أعطوني حل بخصوص الحفلة والتأجيل
 

السلام عليكم والرحمه
عندي مشكله واكبر من مشكله بعد وودي احد يعطيني حل وحل مقنع
انا مخطوبه مالجين علي من تقريبا4 شهور وانا وريلي والحمدالله متفاهمييين ونحب بعض وكل شي
ابوه توفى بعد ماملجنا بإسبوعين واهو كبير واجد بالسن وانقلبت الموازين انه اهله كانوا يبون عرس والحين قالوا سافروا احسن والوالد يقولي لازم حفله لأنه كلش ماسوينا لا خطوبه ولا شي وقدام الناس والوالد معروف جدا وموعدله وانا اول وحده من بناته بتزوج
المهم قلنا بنسوي شي خفيف وعشان نراعي ظروفه وجي بس اهله صاروا كلش ما يتصلون بالوالده ولا شي واهي واجد متضايقه من هال شغله انه مافي كونكشن بين اهل المعرس والعروس كلش ...وانه اهم يقولون بعد اجلوا شوي واريلي ماوده يأجل كلش
المهم ابوي قال لازم يتأجل حتى لو كمن شهر عادي على ما يحددون عشان امه تطلع من العده وتحظر العرس لازم واهو متضايق من كذا انه بيتأجل وانا ما اقدر اكسر كلمة ابوي لأنه الكلام الي قاله صحيح انه لازم اروح بكرامتي مو يركبوني كلهم بعدين لأنهم كلش ما يتصلون ولا شي ومخليين كل شي علينا انه نروح وندور وجي .....امه تقول قبل انه لو تأجل بنسويلك عرس وكل شي ...
الحين حفلتنا بتكون بعد شهر واسبوع تقريبا بس بعد الكلام الي دار بين ابوي وبينه وانه اح وقال حق اهله المفروض يتم التأجيل بس لين متى ما ادري
...انا طولت عليكم ادري بس اقولكم التفاصيل عشان تعطوني احسن حل ((الحين انا وريلي متضايقين كلش من هال سالفه وانا معاه مانعرف شنو نسوي واهو مايعرف ومتضايق حده حتى انه الكلام بيني وبينه قل وصاير مايحب يقعد في البيت من هال سالفه والحين اهو قالي انه يوم قال حق خواته انه بيجونا وانتفاهم عن كل شي ))
عطوني الحين حل بهال سالفه شلون اهون على ريلي واهو متضايق ولا يبي يأجل والتأجيل يصير من صوبهم مو احنا نقولهم وانا احس انه كل هال سالفه جايه على راسي وانا ما اعرف شاسوي عاد ساعدوني والي يسلمكم...
اسفه طولت عليكم

كلام ابوك صح لازم تاجلي وهو عريسك كيف تجيه نفس يتزوج وابوه توه ميت؟؟


لازم تاجلي علشان تفرحي وهو كمان يفرح بعرسه يعني كم شهر خليه يستنى شوي:)

أختي لو تزوجتي ألحين إنت الخسرانة

أهله بيقولوا ماراعت ظروفنا و ماراح يقولوا ولدنا ماراعى ظروفنا

و الخسارة الثانية اللي بتخسريها إنك لازم تفرحي مثل بقية البنات و أهلك يفرحوا بك

الصراحة ما أئيد إنك تتزوجي و تسافري كذة سكيتي .. سكتم بكتم

بجد لو كنت أختي ما أرضاها لك

و زوجك أو خطيبك يقدر يصبر شوي لا يكبر السالفة و خليه يستغل الأيام هذه بذكريات حلوة

اختي العزيزه

المفروض خطيبك هو اللي يأجل العرس لانه والده اللي توفى واذا ماكو تأجيل شي راجعله كيفه والفضيحه عليه انتي مايصير عليج شي اللهم تفهمينه انه لازم يأجل عشان وفاة ابوه وكلام الناس اذا اقتنع تمام واذا ما اقتنع تكونين عملتي اللي عليج وماقصرتي
ومثل ماصبر 4 شهور يقدر يصبر شهرين زياده ماعتقد يضره شي

ولازم تفهمينه انه من حقج وحق اهلج يفرحون فيج ،، السالفة زواج وفرح ووناسه مو سالفة بس حفله بسيطه وخلاص الزواج ماراح يصير له طعم

تقبلي تحياتي
مزاجـــــــــــي

مشكورين والله والحمدالله انحلت المشكله
جاوونا الأهل وتفاهمنا على كل شي انه الولد والوالده يبون التأجيل وابوي اقنعه وانا طبعا الي الوالد يقوله بيكون افهم مني
وصار تأجيل العرس لين شهر 3 على ما تطلع امه من العده بعدها ب 3شهور العرس ولأنه نفس ماقالوا انه اصغر واحد ولازم يسون عرس وحركات .....الي كان مضايقني اكثر انه كل ما اكلم خطيبي انتناجر على اتفه الأسباب لأنه اهو متضايق وانا كل السالفه على راسي بس الحين على قولته سحابة صيف وعدة وبينتله انه موقفه معاي ماعجبني عشان ما يتكرر مره ثانيه ومو كل شي انا معاه نقوله الصح والكبار اكيد لهم وجهة نظر احسن
مشكورين مره ثانيه ....والصراحه شفيييت على عرس

يغلق بما ان المشكلة قد حُـلت مع امنياتي لكِ بالتوفيق.