعناد....((تغميض العين عن رؤيته)) فهي لا تحل المشكلة ...بل تفاقمها ولا تقارنه بغيره ممن خطبوها مسبقاً.............فالمقارنة تفتح باب شر على الزوجين!! ولاتكن بالمستجير من الرمضاء بالنار.... تهرب من العنوسة.....لتقع في الطلاق!!!!!!!!!!!!!!!! وفقها الله وأصلح شأنها |
السلام عليكم ورحمة الله ....
..أول شي انا مستغربه كيف عمرها 27 وتفكيرها بهالسطحيه ..ليش تاخذ شخص مو مقتنعه فيه كزوج ..عيال الناس مو حقول تجارب ..اتزوج واشوف يدخل مزاجي ولا لا الله يهديها ..نصيحتي لها .. - ماتنظر له بعين الناقد المتفحص اللي يدور على النواقص ويدقق فالعيوب - تغير العدسه اللي تشوفه فيها ..لأن الحب مو كل شي - تتذكــر ..انه متحمل الحين عشانها عروسه ..ويقول لها انتي كذا عشان هاذي ايام زواجك الاولى لكن ماراح تبقى هاذي نظرته طول العمــر ..مسيره يجي يوم ويمـــل وينظر لها نفس النظره - واذا استمرت كذا بتعافهها نفسه قريب ..لأن الرجال مو غبــي - واذا ماكانت تبي تتودد له ..فعلى الأقل ماتبين له مشاعرها ... - لقب مــطلقه مو أهون من لقب عانس فمجتمعنا - لازم تفكيرها يكون عقلاني اكــثر من كذا ولاتقارن بينه وبين خطابها القدامــى ولا بينه وبين اي احد لأن هي الوحيده الخسرانه بكلا الحالتين - اذا استمــرت كذا يا انه بيمل ويطفش ويطلقها ... ولا بيكرهها بكل بساطه وتصير زيها زي اي شي - اسمحيلي اقــول بعد ان تصرفاتها فيها غرور .. -تكره .. تغمض عيونها ..وغيره وغيره ..ليش..الوجه الحسن مو كل شي بينما زوج متفهم حنون مو مقصر واخلاقه ودينه زينه كــــــل شي فهالزمان وتحمـــد ربها لقت زوج وهي فسن نوعا ما كبير الحيـــن البنات يبون أي زوج والسلام صاروا بسبب العنوسه فكيـــف يجي زوج كويس ...وعشان دمامة خلقته او حتى انه مو جاي على ذوقي ارفضه او اقلل من شأنه واوصل له شعوري هذا بكل يوم يمـــر واقوله طلقني بعد؟ الله يهديها ويصلحهـــــا الزوجه اللي تبي مصلحتها تصــــبر ..وتدعو ربي يحببها فزوجها ..وماتقصر معه ..عشان ماتخسر من كل الطرفين فوق انه ماعجبها ..مع الايام هي بيدها تحوله لزوج سئ او مقصــر بسبب معاملتها ويروح يدور اللي يحتاجه عند زوجه ثانيه لاسمح الله ..او من خلال علاقات اخــرى وياكثرها ابواب الشر وهي مســؤله تعف زوجــها وتعطيه حقوقه ..عشان ربي يرضى عليها نفســـي توصلين لها قصه قريتهــا هنا فأحد الاقسام عن زوج طلق زوجته اول يوم زواج لانها كلمت صديقاتها وقت طويل فالجوال وتركته .... وهي تقول لزوجها طلقني مابيك وصابر وراضي ويقول لها هاذي اول ايامك...فرق شــاسع ...تدور على حسناته ...واذا شافت فيه نقــص تكمله هي وفالحيــاه الزوجيه ياما بتشوف ..جت على شكل ولا على ملامح وجه ... الله يهديها ويوفقها |
انا ما اقول الا الله يكتب لها مافيه الصالح
لعلها تستخير الله وتجد ضالتها المهم الان ان لاتحمل لان الحمل سيزيد الامر سوءا وان كان مقصدها العمر فالكبر ليس عيب اهم شيء شخصيته وتقبلها له اعتقد الصبر اسلم حل لها لانها لا تستطيع ان تحكم عليه من هذه الفترة البسيطة فقط |
أهلاً إخواني وأخواتي ...
شاكرة لكم ردودكم ... وأتمنى أشوف تفاعل ... وراح أقنعها بأقوالكم ... الله يوفقها .... ويهديها .. |
زين خلي تروح على شيخ يقرا عليها لعلها مصابة بمس او وسواس .. او اشياء كهذه .. لانه شيء غريب بالفعل .. يعني مو معقولة اذا هو يحبها ومافيه عيب ... لازم يخف الكره ويبدأ شوية شوية يتحول الى حب او على الاقل رضا بالمقابل .. !!!
يعني المفروض مايزيد الكره يوم عن يوم .. الله ييسر امورها تحياتي للجميع اختكم م |
عزيزتي .. قولي لها لا تعيد كلمة ( طلقني ) على لسانها ..
و لا بيعافها بيوم من الأيام و ياخوفي وقتها هي اللي تتعلق فيه و ماينفع الندم بعد فوات الأوان . و أتوقع إنها كانت راسمة صورة خيالية برأسها عن الزوج المستقبلي أو إنها تقارن بينه و بين شخص آخر و هذا سبب تعاستها و قولي لها تستخير |
اخواتي..
هتان والمتغلية وجمرة.. ترى المرأة انسان ومشاعر وعدم محبتها لزوجها مش صياعة!!! وأنا أنصح صاحبة المشكلةانك ما تخليها تقرا كل الكلام اللي هنا وتقعد مع نفسها قعدة مطولة وتناقش نفسها بنفسها ايش الأسباب؟ مكن يتغير؟ وش الافضل الطلاق والا الاستمرار؟ لأن الحب الذي يأتي بعد سنوات من الزواج كذبة ليس لها وجود! فالحب اذا لم يات في السنوات الأولى فاغسلي يدك!! لأن السنوات الأولى فيه حب بس بعدين مسؤوليات وتضحيات فإذا ماكان من الأول قناعة فماراح تقدر تتحمل الأيام القادمة! لكن مسأةل انها تقوله طلقني فعلا هذي مو من صالحها أبد! لأنها ممكن العلاقة تتغير بعد شهر او اثنين او أكثر شوي والكلمة هذي ماراح ينساها لها الزوج! فالمفروض انها ما تحسسه بس لازم تحل المشكلة بدري! قبل وجود اطفال.. الله يفرج لها يارب.. |
| الساعة الآن 01:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©