|
كل يوم زوجة
السلام عليكم اخوتي واخواتي
حبيت استشيركم في مشكلتي وعذرا للزعاج زوجي يتزوج مره ثانيه وبعدين يدلعها ويطير فيها وبعد كم سنة او شهر يطلقها سواها مرتين وهذاه الحين رايح يخطب المره الثالثة مع العلم اني اسويله كل مابقدرتي من التغيير والتزين والتلبق000الخ لكن ولا كانه شايف شي هذا غير تفضيل المرة الثانيه علي بالقول والفعل بالله عليكم كيف استقبله اذا جاء وكيف بتكون معاملتي له اشيرو علي جزاكم الله خير وخاصة اني مليت |
الله يعينك
شيليه من بالك وعامليه لوجه الله |
صح يادفءالحياة
لكني آدمية احتاج زي ماتحتاج كل بنات حواء واخينا رايح ومطنشنا |
ام سريره
كان الله بعوونك بس لاتنسين ان الشرع احل له اربع انتي سوي اللي يرضي ربك 000 اطيعيه اذا امرك 00 وتزيني وتكشخي له 000 وذكريه بحقوقك عليه00 بعدين احمدي ربك انه ماعاملك نفس اللي هو يتزوج ويطلق وانك للحين بذمته |
والله ياوخيتي وااااااااايد حريم مثلك
وحالهم اردى ازواجهم بعد مومخلينهم في حالهم وصابرات ومحتسبات والله اني شايفة هالشي وااااااايد الله سبحانه وتعالى خلق الانسان لعبادته ولم يخلقنا لنعبد ازواجنا ازواجنا ما هم الا خلق من خلق الله ان احسنوا لانفسهم وان اساءو فعلى انفسهم لن نحاسب معهم ولن نحمل من خطاياهم وهم لن يحملوا من خطايانا .........اعبدي الله واطيعيه واطيعي زوجك وعامليه معاملة حسنة لوجه الله وربي عيالك تربية صالحة عسى الله يعوضك بهم واجرك على الله اعرف ان فراقه وابتعاده عنكم صعب وصعب جدا خاصة من عندها عيال تذكري ان هناك ارامل ومطلقات وانتي وضعك احسن منهن ........سامحيني انا لااقول هذا الكلام لأقلل من حجم المصيبة وانما اقول لك هذا الكلام علشان تصيرين قوية وتتحملين المسؤلية اصبري يا عزيزتي انما يوفى الصابرون اجرهم بغير حساب . |
اشكركم دفء الحياة دفاك ودفانا وكل مسلم بهالبرد
واخي متفهم جدا فهمنا وفهمك وكل مسلم امور دينه لكني اخواني انا مااشكي من زواجه لكني اشكي جفاءه وظلمه لي وهو قاعد يفضل زوجته اللي معه ذاك الوقت لحد ماوصلت حالة القهر و هو الحين جاي بعد كم يوم مادري معه عروس ولا لا يعني كيف اتصرف معه علشان مااقع في الحفرة مرة ثانية يعني ماعارض زواجه لكني ابغى السلامة وتكفون ادعولي بظهر الغيب واشيرو علي كيف اتصرف معه |
يارب يالله ياأرحم الرحمين ويا أكرم الاكرمين تصلح لام سريرة زوجها
وترده لها وتجعلها قرة عينه وحبيبة قلبه ودفء حياته وتبعد عنه نساء العلمين وتبعده عنهن وتجعلها زوجته الوحيدة في حياته وتسعدهم وتوفقهم وتهنيهم وترزقهم الذرية الصالحة....اللهم آآآآآآآآآمين اللهم آآآآآآآآآآمين |
اختي ام سريره
الله سبحانه وتعالى قال بمعنى الايه فامساك بمعروف او تسريح باحسان انتي كلمي ابوك او اخوك او حتى ابوه هو اذا عاايش واشرحي لهم معاناتك مع اني متوقع انهم عارفين فيها بس انتي كلميهم يحاولون يعقلونه وينصحونه يمكن انه يسمع لهم او يستحي منهم ويقدرهم ويعاملك باحسان وعدل والله يكون بعونك وادعي ربي أخر هالليل انه يعينك ويصبرك ويهديلك زوجك وترجعون مثل ايام شهر العسل |
الله يهديلكِ زوجك يا أختنا الكريمة
بس حبيت أسألك ليه ما سألتيه ليه بيعمل كده ؟ عايز إيه بالظبط مع انك ذكرتي انك بتتزيني و تتجملي ؟ بدعيلك يا أختي بأن الله يهديه و يجملك في عينه و ما يتمني و احدة غيرك |
لا حول ولا قوه الابالله
اصبري يا اختي.... والله يعينك دووووووووت |
| الساعة الآن 07:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©