|
غيرة خطيبي(زوجي)
السلام عليكم والرحمه ادخل في الموضوع على طول
انا مملوج علي من شهر 8 والحمدالله انا وخطيبي متفاهمين بس هال ايام احس غيرته زادة يعني مثلا انه يقولي اغار عليج اذا رقصتي في عرس مثلا بنت عمتي ...يقولي لي انا وانا اغار ...وحتى لو طلعت معاه وان شفنا في طريقنا في المجمعات شباب واجد يلف من مكانه لين الصوب الي بيمر فيهم الشباب اذا مثلا جنبي مع انه كلش مو قراب مني ويده بخصري...وانا الصراحه متضااايقه كلش انه علشان غيرته يعني كلش مو داخله بالي يغار علي اذا رقصت مع بنات عمتي في عرس ولد او بنت عمتي وكلنا بنات....ودي اقوله انه انا متضايقه من هال غيره بس شلون بالضبط ما ادري مع انه هو يقولي لازم تقولين لي كل شي حتى لو في شي مضايقج فيني قوليلي علشان اعرف شنو مضايقج ولا اسويه بس بعد اهو راسه يابس في اشيا... ما أدري هل اني ابالغ في هال غيره ولا اهي شي طبيعي ولا بزياده لأني جد متضايقه اسفه طولت عليكم بس ارجوا المساعده المفيده من ذوي الخبره |
حبيبتي .. حياااتي.. هااا احلى شي في الزوج وكل وحده تتمنى انه زوجها يغااار عيلها.. ومن كلاااامج احس انه يحبج واااايد ويخاااف عليج حييل.. حااوولي انج ما تتضايقين من هالشي . بالعكس لاازم تفرحين.. واذا كان عالعرس ممكن اتقوليله ترى المكااان حريم ومافي رياييل.. حبيبتي اذا ما اقتنع اسمعي كلااامه وطيعيه عشااان ما تخسرينه.. وتذكري انه في مليووووووون وحده تتمنى انه زوجها يغاار عليها لو شوي بس.. الله يوفقج ويخلييكم لبعض يااااارب.. :22: |
وانا مع اختنا المتعذبه ..
شي طبيعي حبيبتي يغار عليك لانه يشوف حياته كلها معاك والانسان لمن يحب احد ويجد معاه السعاده يخشى دوما ان يفقده والغيره احدى النزعات التي تخرج من عاطفة الحب والخوف على من نحب.. صدقيني راح تخف شوي ولكن انا ارى انه امر طبيعي وشي رائع انه الرجل يغار على زوجته الله يهنيكم ويحببكم في بعض اكثر ويبعد عنكم كل شر ومكروه يارب |
اختي هو صح الغيره حلوه بس الغيره الزايده اللي تشوفينها بزوجج شوي تصير كريهه بس تحملي ترا عقب الزواج بتتمنين وتقولين ياريت يغير علي لو شوي بس لا تحسسينه انج مضايقه بس ممكن تقولين له بطريقه غير مباشره مثلا تجيبينها على غشمره انك شرايك اقفل علي الباب واقعد وياك وطبعا عشان ما يشوفني حد غيرك وما تغير علي تقولينها وانتي تضحكين وماتحسسينه انج مضايقه تحملي ترا بيفهما غلط وبعدين تندمين
تحياتي اختك احبك حبيبي |
اي وناسه جذي يغار عليج ويحبج وايد ويخاف عليج بس سالفة الرقص شوي بايخه حاولي تفهمينه انه كله بنات وشي طبيعي الرقص :) .. والله الموفق
|
الغيره اكبر دليلل على الحب
ارجوكي لا تهدمي سعادتك بيدك واحس ان خطيبك حساس لذا انتبهي |
الله.............. حبيبتي المفروض تستانسين وما تزعلين على اللي صار
تصرفات ريلج طبيعية ودليل ان يحبج ويخاف عليج ويموت فيج بعد لاتزعلين منه بالعكس المفروض تستانسين وتضحكين على هالحركات الحلوة ترى هالحركات مع مرور الزمن تتلاشى ,,,,لاتستعجلين ,,,,,وتزعلين عليه ,,,,,,تحملي !!!!!!! مثل ما قلت لج اذا سوى هالحركات اضحكي وابتسمي في وجهه وقولي له الله يخليك لي ولا يخليني منك والله كل البنات يتمنون يكون لهم ريل يحبهم والا يخاف عليهم ويغار هاي الحقيقة صدقيني ياحياتي الله يسعد قلبج يارب. |
معناها يحبك يااختي
اما تصرفه امام الشباب فهذا تصرف ان سان سليم وصاحب نخوة ورجوله وصدقيني مع الايام ستخف هذه الغيرة....لانك يبدوا لي عرسان جداد وسبتدأي تتسائلي لماذا خفت .... وقد تحزني حينها احمدي الله اختي |
السلام عليكم اجمع
ماتقصرون والله طمنتوني على الأقل شوي لأني كنت متضايقه من هال شي بس الحين اوكيك ومشكوووورين على كل الكلام الي قلتووه... ردي على الأخ انه اذا ريلي حساس فا اهو بالضبط نفس ماقال .. على العموم مره ثانيه ميغسي وماتقصرون بمساعداتكم:) |
| الساعة الآن 03:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©