عمل ديكورات لغرفة الشباب أفيدوني
 

أخواتي الغاليات,,,,, أخواتي في الله ممكن تساعدوني عندي غرفه صغيرة مخصصه لأصدقاء زوجي أريد أن أعلق فيها عريشة العنب الموجوده عندي وكمان أريد أن أعمل طريقة الكهف بس مافهمتها لمن قرأتها في المنتدى ممكن شرح مفصل وممكن أريد عمل بءر إصطناعيه والله طلباتي كثيره بس أعرف ماطلبت إلا من كرماء وياريت شرح بصور إذا ممكن وياريت الأخت العزيزه أكوان ترد علي
ودمتم سالمين :p :D :rolleyes:

والله لو اعرف ما بخلت عليك بس انا مثلك في هذا الموضوع

أهلا ريتال

وطلبك علي العين والرأس

بالنسبه لي طريقة الكهف اللي بالمنتدى ما كانت واضحه من الأصل وصاحب الموضوع ما رد علي أسئلتنا :(

بس انا ودي اعرف ...... شنو الطابع اللي حابه ترسمين الغرفه فيه

يعني تبي تعملي كهف ... وعناقيد عنب ... ترا مو راكب :(

يعني إنتي حابه تعملي .........جو صحراوي ؟؟ او شنو بالضبط ؟؟

اانا حابه اعرف شنو طلبك بالضبط
وانشاءالله اقدر اساعدك :)

هلا وغلا بالأخت أكوان ياريت تعطيني رأيك في جو الكهف وياريت إذا فيه صور لوسمحتي بأفكر إني أعمل بئر مع جلسه بدوي من المفارش الحمراء ترى حلوه وأي شئ تشوفيه أعطيني رأيك فيه عندي خامات كثيرة متوفرة علشان أحب الأعمال الفنيه مثلك وبيتي كله أفكار بس هنا أنا محتاره وأبغى أفكار حلوه من الحلوين
وعلى فكره عندي لمبات صغيرة مثل حجم اللولو وبأفكر إني أجيب فلين وأرشه لون كحلي +جليتر وأخرمه علشان اللمبات تدخل فيه وأعلقه بس ترى في غرفه ثانيه مارأيك علشان تصير مثل السماءفي الليل والنجوم ياريت تتحفيني بأفكارك النيره ويعطيكي العافيه
أختك ريتال

أهلا ريتال

وحلوه فكرتك إنك تعملي جو بدوى بغرفه الجلوس الخاصه بزوجك وزواره

وجلسات أو المفارش الحمرا اللي تكلمتي عنها اتصور إنك تقصدى فيها السدو

أفكار حلوه بس بصراحه انا مو حابه فكرة الكهف ( ما ادرى يمكن لاني مو فاهمتها عدل لما كتبها اخونا بالمنتدي )

علي العموم

انا لي تصور للغرفه ( مع انه مو جديد )

افرشي الغرفه عادي بالسدو ..... طبعا لونه الاحمر ودرجاته

خلي ركن ... حطي فيه ادوات الباديه ... من دوه ... وغيرها واهي كثيره وتلاقينها بالاسواق الشعبيه

وانصحك تعملي نافوره علي شكل بير ماي ....... بس ما ادرى حابه اشرح لك عمل البير بالكامل من تصميم وغيره ؟؟؟

بالنسبه للسما ................ إتركي الفلين مو حلو بالشغل

شوفي ........ أكيد تعرفي خام التور ؟؟؟ خام حلو وممتاز للأشغال اليدويه

إشترى امتار كافيه لي تغطية السقف أو الجدار اللي حابه تعطي له طابع السما وخلي الأضائه تتخلل من داخله

هالطريقه منتشره بالفنادق والأعراس ... وإهي لف التور وبداخله الأضائه ... وممكن إنك تنثري نجوم كرستال تتثبت علي التور بعد ما تثبتينها بالسيليكون .....
والنجوم ممكن كرستال .. أو إنتي ترسمينها علي التور بواسطه السيليكون وتثبيت نوع من الزرى عليها

انا راح ... احضر لك صور وافكار ... للفكرتين اللي ذكرناهم

شكرا أختي الغاليه وآسفه على التأخير في الرد ولكن ماهو التور ممكن وصفه
وعلىفكرة في حاجه شفتها عند ناس إنهم جابوا ورق الجرايد وغطسوه بصمغ الخشب ولصقوه على الجدار بس بطريقة مكرمشه وبعدين صبغوه بالبخاخ الفكره عجبتني بس ماعطوني التغاصيل إذا ممكن التفاصيل وتكوني مشكوره

أهلا ريتال

والله انا اللي اسفه علي التاخير

انا صورت لك الشرح الأول اللي ذكرته لك ....... خام التور خام شفاف مثل الشبك أكيد بياعين الخام يعرفونه ممكن تستخدمينه أو تستخدمين الأوكنزا


(( هذى صوره توضح اللي ذكرته بردي قبل الأخير إتمني يكون واضح ( أحسن غنك تحبي الصور اكثر :) )

http://www.arab7.com/up/file/1071359023.jpg

_______________________________________-

أما طريقه ورق الجرايد فهي بسيطه وحلوه

تاخذى ورق الجرايد وتفردينه علي المكان اللي تبي تغطينه تفردينه وبالفرشه توزعي غرا الخشب أو مثل ما ذكرتي صمغ الخشب ( وأهو سائل لونه ابيض ) ... تغطي كل الجريده حتي تتبلل بالكامل ... بعدين بإيدك تقومي بكرمشتها وتعفيسها بالشكل اللي تبينه

لما تخلصي إتركيه يوم كامل حتي ينشف وبعدين قومي برشه بالألوان الرش اللي تحبينه .... بس علي فكره هذا النوع ما يعمر (بسرعه يتلف ما يصلح للديكور أو علي الجدران ) لكن حلو لي تغليف البارتشن أو للحواجز أو لي كمل اطقم للزرع :)

الله يعطيكي العافيه أكواني وفعلا القماش شكله أحلى من الفلين أكتملت الفكره وياريت تسرعين في الحلقه الأخيره حتى نيدأ بالتنفيذ

أهلا ريتال

ما فهمت عليك ( شنو الحلقه الأخيره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني لمساتك ياأكواني الغاليه في تكوين شكل نهائي للغرفه حتى أسرع في العمل