زوجتي وزوجة اخي واختي ..... شيء لايطاق
 

السلام عليكم ورحمة الله وبركاته

اخواني اخواتي ارجو مساعدتي :15: عن جد تعبت :(


ما ادري وش اسميها

غيره

حسد

نحاسه

قهر

كل وحده تبي تدق خشم الثانيه ( يعني كل وحده بتصير هي الأفضل ) :18:

والضحيه مين !! :25: العبد لله اخوكم ( انا واعوذ بالله من كلمت انا ) :11:

من وين نبتدي ؟؟

اذا وحده منهم سوت حركه جديده ( الحركات واجد : لبس ، بيت ، اثاث ، سياره ، راحت المشغل ، سافرت ، ووووووو ) حتى اتفه الأشياء :14:

هذاك اليوم اللي يصير فيه كذا >>>>>>>>>>>>> قامت القيامه عندي في البيت .. حتى هم نفس الحكايه !!!!! :30:

هن يشوفن بعضهن ويتقابلون اكثر شيء في بيت اهلي .>>>> كرهته مايجي من وراه الاالمصايب ... افكر مانروح او نخفف الزيارات او اروح انا لحالي هههههههههههههه
تصدقون اذا رحت لحالي انجن اكثر !! لانه لازم اخذ معي عدة التصنت والحفظ واسجل كل مايدور من احداث واخبار الأعدء لأني برجع لسيل كبير من الأسئله :29:



الثلاث ازواجهن يبين عليهم علامات التوتر عند اللقاء :28: عارفين نهايتها مقدما :16:


الثلاث هذولي من كثر التعب اللي يصيبهم ويصيب ازواجهم بدو يراجعون عيادات نفسيه :20: هههههههههههههههههه والله شر البلية ما يضحك .


الحين ومن كثر الحوسه اللي براسي وزحمة الأحداث اللي تصير صرت ما اقدر اركز في اي شيء دايم مشاكل :mad:

اختك قرقرقرقرقرقرقرقر واذا خلصت
زوجت اخوك قرقرقرقرقر طول اليوم

فكرت اقطع العلاقه او اخففها بشكل كبير جدا .. لكن امي ؟؟ وش ذنبها . مسكينه حاسه باللي قاعد يصير ولا قادره تسوي شي .. كل وحده العن من الثانيه .

فكرت انقل عملي الي مدينه اخرى ( عن جد ) وش ذنب عيالي يبعدون عن اهلهم ؟؟


حيرااااااااااااااااااااان

راسي داااااااااااايخ


ارجوكم لاتبخلو علي بالمشوره خاصه الحريم .. لأنكم اكيد فاهمين الوضع اكثر ..

شكري لكم ومعذره على عدم التركيز

:) الله يعينك حاسه باللي تعانيه كوني وحده من الحريم:)
ياخوي لازم اتكون صارم واطنشها وماتسويلها سالفه يوم تتكلم... اما انك تغير السالفه... واذا شفتها مصره عصب واقلب الوجه حبتين وقلها انتي ماعندج شي غير هالموضوع؟؟
بين زعلك خلك موقف... على الاقل يمكن تسكت اشوي..صح هي بتعصب وتقلب الدنيا:) بس اظنها مقلوبه مقلوبه:)
الله يعينك على قلة عقولنا:)

صحيحي كلامها اختي ام فلان .. وبعدين لاتشارك بنقل اي كلمة بيناتهم .. ولاتعطيهم مجال .. والله حتى لو تضطر لتهديد زوجتك باي شي حتى تكف عن ازعاجك بالكلام السخيف .. او حتى تجتمع انت واخوك ويكونون جالسين مع بعض .. وتشوفون اثنينكم منهم حركة او كلام مايعجبكم .. عصبوا عليهم وسكتوهم .. بحيث على الاقل اذا ما وقفوا هالسوالف البايخة .. يوقفوها امامكم على الاقل .. والله يعينك



والله بس بحزمك وصرامتك تقدر توقف هالسوالف صدقني ..



والله يوفقكم

جرب تزعل مثلا ولا تكلمها يوم واحد بس واذا سألت ليش قلها السبب
اتوقع اذا صرت حازم معها راح تتغير
وحاول تكلم أختك

الله يعنيك اصبر

وانا مازيد عن كلام اخواتي

الحزم معاها .. وبعدين لازم تجلس معاها وتقول لها تكبر عقلها

وقول لزوجتك لا تتكلم وش عندها وماعنده لاتصيبها عين خوفها يعني هههه
ترى الحرمه تخاف من العين كثيررر

بسسسس عن جد الي ذكرته يحصل ويصير خصوصا اذا هما عايشين ببيت

الله يوفقكك يارب
بهجه

شغل طناااااااااااااااش ..

وإذا اضطريت تأدبهن اصرخ في وجوههن مرة واحدة في مكان واحد وبحضورهن جميعا :
يالتفاهة عقووووووووولكن !
مالهذا خلقتن ..!!

أعدك بعد هذا سيهربن إذا رأين ظلك ..

كن قويا حازما أريبا ..
وسترى النتيجة !

لكن لاتظلم واحدة على حساب الأخرى ..!!
فكلهن مخطئات ..

وتذكر :
وقتك إن لم تشغله بالطاعة شغلك بالمعصية ..
وأيم الله لاتصل أحوال بعض النساء إلى هذه الدرجة إلا لضعف إيمانهن وطول فراغهن ..
الفاضي يعمل قاضي على قولة أخواننا المصارية ..
أشغلهن بدور القرآن والمحاضرات وسماع الأشرطة المفيدة ..وعسى الله أن يبدل أحوالهن..

وإذا ماانحلت المشاكل ، أنصحك بالابتعاااااااااااد ..حتى لاتنهار حياتك الزوجية ..

يا اخي هذا حال اكثر النساء ..
ولكن .. ابحث عن حل .. بأن يجعلهم لا يتقابلوا كثيرا ...
مثلا اذهب انت وزوجتك و أبنائك لوالدتك في يوم مخالف لهم ..
يعني اذا هم يذهبوا لها يوم الأربعاء , انت روح لها يوم الخميس ..

السكن في بيت مستقل ..و الزيارة من وقت الى وقت :)

اعتقد انه احسن طريقه هي
الوعظ

مثلا زوجتك ذكرها بان ما تفعله حرام
غيبه نميمه و هل يستحق الامر دخولك النار من اجل فلانه او فلان
وهكذا مع اختك و زوجه اخيك
ذكرهم انت و اخوك و زوج اختك بهذا
اعتقد هذا افظل علاج لمثل هذه الحالات

أخوي.......

الخيل بخيالها والمرة برجالها.