معاناتي مع الفراغ
 

السلام عليكم ورحنة الله وبركاته

انا بحياتي ماكتبت بمنتدى لكن منتداكم هذا شدني وايد واستفدت منه كثير واتمنى منكم تساعدوني يمشكلتي والله اني ماانام منها وهدني التفكير والقلق قدمت اهاتي لرب العالمين الله لايردني خايبه والحين ابي العون منك
مااطولها عليكم
انا متخرجه من خمس سنين والخامسه على الدفعه وماحصلت وظيفه هالشيء اثر جدا في شخصيتي وفي نفسيتي لدرجة إني صرت غير انا افهمكم كيف ؟انا جمليه على حد قولهم وكنت ملتزمه سمعتي الكل يشهد بها لدرجة والله اني ماابالغ اغلب رجال المنطقه خطبوني من غير الكم اللي تقدم لي والعالم اللي معذبه حالهاتحبني والله ماابالغ المهم من سنه تعبت نفسيتي وزادت الوحده علي خواتي وصاحباتي الاصغر والاكبرمني كلهم مشغولين بحياتهم دراسه وزواج وما شاء الله نعم كثيره وانا وحيده وذبحني التفكير فكرت بهاللحضات اني ادخل شات عشان اثبت لنفسي انو موبس انا اللي اعاني في عالم فاضيه مثلي تعقدت من النوم لانه ياخذ اهلي ويبقيني وحيده مايجيني نوم لكن قررت ادخل نت واشوف غيري سهران ويمكن مثل حالتي المهم دخلت الجات وانا واثقه مم حالي انه مايهزني رجل وكنت اضحك واطلع لكن كم لليله وكرهت نفسي لانه موهذا مكاني انا حافظه 5اجزاء من القران والكل شاهد على صلاحي ليش ادش هالاماكن قعدت بصراع وصلت بالنهايه ان مافي شيء يريحني من التفكير الاانشغالي بالشات لاني والله امووووت وانا افكر بحالي ومستقبلي واحس بالفشل والنقص لدرجة انو صابني اكتئاب ماخف عني الامن كم شهر المهم كنت ادخل باسماء عفويه لكن بعد ايام اكتشف انها صارت جزء من شخصيتي واتصرف من خلالها كنت داخله بنك قريب بنتحر ماتتخلون كيف اثر فيني لدرجة اني كنت ابي الموت طبعا مااقدر اذبح روحي لاني اخاف ومااتجراء بس كنت اسوي اشياء تموت ابكي لان مااحس ان قلبي بيتقطع مااكل ولااشرب لين ماشافني واحد هناك قالي بقولك شبء وبطلع انتي ليش بتنتحرين شكيت له لعلي القى عنده حل قال انا مثللك بس اصنع السعاده لنفسي بقدر الامكان قلت كيف قال اضحك واغازل وارقص واغني وابسط نفسي قلت حرام هالاشياء قال لاتعليق باي
قعدت افكر بكلامه قلت ليش ماسوي مثله وادور السعاده وفعلا بديت اضيف ناس معاي بالمسنجر واقول في نفسي عادي لاني مااقصد حرام لانهم وايد ومن جنسيات مختلفه فقط عشان اقضي الوقت واعرف العالم كيف عايشه سوى خليج اوغيره وكنت حاطه براسي انو لو كان واحد يمكن احبه لكن اثنين ثلاثه مستحيل المهم مع الايام صارت مكالمات خفيفه لاني جديده بالنت واستفيد من اللي عندهم خلفيه بالتسجيل اوغيره تعبت من هالحاله انا موهذي عشان كذا قلت لكم انا موانا لاني والله موكذا ياما انقضت بنات من اشياء جذي والحين انا اطيح فيها جتني افكار جنونيه انتحار هرب اضيع نفسي بالنهايه ماقدرت كلمت اخوي ع خفيف قلت له انا تعبانه علمته عن اشياء كانت معاي من هالاشياء اني كنت احس روحي معوقه وساعة مااجلس مع بنات استرجع الاحداث اللي صارت معاي واحس اني اقل منهم بدون شعور ينحني ظهري وينزل راسي راح الجمال اللي يوم ماحسيت فيه لاني من الصغر ماعندي ثقه بنفسي واتحطم لحضات مااحد يتكلم عني ويمدحني لاني مااحس باللي يحسونه؟
المهم رحت لدكتور نفسي مع اخوي وبالخفاء وماحد داري بس ماحكيته عن كل شيء لاني تخيلت اني ارجع له المهم قال انو معاي اكتئاب واعطاني ادويه ولي مواعيد للاسف هو بمدينه ثانيه بعيده عننا ماقدرت ارجع له والدواء كنت خايفه منه ماخذته الافتره بسيطه والحين احس الضيقه راجعه لي لانو في موضوع جديد هو اللي باخذ رايكم فيه
تقدم لي ولد عمي بالزواج وانا رفضت كثير مابي القريب بس الحين احس روحي مجبوره لاني مابي اغلط وارجع للشات والخرابيط بس المشكله اهله فووووق ماتتخيلون ناس عجيبين حقين مشاكل يتدخلون بكل شيء زوجات اخوانه كلهم تحت صرفة امهم واختهم لدرجة تتدخل بيتهم تتعتقد انهم شغالات من الاهانه مادري شقول بس انا اعرف سوالفهم عدلا لان زوجة اخوي بنتهم وحده من المتسلطات انا حاولت قبل ابعد عن العايله وسجلت بموقع زواج ولقيت وايد يبون نفس مواصفاتي بس تراجعت باخر لحضه عشان العادات انا شخصيتي ضعفت مره وماعندي ثقه وحساسه وخوافه (طبعا بعد جلسة البيت ) محتاره اخذ ولد عمي واعيش مع الوحوش عشان انتبه لنفسي قبل يصيرشيء مابيه لان ساعات افكاري توصل حد الجنون بس اخاف يصير ادهى من ذاك وادخل مستشفى مجانين اوانتحر منهم
او ارفضه بس لو رجعت لوضعي الاول ماظمن نفسي لاني تعبت ولمااتعب اخاف اغلط من جد افكاري سوداويه كرهت الدنيا وشكله صحيح قريب بنتحر؟؟
نسيت اقولكم ولد عمي امه اجنبيه بس ربته مرة ابوه (اللي قلت لكم عنها ) اهلي يطمنوني بانه موولدها وهو عانى منها وماراح يخليني اعاني وامي لمحت له عن خوفي وقال انه ماراح يتركني عندهم بس انا موظامنه لانهم تربيه وحده على يدينها وقبل كم يوم امي قالت له سالفه وقالت بينا وبينك تفاصيل الملكه اذا بتسير راح وعلم اخته وهم من الحين يبون يلغون شخصيتي والله بحركات سووها
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآسفه ع الاطاله يمكن ماتقبلوني او ماتردوني علي ارجوكم ساعدوني والله ضحيه فراغ وعطاله مالقيت غيركم الله يسعدكم ساعدوني

أختي العزيزة / انا مناوي انا

أختي اذا كان انتي عاجبك ولد عمك وقابله فيه زوج استخيري واتوكلي على الله


اما اذا كنتي مجبورة وما تبيه استخيري واتوكلي على الله ولا توافقي

وربنا يعوضك اللي احسن منه..


والماسنجر وهذي الاشياء مو حل للفراغ ولمشكلتك


انتي بما انك حافظة 5 أجزء ليش ما تكملي وتحظي أكثر وربنا رح يسعدك ويوفقك





لي عودة ان شاء الله

يا اختي في هذه الجمعه الله يفرج لك همك
لا تهتمين كثير وتدخلي نفسك في متاهة لا تفكري فيما مضى حاولي تنسيه

مشكلتك هو (( الـــــــــــــــــــــــــــــفــــــــــــــــــ ـــــــــر اغ )) و (( حالتك النفسية التي تعانين منها من جراء من الفراغ )) صــح
إذا اولا عالجي حالتك النفسيه بالقران أقرئي كل يوم جزء من القران وسترين الفرق ولا تنسي الأدوية وذلك لفترة قصيره حتى تتحسن نفسيتك ولا أنصحك بالاستمرار عليها .

ثانيا : عالجي الفراغ التي تعانين منه عن طريق
ممارسة هوايات معينة مثل الانترنت للمفيد قراءة الكتب تعلم شئ جديد مثل تصميم مواقع تصميم فتوشوب وأنا أحس أنك ستبدعين لأنك متفوقه في دراستك أستمتعي بوقتك ستحسين أن الدنيا تغير طعمها

أما موضوع زواجك لماذا لا تتزوجي من تقدم لك إذا رضيتي اخلاقه ودينه

الله يوفقك ويسعدك

حبيبتي مناوي انا تخرجت وقعدت فتره في البيت لكن مارضيت أقعد في البيت سجلت في البيت القرآن حافظه بعدها صرت عضوه نشيطه واله ان طار مني الوقت وما حسيت فيه \\ واذا عالثقه حبيبتي ليش مو واثقه من نفسك ؟؟؟ ألحين بنات مافيهم ذرة جمال واثقين من روحهم كأنهم ملكات جمال.؟؟؟؟؟؟؟؟؟؟؟؟؟؟؟؟؟؟؟؟؟؟؟ والثقه تكتسبينها من داخلك مو من الناس

وادعي الله يوفقك ويرزقك تره الرزق من الله مو من الناس بس أخلصي النيه.....وعلى قريبك أستخيري واذا ما مشى الموضوع انتي مو مجبوره ما زلتِ صغيره

وطمنيني عليك يالغاليه

لا تسمعي لكلام الناس

أنا كنت حأرفض خطيبي بسبب كلام الناس و بعد عقد النكاح و الحوار معه
أثبت لي إنه عكس أهله تماماً و هناك أفكار يستنكرها هو بالفعل
مثل مسألة كشف الوجه على أخوانه و غيرها من المنكرات التي استهان بها بعض الناس

و الحمد لله استطعت إني أغيره تقريباً
و وعدني إنه بعد الزواج ما راح يكون هناك له كلمة علينا غيره هو و بس

فلا تاخذي الولد بذنب أهله و خاصة إنه زوجة عمك مو هي أمه

و هذا رأيي و أنا أشوف إنه إذا كان يبعدك عن الحرام ..
و بيحصنك فوافقي عليه بعد استخارة و قيام الليل

عزيزتي تريدين نصيحتي تأكدي من شخصيته وأخلاقه ومدى تأثير أهله عليه ..
فإن ظهر لك ماتخشينه استتخيري واحجمي ، ولاترمين نفسك لأول طارق ..لمجرد الهروب من شبح العنوسة فتندمين..

نصيحة من أخت محبة ..
لاتتهورين ..!

أخشى والله أن تتزوجيه ويأتي اليوم الذي تكتبين فيه لنا عن مشاكلك وتقولين : هل أطلب الطلاق ؟!
رجاء مادام إنك على البر فكري بعقل وخلي عنك العاطفة جانبا ..
واستخيري وكرري الاستخارة ..

أسأل الله أن يوفقك ويكتب لك مافيه الخير ..