|
عندي سؤال بخصوص ابر Gonal F 150/uIM
سبق وان وضعت مشكلتي على هالرابط
http://www.66n.com/forums/showthread...9&page=1&pp=10 انا عمري 20 سنه .... وزني 71 كجم .....طولي 157 الدوره عندي ع المزاج يعني احيان كل 2 او كل 3 شهور .... واحيان كانت تطول لين 6 شهور ..ما عطيت هالموضوع اهتمام لاني كنت مو متزوجه ... الحين صار لي سنه و شهر متزوجه وما صار حمل ... وبعد الدوره تعبانه سويت فحص تلفزيون بعد الزواج بشهرين قالواا لي عندج تكيسات كثيره ...المهم ما صدقت ورحت دكتور ثاني وقالي مافيج تكيسات ..بس فيج ضعف تبويض .... المهم مشيت معاه على كلوميد لمده ما تقل عن 5 شهور .... كان وايد يتعبني ولكل فحص اروح فيه يطلع التبويض ضعيف ولا ارتفع .....وكانت نفسيتي تتعب رحت لدكتور ثاني ... واكد لي ان فيني تكيسات كثيييره ...بعد صدقته .... وقالي ان الكلوميد يضر بالاكياس الموجوده ع المبايض . وهو مثل ( البنزين ع النار ) .. وسوا لي تحليل للهرمونات طلع ان عندي هرمون المخ lh مرتفع بشكل كبير ( 21) .. عطاني حبوب اسمها ... premain عنابيه لمدة 13 يوم .... اخذتها مع حبوب بروفيرا بهدف ازال الدوره ... والحمدلله ...يوم رحت فحصت دم ع الهرمون طلع 6 يعني نزل بشكل كبير قالي الدكتور اذا جاتني الدوره اخذ حبوب منع الحمل ( ياسمين ) نزلت الدوره ومع اول يوم منها اخذت حبوب منع الحمل ياسمين مثل ما وصفها الدكتور انا اخذ حبوب منع الحمل بهدف انزال اتكيساات .... مدة الحبوب 21 من اول يوم الدوره اخذتها قالي الدكتور ان اذا نزلت الدوره الثانيه وفي ثاني يوم راح يتبع معاي علاج التنشيط نزلت الدوره من يومين ورحت للدكتور في ثاني يوم مثل ما طلب مني سويت تحليل وقال كل شي اوكي لكن التكيسات للحين موجوده لكن بنسبه اقل من اللي قبل .. صرف لي ابر منشطه 5 ابر على جرعتين يومين لمدة 5 ايام اسم الابر genal F 150/uIM اخذتها في العضل .. مؤلمه جدا...في اول يوم سببت لي ارهاق و تعب .. وبطني كان يعورني بدرجه فظيعه وبعد ظهري ....والدم كان ولا زال نزل علي بغزاره ابتديت فيه من تاريخ 22/10 وبامشي فيها لين 26/10 وو عنددي موعد يوم 27 مع الدكتور .....!!! بس مادري ليش اعتقد لانه بيشوف كم حجم البويضات مواعيد الدوره السابقه 27/8 26/9 22/10 يا ليت اشوف عندك المشوره .. من حيث كم هو مدى فعالية هالابر .....!! وكم المتوقع زيادة حجم البويضات مع العلم انها صغيره ....!!! واذا ما تعدل حجم البويضه كيف هي الابره التفجيريه ...!!! هل حالها يختلف عن هالابره ولا شلون بيعطونني اياها ...! لان اسمها يخوف والله ... !!! اسفه ع الاطاله ......... رزقنا الله واياكم الجنه |
تك تك تك تك في الانتظار
|
توكلي على الله أختي...
مامنها خوف انشاء الله طالما تروحي في نفس الموعد المحدد عند الدكتور.. أنا جربتها خمس مرات...والابر ما عندها دلع مثل الكلوميد,يعني لازم تكبر مقدار معين في اليوم, و يختلف من كل وحده على حسب الوزن والعمر ومقدار التكيس...الخ. وإذا ما استجابت المبايض بيزيد مقدار الأبر إلى إن توصل البويضات للمقاس المناسب وبعدها يعطيك الإبرة التفجيرية إللي تساعد على خروج البويضة من المبيض وكمان تحديد المدة إللي يحصل فيها التلقيح. أكثري من الاستغفار..وأدعو الله في هذه الأيام الأخيرة من رمضان أن يرزقك ويرزقني ويرزق كل محرومه بالذرية الصالحة المعافاة عاجلا غير آجل..[اللهم اقض حاجتنا وآنس وحدتنا وفرج كربتنا يا ذا الجلال والإكرام] وأي استفسار أختي أنا جاهزه.. |
اختي كلميني اكثر عن الابر التفجيريه وهل ظروري اخذهم بعد الابر اللي الحين ولا اذا شاف الذكتور ان البويضات اوكي راح يستغني عن التفجيريه ؟؟؟
|
الأفضل تاخذين الابر التفجيرية..حتى تضمني خروج البويضه من المبيض..
وعلى الأقل تعرفين المده إللي يحصل فيها الجماع قبل ما تموت البويضة.. وإذا شاف الدكتور إنك ماتحتاجينها بقياس مستوى الهرمون بيبطل أو يخفف مستواها.. لأني آخر مرة ارتفعت الهرمونات عندي بشكل كبير واضطريت آخذ نص الابرة.. على العموم ايش إللي مخوفك منها؟؟ في الغالب تحسي بألم بسيط في المبيض وقت خروجها وصدقيني ما يقارن بألم جونال اف.. |
انزين انا كنت باسأل هي ابره عاديه يعني ؟؟؟ ولا غير ........
لاني خايفه من اسمها .... يعني شكلها يشبه الجونال ولا تشكيله غير لاني اموووت خوف من الابر من مجرد ما اشوف شكلها |
وكم عدد الابر التفجيريه اللي باخذها في اليوم الواحد اذا تطلبت
|
ابرة واحدة فقط....
وأخف من الجونال اف.. وبعدها تنتهي مرحلة العلاج والجماع يكون بعد يومين في الغالب.. |
يالله انشالله خير
الله يرزقج الجنه انشالله بس وينه الدكتور فادي ؟؟ |
اختى لا تخافى من ابرة التفجير فهى ابرة عادية فى العضل و لا تسبب الم مطلقا انا عملتها وكانت جرعتها عالية جدا لم تسبب لى اى الم لا تخافى علما باننى اخاف من الابر كتيرا توكلى على الله
|
| الساعة الآن 05:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©