|
زوجي .... الرجاء المساعدة؟؟؟
السلام عليكم ورحمة الله وبركاته
بنات ابي استشيركم بشي :) شي يخصني انا وزوجي ... اول شي بخبركم عن زوجي انسان رائع بمعنى الكلمة ما يقصر فيني ...من كل النواحي يطلعني بين فترة وفترة اغير جو بما اني اشتغل ...:25: وتقريبا سنويا اسافر والحمدالله ... والحمدالله معاملته لي ولا في احسن منها بكل شي يراعيني بكل شي... بتقولون وين المشكلة:rolleyes: المشكلة يا عزيزاتي انه ريلي اذا فكر يطلعني مكان او واعدني بشي .. نادر ما يسويه بنفس اليوم :( لالالالالالالالالالالالالالالالالازم يأجل :19: وانا لصراحة خلاص مليت وطفرت منه ... وقلتله هالشي كم مرره بس رده يكون عادي ما بيصير شي اذا خليناها لباجر .. عاد يا ريت تتأجل يوم اوقات اسبوع :( وانا بموت من القهر وهو عادي عنده ... كل مره بحجة انا مشغول .. انا مصدع... انا بروحي بودي ربيعي .. وانا ونا الخ,....................... وبعد مشكلته اذا وعدني ما يتذكر بنفسه لازم انا اذكره وهذا الي يقهرني اكثر احس الطلعة مالها معنى :( وفوق كل هذا هو من النوع الي وايد يحسب يسهر .. يعني عادي يظل سهران لحد الفجر عنده انا يوم يتاخر انام طبعا لانه وراي دوام ... واذا فكر يعدل في نومه بيكون طول اليوم طالع وبيرجع بالليل الساعه 9 او 10 او 11 تقريبا يعني يا دوب بيقعد معاي ساعة ساعتين وبينام:29: شو رااااااااااااااااااايكم خواتي ؟؟؟ انا لصراحه مليت من هالسالفة وكل يوم اصيح واعصابي بتتقطع من القهر والتعصيب .. انا وحده اعصابي على طول تتعب شسوي :( يا ريت تساعدوني؟؟؟؟؟؟؟؟؟؟؟ |
طيب إزا ينام بالنهار وسهر بالليل إنتي تضطرين تنامي عشان شغلك وإذا نام بالليل وكان صاحي بالنهار إنتي تكوني بدوامك وماتقدرون تكونوا مع بعض غير ساعتين أو ثلاثة ، أنا اعتقد أن دوامك سبب في قلة شوفتكم لبعض يعني منه شوية ومنك شويتين ،،
|
غاليتي
الحل الذي جربته وجاء بنتيجة ممتازة.......في تأخير الطلب المتفق عليه.....واعادة الطلب أنني قلت له : شف الله يجزاك خير .....أنا ما ابغى أصير كل شوي أشحذك....(( يالله نروح الحين .....لاتنس العصر....متى طيب نروح ...الخ)) أنا بقولك ...عندك شي بكره العصر...أبغى السوق ... يناسب خلاص ...لن أعيد الكلام....متى ما قلت لي مشينا....لبست عبايتي ومشيت((وأكون مجهزة أموري))...لو انشغل قالي قبل واعتذر....وإلا صار الموعد على وقته.... ولو نسى....ذكرته بطريقه غير مباشرة ....بعد الموعد...مع عتاب بسيط!!!!!!! وبكذا ريحت عمري...من اعادة الطلبات وتكرارها ....وصار هو يحرص يعطيني موعد مناسب ..ويلتزم فيه وفقك الله |
بالنسبة لتأخير زوجك لوقت متأخر انا كان زوجي معايا في بادية زواجنا كذا على طول يتأخر لوقت متأخر
ويضيق صدري ويزعجني تأخيره .. لان يصير نفسي اقعد معاه ... حاولت معه جيمع المحاولات اي شي يخطر في بالك سويته له .. تعبت تعبت وانا احل هالمشكله صارحته وجها لوجه وكتبت له رسائل كثيره .. مرات احطها له بمحفظته ومرات بثيابه ومرات بخزانة ملابسه .. طبعا الرساله تكون بأسلوب حلو وكلام دلع وغزل مصحوبه الرساله بورده او سلة شكولاته او اي شي بسيط والحمد لله الله وفقني في حل هالمشكله والحين زي الفل ... ما يتأخر ابد وصار يتعذر لي يوم يتأخر علي |
غفر الله لكِ يا أخت " ملاذ الطير " أختاه ... أنا على علم تام وكامل بأن إخلاف المواعيد أمر ليس بالسهل الييسر ... هذا على النفس البشرية فضلا عن كونه من صفات المنافقين إذا ما نظرنا له من منظور حكم الإسلام ورأيه فيه ... فإن النفس السوية لا تتقبل التأخير سيما إذا ماكان هناك شيء يسمى بالموعد .... ولكن ..............!!!! هل سوف تجعلين من المشكلة هذه أمراً كبيراً ومصيبة جللاً في عش زوجيتك ؟؟ أختاه .. ندر في هذا الزمان من يلتزم بمواعيده ووعوده والله المستعان ، وهذا ليس بمبرر أذكره ولا تأييداً لهذا الأمر ( هذه نقطة خارجية لو وددنا الحديث عنها لأخذ منا وقتاً غير يسير ) ولكن ما قصدته هنا أن لا تحاولي أن تجعلي من هذا الأمر مشكلة ... إن ما عليكِ فعله رعاكِ الله .. هو أن تذكريه بالله عز وجل بكل لطف وكلمات حانية ، وأن هذه الأفعال ليست من صفات المؤمنين الصادقين .. وبيني له كذلك أن وعده وإخلافه يجرحك ويحزنك .. مع ضرورة تبيينك له بأنك تقدرينه وتقدرين ظروفه .. وإن أحببتِ أن يكون لكلامك ذلك أثر كبير عليه ، فطبعي ذلك عملياً بأن تجعليه يعدكِ بموعد وقبل حضوره للمنزل أو وقت دخوله تستبقينه وتخبريه بكل رقة وحنان بأنك تشعرين بأنه اليوم متعب ليأتي التنازل منكِ تقديراً لمجهوداته .... أعتقد أن تلك التضحية لن تكون منكِ إلا لمرة واحدة إن شاءا لله ... وكل شيء بالحب والتفاهم والتضحية يسير في عش الزوجية ... وفقك الله وكان في عونك ؛؛؛ |
لا اختي سيدرا ... شغلي مو سبب عدم التقائي معه ... انا اشتغلت م نبعد زواجي ب 8 شهور وزوجي من اول ما تزوجته جذيه يحب السهر :) ومشكورة الغالية على الرد والاهتمام
|
مشكورة اختي المتغلية على النصيحية وان شاءالله بجرب معاه هالطريقة ان شاءالله تنفع عاد :)
|
تشكرين اختي النور والحنان على هذا الرد الرائع,,, بس بغيت اخبرج انه انا ولا ممكن اسوي مشكلة من هالسبب .. لو بغيت اسوي مشكلة كان من زمان سويتها بس الحمدالله انا عاقلة :) وبعدين في اشياء تغطي مكان اشياء عشان جيه انا كل مره اسامحه ... يعني هو الحين بالليل يوم بيي ينام اول شي بيقولي انا زعلانه او لا ...؟ بعدين بيقعد يعتذر انا بإمكاني اني ما ارضى بسهولة بس والله قلبي ما يطاوعني على طول ارضى كلمة كلمتين حلوة منه وارضى ;)
|
عادي لا تحاتين ومشكلتج بسيطة اما من ناحية انه يؤجل فهاي هي طبيعته النفسية وهو من النوع اللي دايما يؤجل حاولي تفهمين نفسية ريلج .. انصحج بالاستماع الى محاضرة فهم النفسيات وبعد فهم نفسية ريلج بيسهل عليج المعاملة
|
| الساعة الآن 02:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©