|
أفيدوني !!؟؟
السلام عليكم ورحمة الله وبركاته .
أخواني أخواتي كلكم يعرف أهمية الهديه ووقعها على النفس خصوصا بين الزوجين ... أود ان أهدي زوجي هديه في العيد ولكني محتاره أو بالأصح لا أدري ماهو المفضل هذه السنه من اشياء رجاليه ... ياليت أن تتكرموا وتساعدوني مثلا ماهي الموضه هذه السنه في الأقمشه الرجاليه للثوب الخليجي لأني أفكر آخذ له قطعه وهو يفصلها ..واذا فيه أفكار أخرى أرجو أن لاتبخلوا علينا وخصوصا الأخوه الأعضاء ...بارك الله فيكم .... |
حبيبتي .. أول شي كل عام وأنتي بخير ... وبصراحه أنا كنت محتاره مثلك .. وقررت إن شاءالله .. أن اليوم بروح أفصل له زرار ومكتوب فيه اسمه بطريقه رائعه من الألماس مع رسمات اسلاميه ... و باخذ له موبايل لأنه شكله عاجبني .. http://www.resalh.com/arabic-site/ne...nokia_8800.jpg وشوي عطورات وبغلفهم في هديه بتكتيك مسبق :d ... وبس بعد وش يبغي .. يحمد ربه :d هههههاي |
أنصحك يا اختي بشئ مالذي يحبه زوجك
بعض الناس يحب الجوالاات وبعضهم يحب الكمبيوتر وبعضهم يحب الساعات وإذا لم يكن له اهتمام معين أنصحك تحضري له جوال مع البلوتوث الذي يركب في السياره الله يسعدكم |
اقتباس:
هلا حبيبتي الهنوف وأنتي بألف خير ياقلبي ... هديتك شكلها رووعه وذوق الله يسعدك ويفرح زوجك فيها ... فكرة الزرار عجبتني ممكن تشرحينها لي وبعد كم تكلف ؟ اشكرك حبيبتي على مرورك وافادتك لي تسلمين ... |
اقتباس:
بارك الله فيك أخي صاحب رأي سديد على افادتك ..لكن ودي أني اشتريله قطعه قماش يفصلها ثوب عشان كذا أسأل وش اللي يحبه الشباب هذي الايام اذا كان حد يعرف ياليت يقولي أبغى شيء آخر موضه ويبيض الوجه ... |
هلا عيوني ... الفكره .. أنك تاخذين فكرة التصاميم الإسلاميه .. عشان يكون إبداع تمام في هذا الزرار ويكون من تصميمك .. وشوفي الأشكال .. http://share.studio.adobe.com/fsroot...c-Shapes-2.jpg لاحظي الخط وطريقته الرائعه ... يعني كل اللي عليك أنك تختارين أي شكل وأنا اخترت اللي فيه أسم [الله] وحطيت اسم زوجي بالألماس وتصدقين أنه يكلـــف بس بس بس 1000 ريال :d .... والله مت من الفرحه لين عرفت ان سعره رخيص .. ولمعلوماتك الشخصيه .. الألماس غالي لأنهم يركبونه في الخارج .. أما هذا من تصميمي ويتم التركيب في دبي ... عشان كذا يجيك السعر رخيص واجد ... وطبعاً بتحصلين اللي يسوي لك هذا الزرار في سوق الذهب ... المكان اللي يبيعون فيه الأقلام الألماس والأزرة .. وفكره تقديم الهدية .. [حقوق الطبع محفوظه لي :d ] فديت عمري مبدعه :22: المطلوب .. فلين .. عمودين خشب .. خيط أبيض .. نجوم و قمر [من الفلين ] .. عصافير الزينة ... يثبت العمودين على فلين كقاعدة. وتوصلين الخيط من العمود للعمود الثاني .. تنزلين من الخيط النجوم اللي سويتيها من الفلين وإذا تكون ألوان أحسن وأحسن ... وبيصيرون لج بهالطريقة .. http://www.abdulhakeem.com/photos/virgo/virgo1.jpg وبعدين ياحلوة تثبتين القمر على الفلين بطريقة حلوة وشكلج مبدعه وفنانه :22: .. تقدرين تقصين القمر على شكل أنه عنده خشم وفم وتقدرين أنه يكون عادي .. بعطيك الصورتين .. http://airbrushbodyart.com.au/airbru...and_starts.JPG http://dts.ystoretools.com/1553/imag...arryswitch.jpg وبعدين تحطين الهدايا بجنب القمر وتوزعينهم بطريقه حلوة على سطح الفلين .. وتنثرين أوراق الورد أو ورد مجفف أو اكسسوارات مع العصافير .. عاد أنتي تخيلي شكل الهديه وكفااااايه أنه بيستانس على شكل الهديه وااااجد لأنها بتطلع روعه ... http://www.adsources.com/Gourmet/God...llotin-med.jpg وبس ياحياتي ... وإذا بغيتي اي شي أنتي تامريني وأنا أنفذ ... |
غاليتي الهنوووف ..
ابدعتي في طرح هذه الافكاااار .. رائعه ومبتكررره .. اشكرك جزيل الشكر اختي الغاليه .. واسمحي لي اطالبك بالمزيد من هذه الافكاررر .. ماشاء الله مبدعة .. واسال الله ان يتم نعمته عليك ويسعدك انت وزوجك سعادة لاشقاء بعدهــا .. |
اقتباس:
|
أختي العزيزة طبعا انتي تعرفين جيدا
ماهو الاقرب الي قلب زوجك منا جميعا وما يحب وما يكرة بس معظم الازواج يحبون الساعات الجوالات او الاقمشه ومع هالشغلات طبعا البخور والعطور الفقير الي الله اخوك مطيري غيور |
أختي الحبيبه الهنوف تسلمين ياعمري على شرحك الوافي المفيد ....
|
| الساعة الآن 03:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
