منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- المقبلين على الزواج (http://www.66n.com/forums/forumdisplay.php?f=7)

- - ردوا علي عاجلا.. (http://www.66n.com/forums/showthread.php?t=69193)

ردوا علي عاجلا..

موضوعى أضدقائي موضوع مش مستمر على طول ولكنه موضوع أنا بقيت أتضايق منه جدا
أنا وخطيبتي الحمد لله بنحب بعض جدا وكنا قد عبرنا فترة من الخناقات والمشاكل بسبب أنها شايفاني أني مدلوء عليها ( وده كان شوية صحيح ) لكن الحمد لله العيب ده راح من طريقتي في معاملتها وبقيت في أحسن حال معاها وبقيت أمامها زي أي راجل بتتمناه أي بنت ( رزين - تقيل بس بعقل - محب - لا يسكت على الخطأ منها )

المهم إيه المشكلة بقى !!!!؟
المشكلة إني لما بكلمها في التليفون عند بنات عنها في الشقة اللي تحتيهم لأن تليفونها في المحل التجاري الخاص بوالدها أسفل المنزل _ لما بكلمها بسأل الأول عن أحوالها وعن أهلها وعن دراستها وعن يومها فلا تجب إلا بالقليل وحجتها في ذلك أنها لاتستطيع الكلام في وجود أحد من أقاربها في شقة عمها في الصالة عندهم وأنا ببقى نفسي أتكلم معاها ... لكن - المشكلة - إن ردودها قصيرة جدا فأضطر أنا إني أتكلم معها بعد الحوارات التقليدية اللي ذكرتها لكم في كلام تاني

فمثلا أمس اتكلمت معاها وبقولها ( إزيك وعاملة إيه .. وإزي عيونك يا جميل - لأن كانت عنيها بتوجعها وأخذت قطرة للعين - وقلتلها خدي بالك من عنيكي عشان دي غالية عندي أوي ) فلم ترد
أقولها - وحشتيني ) وأسكت وأكررها تاني بعد سكوت فتثول ( خلاص ماشي أوكيه عرفت ) أقولها مفيش رد .. فتضحك بخجل لأنها وإلى الآن لا تستطيع أن تنطق بمثل هذا الكلام من خجلها بعد 10 شهور من الخطوبة .
فبدأت أقول كلام تاني
قلت لها مثلا على فكرة الإيشارب اللي كنتي لابساه إمبارح كان جميل أوي وعجبني .. فتقوللي عادي يعني .. أقولها طب خلاص كان شكله وحش وانتي مكنتيش حلوة فيه .. تقول لي (شكرا)

طبعا أنا عارف إن الكلام ده كله عادي من خطيب لخطيبته .. لكن أنا حسيت إني رجعت تاني أحسسها إني مش تقيل وإن الكلام ده المفروض إن الرجل ميقولوش

فهل ده صحيح أم أنها لم ترد بسبب وجودها في شقة عمها
هل أنا غلطان .. أنا لم أقل أنها زعلتني في التليفون ولكن قلة كلامها بتخليني - ودي المشكلة الأكبر - أؤنب نفسي على الكلام بتاعي اللي بيظهر مدي حبي لها و تفنني في الإعجاب بها وبكل ما يخصها

فماذا أفعل بعد ذلك

أنا عارف إنها مشكلة بسيطة ولكن يهمنى أعرف
هل فتاه عاوزة من خطيبها إنه يبقى تقيل قدامها .. لما تلاقيه بيقولها الكلام ده تتضايق .
أم إن مثل هذا الكلام أسعدها ويسعد أي بنت .. ردوا عليا

إذا كان كلامك نابع من قلبك ويعبر عن صدق مشاعرك فلا تكبته أبدا أبدا فإن لم تقوله لحلالك فلمن ستقوله وهي أولى بسماعه ؟ وليس المهم مرور الوقت ، المهم نزع الحواجز النفسية بينكم :27: ، فلا تستعجل وطول بالك عليها شوية ، الخجل طبع أغلب البنات والعشرة بتخفف من حدته ، لاتسيئ الظن في خطيبتك ولاتستعجل بالحكم عليها ومافي داعي يأنبك ضميرك على ماتقوله فالكلمة الجميلة تأسر قلب خطيبتك وإن لم تفصح لك عن ذلك :22:

هذا والله ولي التوفيق

أختك في الله
سيدرا

سؤال

انت خطيبها

يعني في كتب كتاب ولا بس قرايه فاتحه و خطبه

لانها تفرق؟؟؟

انا برضه اسأل مثل سؤال ام اثير ؟؟؟؟

خطوبة وشبكة وكتب الكتاب ليلة الزفاف إن شاء الله ..

ولكن ما الفرق .. في مجتمعنا الخطوبة تشبه كتب الكتاب في المعاملة

عارف إنكم هتقولوا : لا هناك فرق .. لكن اسمحولي أن أوضح إن حتى في كتب الكتاب معاملة الزوج لزوجته لا تكون هي معاملته لها بعد الزفاف ولكن هناك حدود أيضا فماذا لو اختلفا وتطلقا ؟؟؟؟؟؟!!
ستكون الخطبة تشبه كتب الكتاب لا أقول تماما ولكن لي الحق في الكلام معها وكل الحق للتعرف على شخصيتها وطباعها

ممكن ان تجد الجواب الشافي في هذه الروابط

http://www.66n.com/forums/showthread.php?t=68597

http://www.66n.com/forums/showthread.php?t=68615

http://www.66n.com/forums/showthread.php?t=68616

http://www.66n.com/forums/showthread.php?t=68608

http://www.66n.com/forums/showthread.php?t=68667
من ثم اطلع على هذا الرابط تجد فيه قصه مفيده لجميع المقبلين على الزواج

http://www.66n.com/forums/showthread.php?t=69064

الله يكتب لك الخير

يمكن هي منحرجه لانها يمها احد

انا وقت الخطبه ما اعرف اكلم خطيبي حتى لو امي او صديقتي بجانبي

ليش ماتشتريلها موبايل وتحل المشكله ؟

هناك فرق بين المخطوبين بدون عقد وبين العاقدين وهناك موضوع مثبت يوضح الفرق لذا ارجو مراجعته

_يغلق للإكتفاء بالروابط التي ارفقتها المشرفة أم أثير_

تحياتي

حائزة الأمل