أنصفوا الأزوج أيتها الزوجات
 

السلام عليكم ورحمة الله وبركاته .....


أدعو جميع اخواني وأخواتي في هذا المنتدى في المشارك في هذا الموضوع

الحساس من وجه نظري



لماذا أغلب الكلام وطلب المدح والثناء يكون من الزوج لزوجته !!!!!!!!!

أليس للزوج حق في سماع كلمة ( حب ) و ( عاطفة ) من زوجته ؟؟.


أليس الزوج له مشاعر وأحاسيس ؟؟؟


لماذا يطول الكلام عن مدح الزوجة ويقل في الجانب الآخر !!!!


لماذا هذا الفهم الخاطئ ؟؟


أرجوكم انصفوا الأزواج .

شرف لي مشاركتك معنا :d

مع حق ولكن له مداخل أخرى غير عقله


أليس كذلك

والله احس انه احنا الحريم وااااااااااااايد نمدح الزوج ونقوله الكلام الحلو والطيب


واغلب النساء لاتألو جهدا في انها تسعد زوجها باي طريقة


لكن الرجال قليلا جدا من يعمل ذلك


ويا حظها اللي عندها زوج رقيق وشاعري وكلامه عسل

والله الكثير من الرجال هو من يقول لزوجته الكلام المعسولوهو الذى يبادر به

دفء الحياة

أشكرك أختي العزيزة على مشاركتك


كلامك في محله

بس المشكلة أن كل الزوجين يرى أنه هو من يمدح كثير والآخر هو المقل


لك تحياتي

bobserag

مشكور على التأيد

ولك تحياتي ؛؛؛

أتمنى أني انصفكم
كلامك ثلاثة ارباعه صحيح اذا ماقلت كله صحيح !!
ومن حق الزوج يسمع كلمة حب وعاطفه من زوجته واكيد له مشاعر واحاسيس
بس بصراحه احنا تعودنا ان الكلام الحلو يكون من الزوج وللزوجه
بس اكيد الزوج يحتاج للكلام الحلو
وبالنسبه لي زوجي اكبر مني بـ 15 سنه فكنت اقول المفروض انا اللي اسمع كلام حلو مو هو !!
واحيانا لمن نختلف يتميرض والله انه يشفى بس لمن اقرب منه!!
وانا بنفسي اقول الحمدلله والشكر ريال شكبره ويسوي عمره ياهل !! ولا يبيني ادلعه بعد !!!
بس مع مرور السنوات عقلت ونضجت يمكن لاني صار عندي اطفال وصرت احس بحركاته انه واحد من اطفالي
وانه فعلا يحتاج لكلام حلو وصرت اقوله كلام حلو وادلعه ولا المراهقين وماشاء الله متغير ومتنعنش
واقولها لكم يا الحريم دلعوا ازواجكم مانتوا خسرانين شي ترى الكلام ببلاااااااااااااااااش!!
عاملوهم كاطفال تخيلوه واحد من اطفالكم ولا تناحسون معقوله في واحد تناحس ولدها !
وهذي امثله بسيطه بكتبها عن تدليل الزوجه لزوجها
التدليل يكون بتدليله باسمه وبالاضافه لتحسيسه كطفل
فمثلا أنا إذا نادى علي زوجي أرد عليه وأقوله واحد أو أكثر من هالردود :

هلا ابوي........

أبوي أنت ........

امي انت ...........

حبيبي آمر .........

فديتك حبيبي وشتبي..........

حبيبي ناديتني شتبي ياعمري ...........

وكل جمله تشوفون فيها حنيه ممكن تقولونها

وطبعا لاننسى الابتسامه والنظره اللي كلها حنيه وتخترق القلب وانتي تردين على زوجك

وراح تشوفون هالوصفه شلون بتاثر في ازواجكم ولا سحر :18:

وانتوا يالرجاجيل صبركم علينا ترى انا خبرة زواج اكثر من 15 سنه

وانا اللي ادلع زوجي اللحين واعامله كطفل شوفوني وانا ببداية زواجي وبعد مرور كم سنه

وربي ولا كلمه لزوجي كأن المفروض اهو يقولي وبس وانا ماقوله !!

وبعدها صار لاعاد يقولي ولا انا اقوله وكانت حجتي انه كبير واكبر مني بكثير !!

يعني مايصير يطلب من واحده اصغر منه انها اتدلعه وهي تبي من يدلعها !!

بس مع مرور السنوات والعيال والنضج تغيرت الافكار عندي

وصرت احس انه فعلا طفل وصغير وبحاجه للحنان

وصرت احس اني بنفس عمره يعني لاهو كبير ولا انا صغير ه

واحيانا احس اني انا اكبر منه خاصه لمن اشوفه يلجأ لي ويشورني في كثير من امور البيت

والعيال واحيانا قليله العمل !

يعني الصبر ثم الصبر ثم الصبر ثم مليون مره الصبر يارجااااااااااااااال وماينوبكم الا كل خير ..............

واتمنى اني اكون انصفت الجميع :21:

صريحه جداً

الله يعطيك ألف عافية وكتب الله لك الأجر


كفيت ووفيت


يا ليت كل الزوجات مثلك


نريد المزيد من معينك الله يبارك فيك


لكم كل التحايا ...

المرأة عاطفية ويؤثر فيها الكلام الرقيق وتصدقه بسرعة أما الرجل قد يسخر من المرأة ولو لم يفصح ولا يصدقها ولانعمم ولكن ذلك هو الغالب