كريم العروسه ....
 

محتاجه مساعدتكم ..... لاتبخلوا علي بنصايحكم .... اذكر إني قرأت في المنتدى عن كريم العروسه

لتبييض الجسم ..... وانا حصلته واشتريته لكن خايفه من استعماله ... ارجوكم افيدوني لاني ماحصلت الموضوع

وخايفه يكون مضر مع اني قرأت انه مجرب ومضمون ......


ارجوكم ارشدوني...واللي مجربته تقول ايش نتايجه ؟

السلام عليكم ورحمة الله وبركاته 00
 

بسم الله الرحمن الرحيم
اختي انصحك نصيحة لوجه الله
إذا كان الكريم من الصيدلية ممكن يكون مضمون وحتى لو ما نفعك ما راح يضرك إن شاء الله
لكن لو اشتريتيه من وحده عاملته ( من خرابيط الحريم ) انصحك ما تستعملينه وخذيها من مجربة
لأنه كريمات الحريم تجيب حساسية وكلف لأني استخدمت كريم اخذت وصفته من هذا المنتدى وانصح أي بنت ما تستخدمه لأنه سبب لي حساسية شديده في بشرتي حتى الدكتورة خافت من شكلها وهزأتني :( :eek: وحزنتني على نفسي
هذا رابط الوصفه اللي عملتها

http://www.66n.com/forums/showthread.php?t=9767&page=1
يعني الله يسامحها اللي نزلت الوصفة
لكن اذا تبغين جسمك يتجانس لونه ويفتح في فترة وجيزة جداً ما له أي آثار جانبية ويفتح لك البشرة وهاي أنا مجربتها يعني ما راح انصحك بشيء ضرني وللمعلومية بشرتي حساسة
استخدمي كل يوم قبل تنامين فازلين وكركم ( هرد) اخلطيها مع بعض في علبة واستخدميها بشكل يومي حتى في منطقة الأفخاد
وبعد ما تستحمي استخدمي زيت الجلسرين مع الفازلين وهذا أخذتها من هذا الموقع الله يجزاها الجنة اللي نزلته
وووخلاص
بالتوفيق يارب
تحياتي ...

الحلوه انا ممكن اسألك

ايش هو ( الهرد) ؟؟؟؟

السلام عليكم ورحمة الله وبركاته 00
 

اختي لولو
( الهرد ) هو (الكركم ) تحصلينه في محلات العطارين أو في المركز التسويقية ( السوبرماركت)
تحياتي

الكركم ماغيره الأصفر البودره اللي نحطه مع الأكل ؟؟؟

هذا مايبقع لون الجلد ااذا حطيته على وجهي او جسمي ؟؟؟؟

انا الحقيقه قريت وصفه عن الكركم هنا في المنتدى وشريته بس خفت احطه نا خلقه صفراء ولوني شاحب خايفه احط شي يزيده

انتي استخدمتيه بنفسك ولفتره طويله يعني ماله ضرر في اللون ؟؟

اتمنى تجاوبيني وآسفه على الأزعاج

السلام عليكم ورحمة الله وبركاته 00
 

غاليتي لولو
عادي ما فيها ازعاج
ايه هو الكركم الأصفر ما غيره اللي نحطه مع الأكل
وانا استخدمته ولتفره طويله تقريبا شهرين والحمد لله ما سبب لي اي مضاعفات
لكن اذا حطيتيه مع الفازلين تحطين مثلا ملعقتين ونصف كبيره مليانه فازلين مع ملعقة صغيرة كركم يعني ما يكون اللون أصفر مره لو كان اصفر مره اكيد راح يصفر جسمك لكن انتي حطي بتقديرك النظري وانا مثلت لك لأني بصراحة ما اعمله بمقادير لكن احط على ثلاث ارباع العلبة مثلاً ملعقتين صغيرة وممكن ازيد الكركم لو شفت اللون مره فاتح
وبما ان لونك اصفر خففي اللون شوي
وعلى فكره استخدمته لوجهي سكراب وكان حلو وآثاره حلوة كمان فتح لي المناطق اللي بها آثار حب الشباب
لكن لو بشرة وجهك مرة حساسه لا تستخدميه لانه شوي حار على بشرة الوجه وليس الجسم
اتمنى اكون افدتك
وتحياتي لك واي استفسار إن شاء الله اقدر اجيبك عليه
تحياتي :d

تسلمين وماقصرتي على الشرح

راح استعمله بأذن الله

السلام عليكم ورحمة الله وبركاته 00
 

على فكرة راح يبهدل لك الملابس لكن خصصي له بيجامتين علشان ما تنعدم كل الملابس
لانه يسبب اصفرار للملابس
على فكره لولو توقيعك مره حلو فيه أمل وثقة بالله كبيرة
تحياتي

جزاكي الله الف خير

تسلمين الحلوه كلك ذوق

توقعيك اللي احلى