اسمي الذي لا تنطقه إلا نادرا !! ماذا افعل؟
 

مش عارف أبدأ منين بس الموضوع اللي عايز آخد رأيكم فيه موضوع طالما اشتكيت منه ولم ينصلح الحال
فخطيبتي لا تذكر اسمي إلا نادرا جدا جدا في حديثها وذلك الأمر تعب نفسيتي جدا وكلما طلبت منها ان تذكر اسمي لا تذكره إلا بالطلب وبعد إلحاح .. تخيلوا لما واحد يشحت من خطيبته أنها تنطق اسمه .. فهي لا تنطق اسمي في الكلام ولا تناديني به ولا تسلم عليا به في التليفون إذا اتصلت .. تخيلوا من يوم خطوبتنا لحد دلوقتي يعني حوالي عشرة أشهر ولم تنطق باسمي إلا مرات قليلة خلال العشرة شهور الماضية
في مرة من المرات أشهدت والدتها على ذلك فسألتها لماذا لا تناديني به فبررت ذلك بـــــ ( الخجل ) فهي تخجل من أن تناديني باسمي فهي تنادي جميع من حولها بأسمائهم ما عدا أنا وحين سألتها ( ليه بتنادي الناس كلهم بأسمائهم وتيجي عند اسمي ولسانك لا ينطقه حتى ساعات لما تيجي وتنطقي به في مرة في الكلام بتلحقي نفسك ولا تنطقيه ) فقالت لي إن الناس اللي حواليا لا أحبهم لكن انت بحبك وبالتالي أخجل حين أناديك باسمك .. وهذه هي كل الحكاية

ومن حوالي 3 اسابيع حدثت بيننا مشكلة في رمضان وكلمتني في التليفون وكالعادة لم تنطق باسمي فعاتبتها على الموضوع ده وعلى المشكلة اللي حصلت ساعتها بدون ذكر المشكلة فالأهم هم موضوعي الآن .. المهم في التليفون ده كنت جامد وقاسي في كلامي معاها بسبب المشكلة وبسبب موضوع ( اسمي ) ووعدتني أن انسى ما فات ونبدأ صفحة جديدة .. واتصلت بي بعدها وكلمتني وبرضه لم تنطق باسمي إلا لما طلبت منها أن تقول إزيك يا تامر

وفي يوم وقفة العيد من أربعة أيام كلمتني لتهنئني بالعيد فما قالت لي إزيك يا تامر .. وحين طلبتها منها أن تقولها فقالت لي إزيك .. فقط ولم تنطق باسمي .. فبصراحة انفعلت جامد عليها وقلت لها كل أهلك وعيلتك وكل الناس بتناديني باسمي وبتسلم عليا به إلا انت ( ليـــه؟) حتى انها بكت في التليفون وقالت لي حرام عليك كل أما اتصل بيك تنكد عليا كده .. حرام عليك اللي بتعمله فيا ده .. أنا بعد كده مش هتصل بيك تاني .. وساعتها خيرتها ما بين اسلوبها معايا ومن أولى أحواله موضوع اسمي ده وما بين استمراري معها


فوعدتني أن تكون كما أريد ..وبعدها بيوم رحت أديتها عيديتها وكنا معا في زيارة شديدة الرومانسية .. وخرجنا تاني يوم في العيد في أحد الأماكن الترفيهية وكان من أسعد ايام حياتي .. لأنها حسستني بحبها ليا أوي ولكن ما ينقص هذا الحب هو أن تنطق باسمي في حوارها معي - في منادتها لي - في سؤالها عني .. هذا كل ما أريده ..
أن تنطق أسمي دون أن أطلبه منها

وعلى فكرة كل أما آجي واطلب منها ذكر اسمي فتقل لي لا تطلبها وسيبها لغاية ما تيجي من نفسي لوحدي ..
عارفين لو تركتها لنفسها فلن تنطق به برضه ..

فات يا جماعة على خطوبتنا 10 أشهر ولم يتغير شئ وباقي إقل من 9 أشهر على زفافنا إن شاء الله وخايف يبقى الحال كما هو عليه الفترة اللي جاية وبعد الزواج ....!!

فماذا أفعل .. لقد تضايقت جدا من قولها لي ساعة المشكلة أنها لن تتصل بي بعد ذلك لكثرة معاتبتي لها في التليفون على موضوع إسمي ده ..
طيب لو رجعت واتصلت بي تاني هل أعاتبها برضه إذا لم تسلم عليا به ولم تنطقه في حوارها .. أما ماذا
وانصحوني بالله عليكم ... ماذا أفعل كي أعالج هذه المشكلة ...

فبرغم أن موضوع المشكلة شئ بسيـــــــــط جدا لكنه ذات أهمية كبيرة عندي ...

وياريت كل اللي مر بتجربة تشبه مشكلتي ومر منها بحل ممتاز ينصحنى بسرعة

مستني الردود

بصراحة هى حاجة غريبة جدا واكيد مافيش حد يعرف تفسيرها الا خطيبتك نفسها هى بس اللى تعرفها
بصراحة اكتر انا مخطوبة وباحس انى باستمتع وانا باقول اسم خطيبى لدرجة انى ممكن واحنا بنتكلم فى التليفون انادى اسمه واما يقولى نعم اسكت لانى كنت عايزة اقوله بس
هى حالة غريبه
طيب قولى هى بتحرج منك اوى والا شديدة الرومانسية اللى انت ذكرتها دى معناها انا واخده عليك شوية ؟

ami & modi:
عايز أقولك إنها نعم شديدة الإحراج والخجل من الناس حتى في وسط أهلها وعائلتها
اما من ناحية شديدة الرومانسية فكنت أقصد أنها تحبني وكان ده باين من اهتمامها بي وفرحتها بذلك اليوم وكذلك في يوم خروجنا معا في العيد كان من أروع أيامي معاها . ولكنها في هذين اليومين أيضا لم تناديني أو تتكلم معي باسمي

خلاص يبقى ده السبب وانا اعتقد ان الموضوع ده ممكن تعالجه برومانسية وهدووووووووووووووووووء

وفى الحالة دى ما تضغطش عليها لان واضح انها محرجة جدا لردجة انها محتارة عايزة ترضيك وفى نفس الوقت مش قادرة اعذرها وساعدها
حاول معها بمرح وود وحب حسسسها انها مجرد انها تقول اسمك ده هايسعدك جدا وصدقنى هى واضح انها عايزة ترضيك بس مش عارفه بدليل بكائها

بما اني فتاه ما يمنعها خجلها
انت لازم تفرح تعرف ليش لأن الواحد لما يحب يخجل ان يذكر اسم من يحب
اصبر اخي

طيب بماذا تسميك خطيبتك ؟؟؟؟؟؟؟؟؟

حرام عليك لا تضغط عليها خليها تجي من حالها مثل ماقالت لك

أنا كذة خطيبي لحد ألحين ما قدر أناديه بإسمه أبداً

الأ خ تامر <<<<< الحين تغار خطيبتك
برأيي اولاً : لاتلح عليها خلاص وقف
هي بدون شعور راح تناديك بإسمك الين ماإنت تزهق وتقول ياليت مالحيت<<<<<<<< أمزح
ثانياً : تو الناس على المشاكل وتخيرها بين الإستمرار أو البقاء معك عشان مسأله بسيطه
والله معاك ....