|
ساعدوني قبل مااخسر زوجي تكفووون
بسم الله الرحمن الرحمن السلام عليكم ورحمة الله وبركاته00 اولا احب اشكر جميع القائمين على هذا المنتدى الرائع من مشرفين واعضاء على مساعداتكم وجهودكم اللي تبذلونها00000 وماني مطولة عليكم وهـــــــــــــــذي مشكلتي: انا بنت عمري 20 سنة ولي تقريبا شهرين مملكة ولله الحمد احب زوجي واهو يحبني جدا لكن المشكلة انه هو جريييييييييئ وانا خجوووووووووولة جدا ،وهذا تاعبني لانه يبيني (ابوسه-اضمه-اقوله كلام رومنسي-.......... الخ) والله ياجماعه حاولت لكن ماقدرت غصب عني،واهو يقول لي ابي تقولين لي كلام حلو و رومانسي مثل اللي تقولينه بالرسايل، وابي اذا جيتك المره الثانية تكونين جريئة وتعوضيني عن المرة السابقة وتنفذين اللي اقولك عليه عشان احبك اكثر،انا اعرف انه لاحياء بين الزوجين بس شسوي تعبت من خجلي جدااااااااااااااا تكفوووووووووون يااخوان تساعدوني قبل مااخسر زوجي ولكم الاجر من رب العباد |
حلات المرة بخجلها......
ما اظن انك راح تخسرين زوجك بسبب خجلك..... خليك طبيعيه و لا تحملين نفسك اكثر من طاقتها..... اما عن خجلك......فانا اشوف انه مو مبالغ فيه....ولا تستعجلين على رزقك...... مع الايام راح تتعودين على زوجك......و تتمنين لو ايام الخجل هذي ترجع...... ومبرووووووووووووووك.....الله يهنيكم.... دوووووووووت |
الصراحة راحة يا اختي .. صارحي خطيبك بخجلك وخوفك وكل مشاعرك
فلا احلى من الصراحة بين المحبين .. وان شاء الله لن تخسري زوجك اظن انك مبالغة شوية :) ..... مرة ثانية الصراحة راحة بكل شيء، وطبعا الصراحة تكون مغلفة بالمحبة :) وفقك الله وسدد خاطكم، وجمع الله بينكما في خير |
بصراحه الخجل شئ طبيعي وزوجك لابد أن يعرف أن المسألة مسالة وقت
انا لما تزوجت جلست فتره كانت زوجتي لا تنطق كثيرا من الكلمات خجلا وصبرت عليها حتى تعودت عليها وتعودت علي الله يوفقك |
اختي
وضحي لزوجك انكما لسا مملكين وانك لسا ما تعودتي عليه وما انسجمت معه وانه يبي لك وقت حتى تنسجمي معه وانك بعد الزواج سوف تسعدينه وتلبين له كل مطالبه وبعد الزواج سوف ينتهي خجلك تجاه زوجك في اقل من اسبوع وهذا شيء مؤكد اتمنى لك التوفيق دعواتك تحياتي |
|
حبيبتي أذكرك بقول الرسول_صلى الله عليه وسلم:الحياء لايأتِ إلا بخير) فخذيها حجة لك لا عليك ..تحياتي القلبية. |
والله انا اقول يا حظ زوجك فيك والخجل (الحياء) من الايمان
وصارحيه وقولي له اننا الأيام ستعودنا على بعض لكن ما يصير من أول مرة تندفعين وانتي في نفسك لا تخافين من خجلك هذا فهو طبيعي وسيأتي اليوم الي يقول فيه خطيبك بل زوجك طالما انتم مملكين الله يسقي تلك الأيام اللي كنت اتمنى الكلمة تطلع من لسانك. لكن كوني على يقين ان كل شيء سيتغير بعد الزواج وانتي طبيعية جدا ولا تخافي من ان ذلك هي مشكلة وانا شخصيا اتمنى لك حياة سعيدة في مستقبل الأيام |
لاتظغطي علي نفسك وكوني طبيعيه لاتستعجلي علي شي وتندمي
|
مع تأييدي التام لكل من سبقوني الا أنني اقترح عليكما الاستعجال في اتمام عملية الزفاف، وذلك لكي تكونين قريبة منه، وينقشع هذا الحياء الجميل، وتحققين مطالب زوجك،لكن تذكري دائما أن المرأة تعطي للرجل الجنس لكي تجد الحب،والرجل يعطي الحب ليجد الجنس، وهذه خصال جبل عليها الرجال والنساء ولا ضير فيها.
|
| الساعة الآن 05:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©