خطيبي وأخته وأمي
 

انا مخطوبة من ثمان اشهروزواجى بعد شهر ان شاء الله اتخطبت خطوبة الصالونات ووفقنى الله الى زوج المستقبل بالمواصفات اللى كنت اتمناها فى البداية كانت ارائه كلها جميله وتصرفاته تعجبنى جدا لانه يعتمد على نفسه تفكيره سليم وعملى بيحاول يرضينى وهى دى شخصيته الاساسية .
فى الفترة الاخيرة بدأت اخته الكبرى _ والدته متوفية _ تتدخل فى كل الامور وبدأت احس ده من كلامه واحول الفت انتباهه من غير ما اقول كلام واضح وصريح وكل مرة يأكد لى انه كلامه من دماغه وانه ممكن يستمع للنصيحة فعلا لكن لا ينفذها الا اذا كان مقتنع بيها من يومين اختلفت انا وهو بسبب تدخل اخته فى امورنا ومحاولة مقارنتى بصديقات لها وانها بتحاول تفهمه انه بالشكل ده بيعمل لى كتير وانه لازم يوفر فى المصاريف وان صديقتها فلانه زوجها عمل لها كذا فقط وان فلانة جوزها ما عملهاش .
بصراحة خرجت عن شعورى وتشاجرنا وقلت له بصراحة ان تدخل اخته كل مرة بيسبب مشاكل انفعل فى البداية وقالى مش صغير وانه ما بيعملش الا اللى هو موافق عليه ووتانى يوم حاول يتكلم معى بهدوء واخبرنى انى بعد الزواج ساكون بعيدة عن اخته لاقامتى فا مدينة غير مدينتها وان زيارتنا ستكون على مسافات متباعدة واذا كانت هى اخته فانا سأكون زوجته وانى غالية عنده ومش ممكن يسمح لاخته انها تضايقنى وان الزوج وزوجته أقرب اتنين لبعض .
سكت سكت وانا مليئة بالحيرة والأسى حاسة انه اتغير بسبب اخته ومش عارفه اتصرف ازاى ؟ هل فعلا الوضع ده هايكون مؤقت وان بعد كده كل واحد هايكون فى حاله والا اعمل ايه ؟
ملحوظة : فى بداية الخطوبة علاقته كانت جميلة جدا بماما واخواتى مع العلم انى والدى متوفى وكانت زيارته لى فى المنزل اسبوعية لعدم وجود والدى ماما اعترضت وارادت انها تكون على فترات زمنية ابعد واننا نكتفى بكلام التليفون وقالت له الكلام ده بعدها فعلا اصبحت الزيارات للضرورة ووممكن تكون كل شهر وكل اسبوع كا يتحجج باى سبب لعدم مجيئه الاسبوع اللى فات قالها لى صراحة انه مش عايز ييجى عشان هو مقفول من أمى وان الوضع سيستمر كده الى الزواج
كيف اوافق على هذا انا فى الاول والاخر ماليش غير أمى ؟ ازاى احس انه بيخطط انه يبعدنى عنها وان كان مش بشكل صريح لانه اخبرنى انه مستحيل يمنعنى انى اذهب لزيارتها لكن طبعا علاقته بيها بالشكل ده هاتمنعه من انه يزور أهلى او ان أهلى يزورونى بعد الزواج
دلونى يا أ هل الخبرة أعمل ايه ؟

ارجوكم ساعدونى بارائكم

حقيقه اتمنى من اخواني مساعدتك لأن لا املك خبره كافيه بهذه الأمور
والله يفرج همك

اختي العزيزة
حصل معي نفس المشكلة وتدخلت اخته في كل شيء رغم اننا كنا عاقدين القرانوهو وعدني ان هذا لن يستمر بعد الزواج وانها كانت في مدينة اخرى
الا ان تدخلها وجنونها استمر وزاد بعد الزواج بالتلفوناتوالطلبات ويذهب الى مدينتها كل يوم لخدمتها وخدمة اطفالها ولا كانه متزوج وطبعا هذا ادى الى طلاقي
حسبي الله ونعم الوكيل عليها
فأرجو ان تعملي حدود بينك وبين اخته من الأن ومادام شخصيته قوية فلا تخافين فطليقي كانت شخصيته ضعيفة امام اخته وكل اخوته
وارجو ان تخبريه انك لا تريدين أي انسان ان يتدخل في حياتكما معا...تجنبا للمشاكل
واظهري شخصيتك امامها وانك لا يمكن ان تسمحي لأاحد ان يمشي زوجك وأنت..فأنتما من تمشون حياتكمتا فأنت شريكة حياته وليست هي
ودعواتي لك بالتوفيق
وعلى فكرة انا في الولايات المتحدة فالمسافات لا تشكل عائق في الزيارات والأتصال
فربما بعدها عنكم مسافتا فعلا يشكل عائق في تدخلها لأأنني اعلم ان في البلدان العربية كل مدينة تعتبر شيء بعيد بالنسبة لكم لأانكم غير متعودين على السياقة مسافات

الاخت العزيزه صاحبة الموضوع انا صاحبة رسالة احبه ولكن ارجو انك تكوني قريتيها لان مشكلتي شبه مشكلتك اخته بتحاول تفرض رايها وتبين ان ذوقي وحش وهي اللي بتفهم وهي اللي بتعرف في الذوق وزواجي اتاجل بسببها لان لما رحنا نشتري الاثاث راحت معانا هي وامها يعني ام خطيبي لانه مسافر وطبعا معروف الاثاث من حق العروسع تختارو علي ذوقها لكن هيا بدات تختار كانها بتختار اثاثها و كاني مش انسانه لي الحق في اختيار اثاثي ورفعت صوتها عليا فالمعرض بتاع الاثاث قدام الرجاله وتطاولت عليا وقالتلي انا هنا بدل اخويا واختارله عفشه وطبعا رجعت من غير ماشتري عفش وراحت وصلت الكلام لاخوها وقلبته ضدي وهو الان مش بيكلمني راحت قالتله ان انا زعقتلها وزعقت لامها وانا والله ماعملت كده وربنا يشهد ان هيا اللي تطاولت واهانتني بس هو صدق كلامها للاسف وزواجي مؤجل لمعاد غير محدد وكل ده وهو مش بيكلمني بسبب اخته حسبي الله ونعم الوكيل فيها فياختي عليك بالدعاء واصبري واحتسبي وربنا هينصرك باذن الله

عزيزتي فهميه أن أمك لاتريد ، وأنه لم يدخل بك بعد..
ولابد أن يحترم العادات والتقاليد..

لكن بأسلوبك الخاص :( أشتاق لك وودي أشوفك وأجلس معك كل يوم ..، بس معليش لسى أنا في بيت أهلي ، وهذي عادات كثير من الناس مو بس احنا )

الأخ شارك
هو بالنسبة لالتزامه الدينى نقدر نقول معتدل وسهل انه يخضع بالحسنى وبالاقناع ويحبنى وانا واثقة من ده وسبق ووصلنى كلام انه مرة اختلف مع اخته وقالها ان خطيبتى هى صاحبة التصرف فى البيت وهى اللى تقول مين يدخله ومين ما يدخلوش بعد الزواج
هو لن يمنعنى عن أمى انا واثقه وخاصة ان شخصيتى قوية معه ويحترم رايى ولكن علاقته بالشكل ده لو استمرت ممكن تمنع أهلى من زيارتى اذا احسوا انه غير ودود معهم ويمتنع هو عن زيارتهم الا للضرورة القصوى وانا كنت اتمنى غير ذلك

اخواتي الحبيبات يا من لكن تجارب مع اخوات الزوج او الخطيب

ربما انتم اعطيتوهم هالانطباع
يعني من باب كسب ود الزوج او الخطيب
و هذا يحدث بشكل كبير و في النهايه
كل شي زاد عن حده انقلب لضده
و هاي بتدفعو النتيجه

كونو طبيعيات مع ازواجكم و اهل ازواجكم
حتى لا احد يتعرض لموقف يودي الى ضرر الطرفين
سواء اهل العريس او العروسه