|
خطيبتي سريعة الغضب
انا خطيبتي من النوع الزعووول علطول ؟؟واكثر الاحيان ترفع صوتها علي وتقول انها طبيعه فيها ؟؟
في التلفون لما ابقولها خلاص ابقفل تقول انت ماتحبني ؟؟ انت ماتعرف انا من اليوم استناك علشان اكلمك وانت بكل بساطه تقول بقفل ؟؟ وهي لما تبي تقفل قالت انا مشغوله ؟؟ انا لو اقولها اني مشغول وربي تزعل علطول ..؟؟ وانا بصراحه احب اقعد على الانترنت كثير لاني عندي شغل عليه مثل تصميمات وتركيبات ..؟؟ واحيانا نتشاجر على اشياء تافهه...؟؟ وكذا مره اقولها وابتفاهم معاها بس عنيده وراسها يابس ؟؟ البنت من صباح الله وهي تدق علي لما اروح للكليه ولما ارجع ولما بنام ولما بصحى ولما بروح مشوار ولما بقابل اصحابي ؟؟ بعض الاحيان تتصل علي وانا عند اصحابي اقولها انا برا تقعد تتكلم وتسولف اقولها يابنت الناس عيب عليكي انا مع اصحابي تزعل وتقول انت ما يهمك غير اصحابك ؟؟ حتى اصحابي لاحظو هالشيء للاسف لاني اقعد بعد المكالمه متضايق ومو غير كذا حتى بالرسايل ..؟؟ والحين قبل اكتب الموضوع تصدقون تهاوشت معاها وتزاعلنا وقفلت الخط ..؟؟ لاني قلتلها اني على الانترنت وقاعد ابحث عن موضوع المهم قالت ابحثلي عن موضوع وانا خلاص انتهيت وتعبان بدي انام ..؟؟ قلت لها مالي نفس الحين يمكن انام .. علطول زعلت خلاص انا مابي منك شيء ..؟؟ قبل يومين قالت لي عطني فلوس ابشتريلك شماغ وانا مو اي شماغ يعجبني .. قالت ذوقي مو عاجبك وزعلت ..؟؟ وتبي تروح لجده مع اختها وزوجها في البدايه ما وافقت انها تروح بس بعد ما قالتلي انها ماكملت اغراض الزواج وان في جده ماركات وانها رايحه مع اختها مو مع غريبه ومدري ايش .. وفي الاخير قلتلها خلاص انا موافق بس بشرط اني اقابلك قبل لاتروحين .. قالت خلها بظروفها ؟؟ صدقوني يا جماعة الخير احنا نحب بعض كثير وانا ما ابغى غير اني اغير من طبعها وهو الزعل دايركت :29: واذا تبون الصراحه نا ماعلي فيها اذا زعلت اراضيها بالاول واعتذر منها بس اذا عندت خلاص ماعلي فيها متى مار ضت رضت انا ما ابغى الا اني انسى المشاكل هذي كلها وبس ..؟؟واغيرها من الانفعال بسرعه والزعل والغيره الا بنت مطيعه :18: ومشكورين وماقصرتوا ..؟؟ |
واثق الخطوه سلام والله يعينك أنا مشكلتي مثلك وياناااااااااااااااااس شوفولنا حل؟
|
سهله
كلموهم انتو باوقات تكون محرجه مثل قبل الفطور وقت السحور يعني من ترجع من مشوار ومن الكليه او المدرسه من تكون عارف انها مشغوله او تعبانه و بهلطريقه تفهم اذا ما فهمت ممكن نشوف طريقه ثانيه |
أما إنك تسمح لها تسافر مع أختها و زوجها ؟؟
فأشوفها صعبة شوي و لازم من ألحين تبين خطواتك و عشان تعيشوا بعد كذة مع بعض بسلام و أمان |
ام اثير مشكوره على المرور والرد
بس مافيه فايده اختي حاولت معاها كثير وتكلمت معاها وعذرها انها خايفه علي ..؟؟ روح الطير ..؟؟ والله انك صادق اخوووي بس هي تقول انها تبي تصير احلى عروسه فقلت لها لا ..؟؟ فقالت انك ماتبيني اطلع حلوه في ذاك اليوم هو يوم واحد وابي افرح فيه وابي كل الناس يتكلموا في مو علي ..؟؟ فمان الله |
ياشباب ترا السفر يوم الجمعه وماباقي غير بكره
هل ابقى على قراري ام اغيره..؟؟ فمان الله |
؟؟؟؟؟؟؟؟
|
وش الغلط في انها تسافر مع اختها ؟؟؟
اتركها تسافر عشان تجيب الاغراض اللي تبيها ولو تعرف تسافر معاهم سافر معاهم يصير احسن على فكره هي تحبك كثير حاول تحافظ عليها وتفهمها الصح من الغلط واللي يزعلك من اللي يرضيك والف مبروووووووووك مقدما والله يتمم على خير انشاء الله نسمع اخبار حلوه |
ياهلا والله اختي غرام
لكن احب اقولك انهم يمكن ياخذون اكثر من ثلاثة ايام وراح تسكن مع اختها وزوجها وراح تاكل معاهم وراح تتكلم معاهم هذا اللي قاهرني ولا مو من حقي فمان الله |
الله يعينك عليها وان شاء الله يهديها لك ويوفقك معاها
لكن انا بقولك قرار السفر لاتراجع عنه عشان ماتبين لها انك متردد وكل يوم في راي وغير مرة امنعها وصمم على رايك واما عن طباعها فانا اقولك مافي احد غيرك يقدر يوصلها معانتك معاها بين لها حقيقة مشاعرك وقولها انها بهذي التصرفات تخليك تبعد عنها وتمل منها اختك المها |
| الساعة الآن 03:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©