|
مشكلة بسبب علاقة الزوج وأخته
يعطيكم العافيه اخواني واخواتي
بأدخل للموضوع اتصلت بي صديقتي تحكي لي مشكلتها نصحتها بأشياء استفدت منكم فيها بأحكيلكم القصه واطلب منكم المساعده لصديقتي - صديقتي متزوجه من سنه ونص ولها بنت هي عمرها 23 وهو 33 سنه هي عباره عن كذا مشكله اولا: مايحبها تشتري ملابس مغريه له يعني اذا جات تشتري قمصان نوم يشتري لها القمصان الطويله القطنيه شكلها جدا عادي بحجة انه يخجل يشتري هذه الأشياء وما يبغاها توصي احد يشتري لها . ما يحبها تلبس بناطيل يقولها تشبه بالكفار مع العلم ان هذا اللبس لها وله يعني انا من يوم ما عرفتها وهي تلبس تنانير طويله وسوده حتى بعد ماتزوجت يعني هو مايبغاها تلبس حتى في البيت له هو ثانيا : يبغاها تحكي وتدردش واذا حكت قالها (ياكثر مايحبون الحريم الحكي) واذا سكتت يقولها تحكي ولا تنزلي من السياره او شي زي كذا. ثالثا: في رمضان سافروا عند اهله وهنا المشكله تقول طول وقته مع اخواته وخصوصا الصغيره (اللي من سنها) اذا دخل الغرفه ينام وراحت عنده يلبس ويخرج اذا طلعت من الغرفه دخل ------ ما يعطيها خصوصيه بينهم طول الوقت يأخذ اخواته معاه تقول اول مكالمه بينهم فترة الخطوبه قالها انا احب اختي كثير------- تقول اذا دخلت عليهم اخته يقوم يبوسها من راسها وكتوفها تقول احس فيه انه مشتهيها . المهم صديقتي تحب زوجها مررره تقول انا احبه بس ماني قادره اكلمه ---- اذا كان تعبان ماني قادره المس جبينه تحس في بينها وبينه حاجز صار اسلوبها مررره عصبي ومستفز صارت جافه مرره ارجوكم ابغى رأيكم في هذا الموضوع ايش الحل ملاحظه : الزوج من معتقداته ان الرجل مايفتح فمه الا عند التثاوب. الزوج ايام عزوبيته لم يسكن عند اهله يعني اهله في بلد وهو في بلد الزوجه لها كلمات استفزازيه اذكرها لاحقا انتظر ارائكم وحلولكم سامحوني طرحت الموضوع بسرعه لضرورته واستعجالي |
لاتعليق
المكتوب واضح من عنوانه والسلام ختام |
تقولين ...
تقول اذا دخلت عليهم اخته يقوم يبوسها من راسها وكتوفها تقول احس فيه انه مشتهيها . يا شيخه عيب عليكي ... هذا قذف |
فيه ناس كثير يبوسون اخواتهم ويحضنونهم وهذا مايعني انه يشتهيها استغفر الله العظيم يااختي اتق الله ان بعض الظن اثم وبالدليل هو تكلم عن اخته قبل مايتزوجها انه يحبها حرااااام اتقي الله واستغفري ربك
|
اولا اعتقد ان صديقتك تعاني من الغيره الشديده ,, وهذا متولد عندها من فنرة الخطوبه كما ذكرت عندما تحدث الزوج عن اخته ..
ثانيا ,,اعوذ بالله عندما قالت انه يريد اخته ومن هذا الكلام الغير لائق ,, نتيجة انه يقبل كتفيها وراسها هذا له دلاله واضحه ان الزوج عفيف فهو لم يقبلها من مناطق تثير انما من مناطق جدا عاديه .. وشكرا. |
]أختي ارجاء تذكيراخيتنا باالله لان الشيطان تغلب عليها جدا ورأيي رأي الاخ/الاخت غير الناس .
ثبتها الله |
اخي بو عبدالله
بصراحه انا معاك لما حكتلي جلست ساكته ماعلقت الا بأن هي بيدها تسعد حالها لكن كانت تقطع كلامي وتكمل شكرا عزيز على مرورك الكريم رفع الله قدرك وفرج همك ونولك مرادك اخي العزيز هامس اعصابك عليه معاك حق كلامك سليم 100% الله يهديها وشكرا على مرورك الطيب بس حسيت انك معصب ربي يسعدك ويرفع قدرك ويفرج همك وينولك مارادك أم منيره عزيزتي انا اوفقكي الرأي استغفر الله اصلا انا ماعجبني اسلوبها وهي تتكلم عن زوجها كان ودي انهي المكالمه بس احتسبتها عند الله وقلت يمكن افيدها ومشكوره على مرورك الكريم ربي يسعدك ويفرج همك وينولك مرادك اخي\اختي: غير الناس شكرا لمرورك الكريم فعلا زوجها قالها صراحة انت تغاري بس ايش ردت عليه ؟:انت لاتطلع لاتقبالهم ولاتسوي كذا ......أوامر ..أوامر والمعروف مافي انسان يحب احد يتأمر عليه فمابالك الرجل او الزوج وربي يسعدك ويفرج همك وينولك مرادك اخ \اخت :من لي ربيعا شكرا لمرورك الكريم وبأذن الله بأنصحها ربي يسعدك ويفرج همك وينولك مرادك |
طيب اخواني واخواتي
بصراحه من ذاك اليوم لما حكت لي ماكلمتني بعدها هل تعتقدوا انها كانت متصله لمجرد الحكي والشكوى أم لطلب المساعده والحل؟ وبدوري انا هل افضل مستمعه لها فقط ام انصحها؟ علما بأن الأنسان الذي يبث شكواه لمجرد الحكي والشكوى لايمكن ان يسمع هو النصيحه عكس الانسان الذي يبحث عن الحل انتظر ردكم محبتكم في الله |
عزيزتي روح الغالي
أنصحيها ولا تقفي مستمعة فقط حاولي إهدائها بعض المواضيع المفيدة في حالتها من هذا المنتدى الرائع وجزاك الله خيرا |
حبيبتي الغاليه سمااا
مشكوره على مرورك الكريم انصحها طيب اذا كانت هي اصلا ماتبغى النصيحه لأن لو كانت تبغى الحل او المساعده كان عملت اللي نصحتها فيه بس كنت كل ماانصحها تطلع كلام ثاني بيني وبينكم امي لها زميله من سنين ومن يوم ماعرفتها وهي دائما تشتكي وامي تنصح ومع الأسف ماتنفذ النصيحه او تجربها او تحاول لأ متستمره بأسلوبها مع زوجها وتجي تشتكي عند امي (في الحزن مدعوين وفي الفرح منسيين) وانا اخاف تصير صديقتي نفس الحكايه بس تبغى تشتكي عموما انا كنت طابعا مواضيع مهمه من المنتدى بأرسلها لها خصوصا في طريقة التعامل مع زوجها وربي يهديها وشكرا مره ثانيه ربي يسعدك ويفرج همك وينولك مرادك ويريح بالك |
| الساعة الآن 11:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©