متضايقه غصبا عني ... شسوي
 

من يومين امي وابوي واختي ارجعوا من السفر بعد رحلة علاج استمرت ثلاث اسابيع تقريبا وانا انتظر هذا اليوم بفارغ الصبر وجهزت غرفة ابوي وامي وجهزت البيت لاستقبال الضيوف اللي راح يجون لامي
وامس اتصل فيني زوجي الظهر وقال لي ان احد المحلات عاملين تخفيضات اذا تبين اتروحين بوديج اليوم ... قلت له اذا بتوديني العصر بروح اما بعد المغرب ابي اروح عند امي لان بيجونها ضيوف وابغي اكون موجوده لاني بنتها الكبيره والوحيده اللي متزوجه فقال لي اوكي انروح الظهر ...
المهم بعد الغداء زوجي ما جاب لي طاري السوق وانا قلت اسكت لان صار سوء خلاف بيني وبين زوجي من ايام لاني اذا ابي اروح مكان اطلب مره ومرتين وثلاث لين ما يوديني يعني تطلع روحي واكره نفسي لما اطلب منه شي .... يسوي هالشي كسل منه مش لاي شي ثاني ... سكت .... ولا جبت له طاري السوق .... نمنا العصر وقمت من النوم وجهزت بسرعه وجهزت العيال عشان اروح بيت ابوي .... قال لي سوي لي شاي .. سويت له وشرب وقعد .. قلت له ابي اروح بيت ابوي قبل صلاة العشاء ... قال لي لا انا ابي اصلي بعدين بوديج ... قلت له ابي اروح الحين قال بعدين ... سكت بعدين قلت له اذا ماتقدر بروح مع السايق او باخذ السياره لاني اعرف اسوق ... قال لي لا .... سكت ... قلت له لين رحت المسجد انا بروح مع السايق ... قال انتي اشفيج اليوم مستعجله ؟؟ اذا ماقعدت بالبيت اتقولين ليش ماتقعد واذا قعدت تبين تطلعين ؟؟؟ تكدرت واتضايقت وقلت له انت اتعرف ليش انا اليوم مستعجله وبعدين انا عمري مالحيت عليك انك اتوديني مكان لاني دايما اطلب مره واذا قال لي لا اسكت واطلب بعد يوم او يومين ... وحتى اذا قعد في البيت ماالح عليه انه يطلع بالعكس استانس لانه يقعد معانا ... بس انا امس كان خاطري اروح بيت ابوي ... بعد ما رجع من المسجد وصلني وعند الباب كان فيه سيايير قال لي .... اوووووه عندكم ضيوف مالحقتي عليهم ... وكان يضحك وولا كان شي صار.... وانا سكت ونزلت من السياره ودخلت البيت من الباب الخلفي الا الضيوف طالعين من الباب الامامي يعني ولا شفتهم .... الصراه تميم متكدره طول اليوم من موقف زوجي .... وصارت الساعه 12 ونص بالليل وولا اتصلت بزوجي واتصل فيني قال لي ليش مااتصلتي قلت له بس قاعدين ....المهم خذني من بيت ابوي ورحنا البيت وانا ساكته طول الطريج وفي البيت لاني متضايقه ومتكدره ... قال لي اشفيج سكت ... قال لي اكيد زعلانه ... انتي صايره ماتستحملين مني شي وانتي وانتي .... الحين عندنا العيال والمشاكل لازم اتزيد وقوي قلبج وانا مااقدر اكلمج الا زعلتي ... وطلعت في النهايه انا الغلطانه كالعاده .... سكت ... .........................قال لي انا اسف كالعاده ... قمت الصبح وانا متكدره قال لي ليلحين زعلانه قلت لا .... وطول الوقت ساكته ... الصراحه ماابي اتكلم معاه ولا ابيه يكلمني ومتضايقه وايد ولا اشتهي منه شي .... ويقول لي اشفيج انتي اليوم وكانه ماصاير شي

انا شسوي .... مااقدر اللي فيني غصب عني انا الحين مش زعلانه منه بس متضايقه ومتكدره ماادري الحق علي او عليه ... انا حاسه ان تصرفه كان سخيف وااايد وهو يقول لي اني امكبره الموضوع

الحين شسوي عشان ترجع المياه لمجاريها .... حاسه اني ماابي اشوفه ولا اكلمه

ساعدوني ارجوكم

انا اصلا كنت ادري انه مراح ايوديني السوق لان هذي مش اول مره قلت لك اني اذا ابي اروح مكان لازم اطلب مره ومرتين وثلاث

وبالنسبه لقعدة البيت هو اصلا بس صار له اسبوع يقعد بعد المغرب وانا ما قلت شي بس امس ... الله يسامحه

دايما يتاسف .............. بعد النقاش الحاد ولين اكون متضايقه .... خاطري مره يحسسني ان هو الغلطان بس هو دايما يلومني ويفتح معاي مواضيع ماضيه ويقولي انه يضحي وانه يسوي واني انا اللي امقصره في كل شي وهو ماعليه زود

هذا اللي امكدرني اكثر من كل شي

و طبعا يسمعني كلام قاسي و بعدين يجي عندي ............و يتكلم معي عادي و يقولي انه يحبني و يتصرف عادي و لا كانه صار شي و انا اكون متضايقه من تصرفه و هو يفكر من الموضوع و لو حاولت اشرحله لا يصدق حتى اصير ابكي

الله يكون في عوننا

انا اللي اقولك الزوج مستحيل يعترف بخطاه
بس اللي يقهر ياليت يتعدل
والخطا منك انت ليش تمين طول الوقت ساكته بالعكس فهميه لاتسكتين ادعي له وبوسي ايده وبعد كذا يفرجها ربي

حاولي تنسي الموقف وترى الزوج مايحب النكد ، تعاملي معاه كأنك تجاوزتي موقفه عشان يحس عقلك كبير ويتعامل معاكي بعقل كبير ولا يعيد هالموقف مرة ثانية

يعني شنو رح تستفيدين إزا عشتي بكدر ، ولا شي !! بالعكس رح تخسرين ، وزوجك ماراح يواطن قعدة البيت وتتمني لو يقعد يمك ولو ساعة ...

لن اوجهة اي عتاب الى سخصك لكن عليك أن تستعدي له بحسن المظهر والهندام والرائحة العطرة الفواحة ويسبق ذلك أبتسامة مشرقة وترجع الامور الى مجاريها

majhol
اللي يصير لك نفس اللي يصير لي

امس لما ركبت السياره راجعه من بيت ابوي وكان زوجي شايف ابوي عند الباب ... لما ركبت السياره قال لي انا كلمت ابوج وقلت له ... فتحت عيني وقلت له لشقلت له ... قال : قلت له ان بنتك زعول ... صدقوني تمنيت ان الارض تنشق وتبلعني بعدين قال لي امزح معاج .... بااايخ

ولما رحنا البيت جيه قرب من عندي يحاول يقبلني بس انا صديت وهو قال الظاهر ان مالك خاطر وعطاني ظهره ونام ولما قمت من النوم قلت يمكن زعلان مع انه عمره مايزعل ولا كلمته لاني خفت انه يكون بالفعل زعلان لانه لو زعلان انا بموت ... المهم بعد ساعه قال لي انتي ليلحين زعلانه قلت له خلاص سكر الموضوع لكنه اصر اني اجاوب قلت له لا قال ليش امس صديتي قلت له كنت متضايقه قال من نفس السالفه قلت اي فقال لي والله انتي وايدامكبره الموضوع وانا حاس اني ماغلطت

انا متضايقه من الكلام اللي قاله لي مو من لسالفه اللي صارت
بس الحين الحمد لله الامور عدت على خير

انا باعتقادي

ان هذي مشاكل الحياه الزوجيه العاديه

بس الظاهر انت حساسه زي حلاتي

وتتتضايقين بسرعه

وما ترضين بسهوله

حاولي تطنشي والتزمي الصمت عند الزعل

وان شاء الله يعرف طبعك ويتغير

الله يوفقك يارب ويوخر الهم والضيق عنك

وبالنسبه للزعل ياخذ وقت يوم يومين ويتعدل