|
عمري 26 سنة ولسى ما تزوجت هل فيه حل معقول ؟
السلام عليكم ورحمة الله وبركاتة
اشتركت اليوم بهالمنتدى الرائع اللي متابعه مواضيعه من فترة بحياتنا نحتاج لحنان لطفل صغير الحين هالسنة توظفت رسمي قبل اشتغلت تعاقد ودرست دورات حاسب ولي شغل خاص بشغلي متميزة وبمادتي متمكنة ومن طالباتي محبوبة رغم كل هذا احس اني ناقصني كثير الاقى بالشغل لو ابدعت بمجال واجتهدت قالوا فاضية لابيت لا اولاد احس باحبببببببببباط تعينت بمكان بعيد اروح يوميا افكر اني ما ممكن ارجع ثاني كل اللي ابيه منكم اجابة سؤال كيف ممكن اتزوج ابين رغبتي لاهلي واضحة لكن يقولون انتظر النصيب غالبا انخطب من كبار متزوج ومطلق واهلي يرفضون هل فيه حل ؟ |
اختي الغاليه كان الله بعونك واحس بما تحسين فانا عمري 23 وربما تقولين صغيره لكن احس بما تحسينه
حقيقه كان بودي مساعدتك لكن اقدم لك وسيله مهمه للحصول علىزوج باذن الله وهو الدعاء نعم اختي ، ادعي الله دائما بان يرزقك الزوج الصالح خاصه باسمائه الحسنى الأحد الصمد الحي القيوم مالك الملك قولي دائما ربي اني لما انزلت الي من خير فقير ربي لا تذرني فردا وانت خير الوارثين اكثري من قراءة سورة البقرة ويس ادعي لنفسك ولجميع اخواتك المؤمنات حتى تستجاب دعوتك ربما البعض ينصحك بان تذهبي للخاطبه او غيرها من الحلول، لكن صدقيني احسن من الدعاء لا يوجد ففي هذه الأيام اصبح الزواج ميسر للمتبرجات وللاتي يحادثن الشباب قبل الزواج وبعد كل هذا يكرورون علينا هذا نصيب حتى تهون عليك مشكلتك، ساقول لكي باختصار عن نفسي فانا فتاه والحمد لله اعطاني ربي كل شي من دين وجمال وتفوق ، لكن انا الوحيده من بين بنات اهلي وصديقاتي بقيت دون زوج، الكل منشغل عني، اعاني من الوحده كثيرا واتالم ، وحتى اذا فكر فيني احد، اقرب الناس يشوهون صورتي امامه فيخطب انسانه اخرى لكن الحمد لله دائما ادعي الله بان يرزقني زوج صالح محب اختي العزيزه، انصحك بان تكثري من قراءة القرآن وبان لا تفكري كثيرا بهذا الموضوع، لا تجلسي لوحدك كثيرا واحذرك بان توافقي على اي رجل فقط لمجرد الزواج وتكوين عائله،انتي تستحقين الأفضل ، فانت لست كبيره حتى تتزوجي اي واحد انت في عز شبابك وصدقيني الله سيزوجك بالرجل المناسب وستتذكرين كلامي لا تزعلي من اهلك او تتضايقي فهم صدقيني لا يريدون الا الخير لكي واهالينا ادرى بما هو اصلح، وفي هذا اوقت اصبح الرجل عمله نادره اصبري، ادعي الله عند قيام الليل وخاصه يوم الجمعه، اخيرا ادعي الله دائما خاصه نحن في هذه الأيام المباركه وكما قلت لكي اكثري من قراءة سورتي البقرة ويس وقولي ربي اني لما انزلت الي من خير فقير باذن الله راح ادعو لكي في صلواتي ، بس لا تنسيني من دعائك(^!^) بالتوفيق عزيزتي |
الله يوفقكم ويرزقكم بالزوج الصالح
اختي الغاليه ..ادعي الله واخلصي بالدعاء وصدقيني مافي ارحم من الله ولا اكرم من الله في عباده.. شي ثاني.. لو كان من اللي يتقدمون لك مطلق او ارمل حسن الخلق ومناسب ناقشي اهلك لا ترضخي للرفض لسبب انه منفصل.. يمكن زين لكن ماله حظ! هذا نصيبج دافعي عنه لو فيه خير لج.. وبعدين الحل اللي طرحته عليج الاخت .. الخطابه شرط السريه والاجتهاد في اختيار الزوج المناسب..يمكن النصيب موجود ويبيله شوية تعب.. الله يوفقج.. |
night2005
يا عسى الفرحة تنور لك دربك وعقبال ما نفرح بنصيب طيب ونصيحتك بالدعاء وسورة البقرة فصادقة فلي متخرجة من فترة وفقدت الامل اتوظف ودوامت فترة ولله الحمد تيسرت لي بعد ما كنت يائسة وبالفعل الوحدة مؤلمة حتى لو الناس كثير حواليك لكن احساس داخلي حـــلا ويوفقك يا غالية وبالنسبة لمناقشة اهلي فصارت لكن رايهم واحد ما يتغير الخطابه فكرت فيها بس مترددة وما اعرف وين الاقى امينة |
اختي الغاليه اسعدني ردك كثيرا وابي اقولك اذا مالقيتي خطابه امينه وصادقه اتركي الأمر لله افضل لكي من زوج لا يعلم سره الا الله
وترى هذه الأيام الشباب اللي يروحون للخطابه اكثرهم غير مناسبين ،قريبتي جربت خطابه وكان اللي يتقدمون لها اما اخلاقهم شينه او كبار بالسن او عقليتهم غير عنها ادعي الله واصبري وياربي ما تجي السنه اليايه الا واحنا متزوجين |
لازال السن الحالي هوه السن المعقول لاتخافي وتقولي كبرت هذا سن الزواج الصحيح والله يكون في عونك
|
اخي الفاضل / الحل الكامل.. آمل منكَ فتح موضوع بإسمي في عالم الرسائل الخاصة http://66n.com/forums/forumdisplay.php?f=29 خالص احترامي |
night2005
اهو صراحة الخطابة ممكن حل لكن فيه سلبيات كثير وبنفس الوقت احس ما تهون علي نفسي وآمين ربي ييسر لنا امورنا السنيني ان شاء الله يزورنا الفرح وجه الخير اهلين بس ما فهمت ردك |
اخواتي لا تحزنوا على وضعكم فلو جربتم الزواج شهر واحد بتقولون ياحلو الوحده
انا عمري 23 سنه واحس اني كبرت 50 سنه من المشاكل والبلاوي اختي الكريمه رفقاً رفقاً... المراقب / وجه الخير |
اختي والله حتىانا عمري 26 سنه ولاتزوجت
ويخطبوني مطلقين وامي ماترضى وفي السابق خطبوني كثير من اللي مافيهم العيب الا عيوب شافوهااهلي واكتشفوا انها مو عيب بعد ماكبرت حتى امي نفسها لما كان يخطبني اول مثلا رجل لكن في بلد ثاني غير ........ ترفض والحين تقول مافيها شي انا ماابي الومها ولا اعتب عليها اللي صار صار والحمد لله على كل حال ... هذا طبع كثير من الناس ماتبين لهم الحقيقه وانهم على غلط الا بعد وقت طويل او بعد فوات الأوان ... وبالنسبه للخطابات حتى لو لقيتي صادقات والله مايقدرون يغيرون اللي الله كاتبه .. صدق انه سبب والأنسان لازم يتوكل علىالله ثم يأخذ بالأسباب انا خالتي بنفسها شقيقه امي هي اللي جالسه تدور لي رجل وحتى بنت عم امي وقريبات لي كثير مو غريبات يعني يبغون مصلحتي اولا واخيرا وهذا هدفهم ... ولافيه حفله ولا مناسبه كبيره ماحضرتها ... صدقيني والله لاتتعبين صار لي سنين وانا انتظر وراح اظل انتظر هذا اللي بيدنا مع الصبر والدعاء الله بيرزقنا ... والحمد لله الله رزقك بالشغل بأذن الله قريب يرزقك بالزروج الصالح ... اللي كاتبه الله هو بيصير والحمد لله على كل حال ... اسأل الله لي ولك الزوج الصالح التقي الغني الحليم وان يرزقك منه الذريه الصالحه ... اللهم امين |
| الساعة الآن 03:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©