![]() |
كيف تزفين خبر حملك لزوجك ؟؟؟أفكار روووعه
أخواتي الغاليات هذه بعض الأفكار جمعتها لك لتختاري منها الأفضل والأجمل .....وهي أفكار عن كيف تزفين خبر حملك لزوجك الغالي؟؟؟
·#لما تسوين اختبار الحمل ويطلع ايجابي غلفيها بالبلاستيك الشفاف وحطيها بعلبة هدايا واهديها لزوجك.. ·#علبة هدايا وتحطين فيها رضاعة وتكتبين في ورقة بابا انا ارسلت لك الرضاعة مع ماما بس لا تنسى اذا جيت ان شاء الله رجعها لي.... ·#أعملي نفسك متضايقه و حزينه وبعد كذا قولي له إنه في سر أبغى أقوله لك وقولي له انه انا أحبك كثير بس للآسف في واحد ثاني دخل حياتي بدون استئذان و بدون ما اشعر خلاني احبه و انا اسفه لانه اخد شوي من مكانتك عندي سامحني الله يخليك وبعد كذا قولي له اذا تبغى عنوانه هو موجود معي انت شوف يدي وين هو ساكن جوه)وحطي يدك على بطنك)وبعدين هو راح يفهم المفاجاة..... بس اللي تجرب هالطريقه تنتبه من زوجها احسن ما يكون سريع الغضب ولازم تقولين له بسرعه قبل ما يزعل..واذا كنتي خايفه من ردة فعله لا تجربي هذه الفكرة.. ·#أول ما تعرفين إنك حااامل ، إطلبي من زوجك يوديك السووق ، وادخلي محل لبيع ملابس الاطفال ، راح يستغرب ليش انتي داخلة هناك ؟؟ لا تتكلمي بس واصلي وروحي عند الملابس واختاري أي شي ، وهنا راح يسألك لمين تشترين ، قولي له حق البيبي اللي جاي في الطريق ههههههههه طبعا راح يطير من الفرح ويمكن راح يشتري لك المحل كله هههههههه.. ·#ممكن تأخذين الرضاعه بالكرتونه ومع اغراض للبيبي وتكتبين معها بطاقه وتضعين معها نتيجة التحليل... ·#جيبي ورده حمراء وحطي معها كرت واكتبي في البدايه كلام حلو لزوجك بعدين اخر شئ اكتبي اني احب اهدي لك هديه مرررررره حلوه بس لأسف مااقدر اعطيك الهديه الا بعد تسعه شهور (أنا حامل).... ·#ممكن نجيب علبه فارغه ومغلفه ونكتب عباره داخل العلبه(لا يمكن استلام الهدية الا بعد تسعة اشهر ( لاني احملها في جوفي.... ·#ممكن تحضرين ملابس للبيبي وتغلفيها وتهديها لزوجك .... ·#ممكن كمان تعملي حفله بسيطه ويكون فيها ثلاث شمعات وتكتبي تحت كل شمعه اسمك واسم زوجك واسم البيبي اذا كنتم مختارين اسمه أو تكتبي ابننا القادم ان شاء الله...أو تعملي تورته وتكتبي فيها مبروك الحمل ... أتمنى أن هذه الافكار تعجبكم واللي عندها فكره غير هذه تكتبها حتى نستفيد... وأتمنى من كل انسان قرأ موضوعي أنه يدعي لي أن الله يرزقني بالذرية الصالحة ويرزق جميع المحرومين عاجلا غير أجل .... ملاحظه / بعض هذه الافكار منقوله ..... |
والله افكار روعه
جزاكي الله الف خير |
شو ها الافكار روووووووووووعه مثلك
جزاك الله كل خير |
أحلى غرام - روح زوجها
أشكركم على المرور العطر وجزاكم الله خيراً.... أختكم في الله أمل الأمة |
افكار رووووعه يعطيج العافيه
|
أختي الغالية محتاسه
أشكرك على المرور العطر وجزاك الله خيراً.... |
اافكار اكتير حلوة
وان شاء بجربها بس الله ينولى الا فى بالى واطلع حامل اتمنى ان يرزقنى الله بالولد الصالح تحياتى الك |
آآآآآآآآآآآآآآآآآه احب الأطفال
يارب يرزقني الزوج الصالح والذريه الصالحه عاجلا غير آجل ويرزق كل محرومه ومتمنيه ادعولي ولاتنسوني عندي فكره بسيطه 1- البس قميص شفاف بحيث البطن تبان واكتب بالروج (بابا انا جاي) 2- في اقلام ليزر تنور في الظلمه ممكن اكتب (بابا) على البطن وكلام هنا وهنا على الفخذ وووووووانت وافكارك واطفي النور ترى الأقلام مره رقيصه لقيتها في (السويلم) تقدرو تستفيدو منها |
افكار حلوه
بس تصلح للزوج الرومنسي فقط اللي بيتقبل منك لو اسوى كذا قال الحرمه انجنت لهالدرجه فرحانه انك حامل والله هذا الواقع عندي جزيتى خيرا بس قلبتي المواجع اتذكر لما اخبر زوجي بالخبر السعيد ويرد علي بالبرود الشديد |
والله أفكار حلوة :22:
على الأقل تجديد عن الطريقة التقليدية (أنا حامل) :11: بس في فكرة وحده أعرفها سوتها وعجبتني حبيت أنقلكم هي حملت بعد أربع سنين وأرسلت رسالة لزوجها مكتوب اسمه من بره بس طبعا مو عارف من مين يعني ممكن تحطيها في ظرف عادي عشان تبان كإنها من عمله وما تكوني في مثلا تحطيها تحت باب البيت أو فوق طاولته المهم كإنك مو عارفة إنو وصلته رسالة :25: اللي أعرفها حملت في شهر جماد فلما فتح الرسالة لقى مكتوب فيها أبي الحبيب: سأصل بإذن الله تعالى في شهر محرم 1425هـ أرجو أن تكون بمحض استقبالي ابنك البار :15: طبعا أول ما قرأها ما استوعب بس بعدين كانت مفاجأة مرررررة حلوة :17: |
الساعة الآن 05:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©