انا قلبي ضعيف ؟؟؟
 

اخواني و اخواتي تحياتي لكم



مشكلتي باختصار

انني اقدمت على خطبة فتاه ولكن تفركش الموضوع لسبب خارج عن الاراده

ولكن الان عندي عقدة الاحساس بالذنب تجاه هذه الفتاه وانني ارتكبت في حقها خطأ

وخصوصا انني سمعت انها كانت ومازالت تتمناني زوجا لها

ولقد اتخذت قرارا ان ارجع لها واحتسب الاجر من الله


علما ان مشاعري تجاهها عاديه

هل انا مخطئ

طيب ليش خطبتها أول مرة ؟ كانت عاجبتك ولانصيحة الأهل ؟

يعني من غير المعقول تخطبها بس لأنها تريدك زوج لازم الرغبة تكون عندك إنت كمان ، أنتو لسا قدامكم مشوار طويل من الحياة المشتركة ولازم تتشاركوا بكل شي بداية من رغبتكم في الزواج

أكيييييد ماصارت الخطبة غير و هي ( كانت ) تتمناك زوج لها ..؟؟؟؟؟

اذكر موضوعك وانا رديت عليك فيه


واسمح لي اضع رابط لموضوعك http://www.66n.com/forums/showthread.php?t=51549


واسمح لي اقول لك من غير زعل لأن النار قايده في قلبي على اللي صار بجد لأن اكتويت بنفس النار اللي كويت بها المسكينه اللي خطبتها وتركتها خصوصا اانت كلمتها يعني الخطبه كامله والكلام اكيد صار في مسأله ترتيب الزواج ....

انا خطبني واحد خطبه كامله واتفقنا على الزواج وبكل برود ولا مبالاه انسحب من غير اي سبب مقنع

شكل كلامي قاسي وانا عارفه لكن والله مهما تألمت ماراح يصير شي بالنسبه للألم اللي سببته لمسكينه


ونصيحه مني انساها ولاتفكر مجرد تفكير انك ترجع تخطبها لأن اهلها راح يطردونك قبل ماتطردك هي

وانتبه تسويها مع اي بنت ثانيه في المستقبل ... اذا مااعجبتك البنت من اولها انسحب قبل لايصير اي ترتيب ترا عادي مافيها شي ....

انا شافوني كثير ولا قبلوا بي والله اني د عيت لهم من كل قلبي الله يوفقهم ويسعدهم خصوصا اني مرتاحه لهم شوي ...


اهون علي بكثير من انه يخطبني ونعلن الزواج ونبدا التريبات وبعدها ينسحب !!!!!!

والله يؤسفني ان فيه شباب كذا مو قادرين ياخذون قرار مصيري كذا مثل الزواج

ترا الزواج مو لعبه عزيزي

بصراحة تبا رأيي انت غلطت مرة فلا تغلط مرة ثانية يعني أنا بعد ما قريت مشكلتك قبل وكيف كل الاخوة الاعضاء حاولوا يثنونك عن فسخ الخطبة ورغم كل هذا نفذت ما يمليه عليك احساسك وشعورك ..وأكيد بعد ما فسخت الخطوبة كانت البنت في حال يرثى لها لا يعلم بها الا الله وتبا الحين اتعيد نفس الغلطة لأنك اتقول انك تبي تخطبها مرة ثانية بس لأنها هي كاسرة خاطرك وضميرك مأنبنك لأنك اتخليت عنها وهي لحد الحين تبيك .. أخي قرارا الزواج أو الخطبة ما ينفذ عشان انكسر خاطر فلانة أو ان ضميرك يأنبك لأنك تركتها وهي تبيك وانت عادي ..فأذا أنت اتقول انك (عاااااااادي) يعني قصدك مشاعرك عادية تجاهها فليش تقدم على الخطبة مرة ثانية ما ادري أنت صح عمرك 27 سنة بس للحين يتهيأ لي انك ما تقدر تتخذ قرار..حتى قرار الخطبة اللي تبا تتخذ مرة ثانية لسبب عادي (انها كاسرة خاطرك ) يا أخي هذا زواج مب لعبة لازم تتختبر مشاعرك تجاهها واذا شفت روحك تبها هذيك الساعة اتخذ قرار الخطبة مرة ثانية .عمرك27لازم اتكون ناضج مب متأرجح مب عارف تتخذ قرار حازم وقوي في مسألة مهمة وحساسة مثل الزواج .. وعلى فكرة مسألة الضيق والكره والمشاعر اللي انتابتك اثناء فترة الخطوبة تراها عادية اتصيب كثير من الرجال وتكون هذي سحابة صيف وتعدي بإذن الله ويا أخي الواحد كل ما كان متضايق عليه انه يتقرب من الله لأنه هو الوحيد اللي ممكن بفرج همك وييسر أمورك وكلمة أخيرة أخي الفاضل ولا تزعل من اذا ثقلت عليك بالكلام (اذا بتتخذ قرار الخطوبة عشان كاسرة خاطرك وأنت (عادي ) فلا تقدم عليه .. أما اذا اتغيرت مشاعرك تجاهها للأحسن وبديت اتفكر بنضج فتوكل على الله وعسى ان تكرهوا شيئا ويجعل الله فيه خير كثير) وخبرنا شو صار معاك ولك خالص تحياتي

نعم القرار ما أتخذت

انا من متابعي موضوعك

لست بمخطىء في عودتك

وتأكد أخي الكريم

ان مشاعر الحب والألفة ستزرع في قلبك بمرور الأيام

مادامت الفتاة ذات دين وخلق وعلى جمال
وقد تركتها لمشاعر مؤقتة أزعجتك

وفقك الله لما فيه الخير والصواب