أفيدونى يا اهل الخبرة
 

موضوعى محرج الى حد ما بس بصراحة انا ماليش غيركم يا اخوانى واخواتى بهذا المنتدى لأفضفض معه
انا مخطوبة من عشر شهور خلالهم خطيبى يزورنى كل اسبوع تقريبا وطبعا نكون معاه بمنتهى الكرم -والله ده طبعنا مش بنصطنعه - لكن معاه بزيادة شوى لانى باهتم بيه كتييييير
وعزمنا عائلته كلها حوالى ثلاث مرات ولان والدته متوفيه فى الاول والدتى كانت ترفض عزومته لنا عنده وتقول اننا مقدرين ظروف عدم وجود والدته لكن بصراحة هو استسهل هذا السبب والى الان لم نرى انا وعائلتى منزله وما عزمناش نهائى عنده وله اختان واحدة منهم متزوجة والاخرى فى سنى - مع العلم انه يقوم بالواجب معى من ناحيه المواسم والهدايا والمناسبات -
مشكلتى ان الموضوع ده بدأ يثار عندى وبدأ اخواتى وأمى ينتقدوه وبصراحة بأحس انه يضايقنى جدا رأيكم ايه ؟

مش عارف اقولك ايه اكيد في مشكله

رائي تعجلو بكتب الكتاب
و بلاش الظن السئ بالناس
لانه حيزيد من مشاعر العداء و الشك و الريبه في النفوس
و الى ان تكتبو الكتاب
قللو من الاحتكاك و الزيارات

انا ما أحس بأن الموضوع مشكله!! وبصراحه ما أنصحك تلفتي نظرة لهذه النقطه ابدا!! وكأنك تأمريه بعزومتك لبيت اهله!؟!
إذا هذا الشيء ما جا منه فخلاص! والدته متوفيه ويمكن خواته مايقدروا يعملوا لك عزومه بمثل أو احسن من عزومتك!! يعني اعذريه
واهم شيء انه طيب ويحبك وماهو مقصر معاك ويزورك ... ولاتنتظري مقابل أو " وحدة بوحدة " !!! ترى يفهمهـا " منّه "
والله يوفقك ويسعدك

حبيبتى لكى حق تقلقى ومن راى ان احد محارمك يزوره ويرى وضعه حتى لو مفيش عزومةبس مهم تعرفى طريقة معيشتة حتى لا تصدمى بعد الزواج او عقد القران وتكونى على نور من اولها ولا تنسى حبيبتى الدعاء والاستخارة ربنا يوفقك لكل الخير حبيبتى وصاريحية بانكى تريدى ان ترى بيتة الذى يعيش فيه مع احد محارمك بالطبعه بحجة انه شريك حياتك ونفسك تفهمية اكتر عشان ترضية اكثر بدون ان تظهرى له شكوك حتى لا يتضايق منكى ويشيل فى نفسه اسال الله ان يسعدك فى الدنيا والاخرة وان يوفقك لما فيه خير لكى حبيبتى اللهم امين

السلام عليكم

اولا كل سنة وانتي طيبة وبصحة وسلامة

حبيبتي لا تفكري بالشكليات ابدا صحيح انه حلو لما هو كمان يعزمكم تحسين بفخر قدام اهلك .. لكن اعذريه حبيبتي

هو والدته متوفية وعنده اختان بس وواحدة متجوزة يعني هو كمان اكيد نفسه انه يعزمكم ويعمل الواجب بس ظروفه تصعب عليه كدة

ابدا لا تفكري بهالموضوع بالعكس انتي كوني له الام والحبيبة والزوجة الصالحة ابدا لا تلمحي له انه كان لازم يعزم اهلك لانه هيحس بضيق وهيضايق اكيد واحساس صعب جدا

واهلك لازم يقدرو ظروفه ولو انتقدوه متتضايقيش بالعكس لازم تقدريه اكتر انتي دلوقتي بالنسباله كل شي لا تعوضيه مش تحسسيه بنقص فقدان الام في حياته

وياستي مفيش فرق اذا انتو عزمتوه او هو عزمكم في النهاية انتو بقيتو اهل وهو هيبقى زوجك وحياتك

ربنا يوفقك ويسعدك بس نصيحة من اختك لا تهتمي ابدا بالحاجات الصغيرة في حياتك سواء دلوقتي او في حياتك الزوجية المقبلة كوني الصدر الرحب والانسانة المتفاهمة دائما وهالامور الصغيرة متهتميش فيها ابدا ودائما حطي نفسك في مكان الشخص المقابل وتخيلي وضعك حتى تحسي بيه وتقدري اكتر وبذلك عمرك ما هتحسي بفرق بينك وبين خطيبك الى هو هيبقى زوجك واب ولادك ان شاء الله

اتمنالك كل التوفيق

نور حياتي