|
انا محتاجة مساعدتكم
مرحبا اخواني واخواتي اعضاء منتديات عالم الحياة الزوجية .. لن اطيل عليكم سأدخل بالموضوع على طول .. انا عمري 18 سنة احب شاب اكبر مني بأربع سنوات .. بعد 4 اشهر يتخرج من جامعته ويصبح مهندس بأذن الله وعمله مضمون بإذن الله.. سيعمل ان شاء الله في دبي وسيكون هناك بيت وسيارة على حساب الشغل طيب اين المشكلة؟ الشاب سمعة اهله جيدة .. شاب ليس متدين كثيرا لكن بخاف الله رجل بمعنى الكلمة وفوق كل هذا انا احبه هو يحبني وسيخطبني بالصيف طبعا ماما عارفة بالقصة بس المشكلة انه لما جيت افاتحها بالموضوع حسيت انه ممكن يكون هناك مواجهة بيني وبينها مع العلم انه ماما مش صعبة بالعكس بس هيي ما قالتلي لا بس ما قالتلي اه وصارت تحكيلي لو الك نصيب فيه رح تاخديه غصبن عنا هيي شو حجتها انه قال ابوه ايده طويلة وبضرب فخايفه انه يصير يضربني بالمستقبل وعلى فكرة انا فاتحته بالموضوع وقولتلوا هيك هيك استغرب كتير وقالي ليش امك ماخده عني هيك فكرة هو كان ابن جيراني وامه بتحكي لماما بعدين هاي حجة فارطة لانه اولا ما في انسان كامل وبعدين معقول هو رح يضربني هيك من الباب للطاق بعدين هو انسان متعلم ودرس في بلاد برى ابوه ما كمل تعليمه .. الحجة التانية ( والله مستحية ) هيي ماما مش ملاقية سبب مقنع للرفض بس بدها تحرمني من حب عمري وحلم سنيني والله والله بنجن بتقول انه ما بتخيل انه ابو راس كبير يكون حماكي :d شايفين بالله شو اعمل بحالي اقطع شعري جد شو اعمل .. بدي اموت ماما ما قالت لأ بالفم المليان وانا بستنى لسى المواجهة الحقيقية ما اجت بس كيف اقنعها واخليها تمحي هاي الحجج ...... |
بالكلمة الطيبة والقرب من رضى امك سوف تصلين ولا تنسين ان الدعااااااااااااااااء هو سلاحك
اتكلي على الله ...واستخيري من هلا ...ولاتقولي بحبو لا ياعيوني يمكن هالحب يكون مشكلة وهم... استخيري ودعي ربنا بكل صلاه اذا فيه خير الله يجيبة واذا لا ربي يبدلة بخير منه .... وامك مش مشكلة ....امك بدا كلااااام حلو وربي يوفقك تحياااااااتي |
بقايا صمت مشكور او مشكورة
وانا على فكرة استخرت وطلعت بنتيجة ايجابية الحمد لله بس ضايل ماما وانا والله والله بعد كل صلاة ووقت السجود وبين الاذان واقامته بدعي من جوه جوه قلبي وانا متفألة وعندي امل لانه ربنا كريم بس عندي شوية خوف من ماما حبيبة قلبي .. |
اختي العزيزه انصحج انك لا تقولي لحبيبك ما تقوله امك عنه وهذا مهم جدا لكي وله
ثانيا تقربي من والدتك حتى تكسبي رضاها ثالثا ادعي الله بان يجمعكم فان كان خيرا لكي صدقيني راح تكونون لبعض رابعا اجعليه يتقدم رسمي ولا داعي للخوف ولا تستبقي الأحداث امك خايفه عليك وليكن في علمك ان حب الأم اصدق من حب اي شخص آخر لذا هي لا تريد حرمانك عليك بالصبر والدعاء والتفاءل |
night2005
بشكرك كتير على النصايح الجميلة وبأذن الله رح اعمل بهم والله يجزيك الخير .. هو ما بدو يتقدم الا لما تكون الشهادة بأيده حتى يطلبني بعين قوية .. فلسى الشغلة بدها شوية صبر .. وبدعي ربنا كتير وربنا اكيد رحيم بعباده واحيانا بكون متفألة لدرجة كبيرة واحيانا تانية بكون متشأمة جداااااااااا يعني ما عندي حل وسط .. |
أول شيء لاتقولي لخطيبك الحكي اللي بتقوله أمك علشان خطيبك مايحقد عليها وتحصل مشاكل في المستقبل ويفسر أي تصرف منها على أنه بسبب كرهها لأهله
ثانيا إنتي رح تتزوجي الشب مو أبوه ولازم تفهمي والدتك هاد الشي ثالثا : إنتي رح تعيشي معاه في دبي ومو ببيت حماكي ونصيحة تشترطي على خطيبك تسكنوا لوحدكم ومو مع أهل زوجك إزا صار واجتمعتوا في بلد وحدة رابعا صلي صلاة الاستخارة لتتأكدي أنو هاد الشب مناسب إلك خامسا رضا الأم اصحك اضيعيه وحاولي تقنعيها قد ماتقدري بس إزا رفضت لا تتحديها عشان تلاقي توفيق من الله أختك في الله سيدرا |
شكرا الك كتير اختي سيدرا
والله يجزيكي كل خير يا رب وعلى فكرة انا حاسة انه مشكلتي قربة تنحل لأنه اليوم واحنا على السحور قعدنا نحكي بمواضيع كتير ومنها موضوع الزواج بس بالعموم عشان قدام بابا فماما صارت شو تقول انه لو اجى لبنتي عريس ومناسب وعنده امتيازات كتيرة وانا في شغلة مو عاجبتني فيه بتغاضى عنها لانه حرام هيي الي بدها تعيش معه وبابا ايد حكيها وانا كنت عارفة انها قاصدتني بالكلام فالحمد لله هي بداية الخير يا رب .. |
ااهم شيء يا اختي تضمني امك لصففكك
شكلها اممك الها كلمة في البيت وهيي الا بتتحككم وبتتامر متل الماما هههههههه انا ازا بدي شيء منها وموضوع كبير متل هييك بجيها بالرواق وكم كلمة غزل وتقبريني وتعدميني ومن هالحكي بتلينن وبتوافقني لانو نحن كبار وصرنا نعرف مصلحتنا فمتل ما حكو الاخوات بالكلمة الطيبة بتنحل المشاكل |
تسلميلي صبية صغيرة
ومشكورة على المرور اختي والله يقدم الي فيه الخير |
اختي اذا الشاب كويس وحاسه انه بيسعدك توكلي عالله وامك بالكلام بتلين راسها وخلي حد اكبر منك يفهمها ويقنعها وبترضى لان الاسباب مو مقنعه اللي هي قالتها
بس حذاري اختي تنقلي الكلام لزوجك مره ثانيه اختي اخذيها نصيحه حتى لو تزوجتو بعدين لا تقولي الاشيا لزوجك اللي تصير مع اهللك عشان ماياخذ موقف منهم تحياتي |
| الساعة الآن 08:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©